Lonon mo 32:1 - Yálá laawoo hɛɓɛ

¹ Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Yálá laawoo hɛɓɛ (dc)

¹ Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Bible

¹ Lubiŋ da Gâa dísuui su-ƃelai, taa-tûlɛ támaa è kɛ̀ díyêei. Tãi dí Zazɛ da Gilia lɔii kàa la a lɔii lɛ́lɛɛ taa-tulɛ tɔɔ-mɛni mai,

Lonon mo 32:1 Referans Kwoze

Lonon mo 21:32

Moisə ə nuą tɔɔ, diɛ li Yazerə taa mąąkpɛɛi, di gwɛlɛ lɔiɠaa hon. Amɔrə nuąi kɛ laa, Moisə ə di kpɛ.

Lonon mo 32:35

Atrotə-Sofan, Yazerə, Yogboha,

Lonon mo 32:3

«Atarotə, Divɔn, Yazerə, Nimra, Hɛsbɔn, Eleale, Sevan, Nebo, Beɔn,

Zɔ̂ŋ Maa-ŋuŋ 2:16

Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Ɉeremi 50:19

Gáá pai pənəi ŋį́ pa a Israɛlə, naa mį́i lɔi pɔlɔ pɔlɔ ɓa, gaa pai naa mįi Karmɛlə da Basan yeeɠaa nwuɔ̨, ɛlɛɛ, yɛ pulu kulɔ ma Ɛfraimə da Galaadə yeeɠaa nwuɔ̨.

Samia Veerɛi 24:5

Di Ɉurdɛn teen, di li di tɔɔ Aroɛrə daai, yai Gadə ɲá ɓoloon bɔ ɉɛɠɛɛ pələ. Yili pulu, di li Yazerə daai.

Zasua 13:25

Di wɔ lɔi ka: Yazerə, Galaadə taaɠaa kəlee, Amɔn lonnii di wɔ lɔi bələ tɔ̨nɔ̨ ə həli Aroɛrə ɓa, yii gaa Raba tənən ma.

Lonon mo 32:26

Ku nɛ̨ąni, ku lonnii, ku wɔ nįŋɛ̨ɠaa da ku wɔ taatɛlɛɛ pɛlɛɛɠaa kəlee kaa pai lɛɛi ɓɛ, Galaadə taaɠaa hu.

Lɛɛ gbɔwɔ ɓa 12:38

Nu huwu tamąą di lɛɛ di pɔ, da diɛni diɛ li, da taatɛlɛɛ kpulu kɛnɛ̨.

Zɛnɛse 47:4

Bulu kpɔlu pələi ŋɛ̨i Kanaan lɔi hu, kala ta lɔpee hvo kɛa laa taatɛlɛɛɠaa mąą mɛ̨nį ɓa. Ku pa ɓɛ ku mąą kilɛi; Ną́n! Hvaa mą, ku hee Gosɛn?»

Zɛnɛse 29:32

Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Zɛnɛse 13:5

Lɔtə ŋɛ̨i kɛ Abramə pɔ, yaa kpɛli, ɓɛlaa kpulu kɛnɛ̨ ə kɛ ɲəi, da ɓolu kpulu ə mą kɛ nįŋɛ̨ɠaa. Yaa kpɛli mąn, gbɔwɔ həɠə pɛlɛ́ɠaa di kɛ ɲəi.

Zɛnɛse 13:2

Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Lonon mo 32:2

Yili ɓə gɛ, Gadə lonnii da Rubɛn lonnii di pa diɛ Moisə da ɉaláá laa həli mun Eleazarə da nɔi ɲɛ̨itɔwɔ nuą diɛ:

Dutɛrɔnome 33:21

Gadə aa nɔi nɛlɛɛ həɠə, yii a kulaa tɔɔi, ya ɓə ə ɉəɠə. Aa too nɔi nwun nąmįną pɔ, Aa Yai-Laa nwɔ tələnmolaa pɔ túwɔ́ ɓo, da mɛ̨nįɠaa Yai-Laa ə naa gwə́i Israɛlə ɓalo mɛ̨nį ɓa.»

Zasua 22:9

Bələ ɓə Rubɛn huwu, Gadə huwu, da Manase huwu bələ tɔ̨nɔ̨ di di pulu pənə la, di Israɛlə lonnii lɛɛ Silo Kanaan lɔi hu, də li Galaadə lɔi hu di hee laa, yai di ɉɔlɔɓo a di wɔɔ Moisə yəi, yɛ bələi Yai-Laa ə mo la.

Nwun mąąɓo 5:16

Lə mɛ̨nį ɓa ka lɛɛ ka yei daatɛlɛɛ gala hu? Kaa ka wəli tɔɔ daatɛlɛɛɠaa təli túlu woo ɓa? Kɛlaa, Rubɛn nu huwu lɔwai, di kɛi mɛ̨nį hu yala di kee lɔwai, a ɉu kwɛaa.

Ɉeremi 22:6

«Mɛ̨nįi Yai-Laa kaa moi yɛ hvilɛn na Ɉuda tɔɔmun nwɔ pɛlɛ́i ɓa, ya ka: «Ə́ kaa kɛi ɲə́i yɛ Galaadə lɔi, yɛ Liban yee ton na, gáá pai ə́ mąąpənəi a lɔi pun, və́ pai kpaɠai mą, gáá ə́ kɛi a taa kpoloon, kwəi kwɛli hvo ɉu.

Zasua 22:13

Di ɉaláá laa həli mun Eleazarə lon Pinasə tɔɔ, Rubɛn lonnii, Gadə lonnii, da Manase huwu bələ tɔ̨nɔ̨i tii ni pɔɔli Galaadə lɔi hu;

Samia Veerɛi 24:6

Də li Galaadə lɔi hu, Hodsi nɛ̨ŋɛ̨ lɔi hu Dan-Yaan, di lɛɛ di ɲɛ̨itɔwɔ də li Sidɔn daa.

Kɔlɔnikɔ Maa-ŋuŋ 4:41

Nuą ŋɛ̨i di kaa di kiliin ɉii, Ezekiasə kɛɛ a heeɓo Ɉuda lɔi mɛ̨i, ŋą tɔɔlaa yələi ɓə di paa la. Pai di mo, di Kamə kwəi lonnii tii huwu pu, di di mąąkilɛiɠaa kəlee taɠa kpɔ tɛ̨ɛ̨tɛ̨ɛ̨, di hee di heei, haa ɓa haa. Mąąhɔlɔɓo, nąą ə kɛ a taatɛlɛɛ tɔɔi lɛlɛɛ di mąą mɛ̨nį ɓa.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Ɉeremi 48:32

Gáá wɔlɔi ə́ mɛ̨i dɛɛ Yazerə nwɛi ɓa, yɛ́i ɓaa Sivma nwɔ viɲə yɛa lɛlɛɛ. Yáá kpɔlɔ, ə́ kpɔlɔɠaa daa li kpɔ gboloyá pulu pələ, diɛ həli Yazerə ɓa. Gɛɛ kalamun aa too ə́ wɔ hihɛnŋaa ma mɛ̨i da ə́ wɔ lɔɔi.