Maafîu 2:11 - Yálá laawoo hɛɓɛ

¹¹ Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Yálá laawoo hɛɓɛ (dc)

¹¹ Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Bible

¹¹ Tãi dí lɔ̀ la bɛ́rɛi mui, dí ǹôloŋ kàa ǹee Mere yêei. Dí tòo gɔ́ɔ mu dí vɛli. Dí dítɔɔ-sãai lá ƃò, dí sama-sã̂a tɛ̀ɛ bɔ́ yɛ̂ɛ gôo, wúru-malaŋ kúŋ nɛ̀ɛ, bɛlɛɛ wúlɔ kúŋ nɛ̃ɛ ma.

Maafîu 2:11 Referans Kwoze

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Lukə 2:16

Di di mąąhulɔ də li, lii di mo, di Mari da Ɉosɛfə di kaa, ɛlɛɛ, nokoloi tii laa di lííla daatɛlɛɛɠaa laa mį́i.

Maafîu 2:2

Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Mąątɛ̨nɛ̨ 72:15

Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Tɔɔɓɛlaa dɔlɔɔ 10:2

Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Lonon mo 7:14

Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨;

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

Maafîu 14:33

Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Lukə 2:38

Volói ŋɛ̨i di kɛi Jesus laa həli la Yálá ɓa, Anə ə pa Yálá hee pɛlɛ́ mu a volói tii, ə lɛɠɛ di kwɛlɛ, yɛ Yálá hɛɠɛɛɓo nokoloi tii mąą mɛ̨nį ɓa. Ɛlɛɛ, nuą kpɔ kɛi Ɉerusalɛmə taa nwun mąąɓomun mąą kpɔn, Anə hvaŋą lɔɔi lɔ kɛ yɛ nokoloi tii mąą mɛ̨nį hukulɔ diɛ.

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Lonon mo 7:86

Hɛni kpələ kɔ́wɔ pow kɔ́w hveelɛ, naa hvɛɛ a wulɔ kun nɛ̨ɛ̨, dɔ̨nɔ̨ yɛ ɓo a kilə pow, yɛ bələi bɛlɛ́ mąąhəɠɛɛ mu hɛn gɔɔn bələ kaa la. Gbələ kɔ́wɔ kəlee ə kɛ a kilə nwun dɔ̨nɔ̨ ɲee hveelɛ (120).

Levetekɔ 6:15

«Non ɉinąą lɔwai, nui di pai ɉeei a ɉaláá laa həli mun a nwulɔ mąąhəɠɛɛ a gɛ lɔ tii, yələ kəlee tɔ́n ni, da gələn gbɔ tɛ̨ɛ̨tɛ̨ɛ̨ Yai-Laa ɓa.

Lɛɛ gbɔwɔ ɓa 30:34

Yai-Laa yɛ Moisə ɓa: «Hɛnŋąą kun nɛ̨ɛ̨ɠaa kwɛli, a wulu kɔ́lɔ kun nɛ̨ɛ̨ɠaa, di kɛnɛ̨ yee pɛliɛ a gee.

Zɛnɛse 43:11

Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Mąątɛ̨nɛ̨ 45:8

Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Lɛɛ gbɔwɔ ɓa 30:23

«Wulɔ kun nɛ̨ɛ̨ɠaa həɠə a ɉuwu tamąą, diɛ ɓaa: Mirə wulɔ gəgən ɉu lɔɔli, sinamomə wulu kɔlɔ kilə hveelɛ da gbulɔ, hvəən gunnɛ̨ɛ̨ kilə hveelɛ da gbulɔ;

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Maafîu 1:18

Bələi di Jesus Kristə hɔlɔɓo la bələ ka. Nee Mari hilɛtai kɛɛ kɛ Ɉosɛfə ɓa, kɛlaa di hvo nii kɛ lɔ li pɛlɛn. Mari ə koo həɠə a Nįį-Mąąhəɠɛɛ kɛ mɛ̨nį.

Maafîu 2:10

Ɓɛlɔwai di bɛmɛ̨lɛ̨n-gɔwi kaa la tɔɔni bɛlɛ mɛ̨i; di kwəi ə nɛ̨ɛ̨ kpɔ kɛnɛ̨.

Maafîu 12:46

Ɓɛlɔwai Jesus ə kɛ mɛ̨nįɠaa tii ɓo la, nee da gaayɔwɔɠaa di kɛ tɔɔni ɲɛnɛ̨ɛ̨, diɛ gwɛli.

Ɉaan 19:39

Nikodɛmə tii ta li Jesus pɔ a kpinį, yaa kpɛli ə mąątí wulɔ kun-nɛɛ hveelɛ humu (mirə wulɔ da alowɛsə wulɔ) a gee, ə kɛ a tuku tɔ̨nɔ̨ da gbulɔ.