Lukə 18:9 - Yálá laawoo hɛɓɛ

⁹ Nu taɠaa di kɛ laa, diɛ di nwun dɛ, diɛ di kpɔɔ kaa a tələnmo nuą, diɛ nu takpɛliɠaa hviiɓo, Jesus ə ɉanwon ŋɛ̨i hɔɔ, di mąą mɛ̨nį ɓa.

Yálá laawoo hɛɓɛ (dc)

⁹ Nu taɠaa di kɛ laa, diɛ di nwun dɛ, diɛ di kpɔɔ kaa a tələnmo nuą, diɛ nu takpɛliɠaa hviiɓo, Jesus ə ɉanwon ŋɛ̨i hɔɔ, di mąą mɛ̨nį ɓa.

Bible

⁹ E máŋ záŋ ŋi sɔ̀ɔ dîɛ diai díkili e kɛ̀ díkpîŋ dîa a gɛɛ dí kɛ̀ a dísɔŋ lɛ́lɛɛ, kɛ́lɛ, dí díƃarâai kélee kpɔarai, ǹyɛɛi,

Lukə 18:9 Referans Kwoze

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.

Lomaŋ 14:10

Kɛlaa, yɛ́i ŋɛ̨i, lə mɛ̨nį ɓa, ə́ kaa ə́ ɓɛlan giti tee? Ɛlɛɛ, yɛ́n, lə mɛ̨nį ɓa, ə́ kaa ə́ ɓɛlan viiɓoi? Gu kəlee guɔ pa tínąą tɔɔi Yálá ŋą kitii lííla.

Lukə 7:39

Farisiɛ̨ tii Jesus təli kɔ̨nɔ̨n ma, yii kɛa ə yili kaa tii, ə mo gwəi pələ, yɛ kɛ mą: «Akɛ kɛ, nui ŋɛ̨i kaa kɛ a Yálá kwəi mɛ̨nį hukulɔ mun, hvo li hvaa mą, nɛ̨ɛ̨nui ŋɛ̨i hvo ɲee pɛlɛ mą, ə li gɔlɔn yɛ: wɛlikɛ nɛ̨ɛ̨nu kɛnɛ̨ li.»

Lomaŋ 7:9

Tɔlɔɔ ti kɛ, dɔ́n və ni kɛ pa li; ŋį́ kɛ a vúlú. Kɛlaa, yii kɛa dɔ́n ə pa a liɛwoo, nɛ̨ŋɛ̨n aa mąn kɛ a vulú.

Lukə 19:7

Nąą kaai kɛa nuą di mo, di dɛi kɛi Jesus ɓo, diɛ kɛ mą: «Gaa li yɛ yii nɛ̨ŋɛ̨n ɉəɠə mun ɲəi bɛlɛ́n.»

Lukə 18:11

Farisiɛ̨ tii ə tɔɔ a dee, yɛ Yálá hvɛli, yɛ kɛ diɛ: ‹Oo Yálá! Gáá ə́ mąmąɓoi, mąąhɔlɔɓo, və́ yɛ nu takpɛliɠaa; diɛi di kaa a nwuɔ̨ nuą, mɛ̨nį ɲɔ̨n gɛ nuą, da wɛli hon nuą. Gáá ə́ mąmąɓoi, mąąhɔlɔɓo, və́ kpɛli yɛ nįįhɔ̨nwɔ̨ kulɔ mun ŋɛ̨i.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Ɉaan 9:28

Farisiɛ̨ɠaa di nalan, diɛ mą: «Yɛ ɓə ə́ kaa a nwɔ kalan non, kɛlaa, ku wɛi, Moisə nwɔ kalan nɛa ɓaa a kuɔ.

Ɉaan 8:48

Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Lukə 10:29

Kɛlaa, dɔ́n galamɔ̨ɔ̨ tii ə kɛ bɔ ə gbɔwɔ lɛ yɛ nu haŋąa, ə Jesus mąąni kɛ nwɔ̨nɔ̨ yɛ mą: «Gbɛɛ ɓə gaa a ɉéé yɔwɔ?»

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Lomaŋ 14:3

Nui a hɛn gəlee mįi, mąą hvo nɛ̨ɛ̨li hvo vįikpɛɛmun viiɓo, vįikpɛɛmun yaan mąą hvo nɛ̨ɛ̨li hvo hɛn gəlee mįimun giti tee. Mąąhɔlɔɓo, Yálá a ɲee hee gəlee mu.

Levetekɔ 13:32

Voló mɛ̨ihveelɛ yələ, ɉaláá laa həli mun a ɲɔ̨n tii mąąkpɛɛ, ɲɔ̨n da a wala pɛlɛ mą, gɔlɔ ɓa ləɠa ta a wala kɛ a mu kpuluɔ, ɲɔ̨n a wala nąą lɔ ɉu,