Lonon mo 23:9 - Yálá laawoo hɛɓɛ

⁹ Ŋą́ kɛ ŋɛ̨i tɔɔni kwɛni mɛ̨i, gɛ́ gaa, Ŋą́ kɛ ŋɛ́i tɔɔni yee tonna, gɛ́ mąą kpɛɛ. Gáá gaai a nu huwui dɔɔ a dee. Da lɔi takpɛliɠaa di hvo tɔɔ li.

Yálá laawoo hɛɓɛ (dc)

⁹ Ŋą́ kɛ ŋɛ̨i tɔɔni kwɛni mɛ̨i, gɛ́ gaa, Ŋą́ kɛ ŋɛ́i tɔɔni yee tonna, gɛ́ mąą kpɛɛ. Gáá gaai a nu huwui dɔɔ a dee. Da lɔi takpɛliɠaa di hvo tɔɔ li.

Bible

⁹ Ŋ́gaa tɔɔ ni kɔni-yeei tôŋ su ŋ́gɛ díkaa. Ŋ́gaa ǹyéei ma ŋ́gɛ dímaa kpɛɛ. Dí káa nɔ́ a lɔii-ŋuŋ nyii gáa seêi nɔ́ ǹya tee-tee. Dífa díkpîŋ sìɣe yɛ̂ɛ lɔii da kpɛ́ni su-ƃela.

Lonon mo 23:9 Referans Kwoze

Dutɛrɔnome 33:28

Ə́ hvįįtɔɔ a ə́ wəli pulu laɠiɛ, Ɉakɔbə nwɔ yá nwun gulɔi kaa laai a dee; yɛ li ɓɛi mɔ̨nun da lɔɔ nįnɛ̨ di kaa laa nɔi; yələkɔlɔn yɛ tulɔ pu mą.

Dutɛrɔnome 32:8

Ɓɛlɔwai Yai-Laa ə nu huwuɠaa kwɛlin dɛɛ la di pɔ, ə nu huwuɠaa hee lɔiɠaa ɲɛn dɔɔ, yɛ bələi nonnii tamąąi la, ə gəlee nwun mɛ̨imun gɛ mą;

Lɛɛ gbɔwɔ ɓa 33:16

nuą da pɛli gbaɠala kaai ləi diɛ kɛ ɲą́ą́ kwa ə́ wɔ́ nu huwui, kwaa ə́ lii hon? Kɛlaa, Yá kɛ ku lɔwai, kwa ə́ wɔ nu huwui ku hva kɛ yɛ bələi nu huwu takpɛliɠaa kaa la lɔi mɛ̨i, yili ɓə a nɛ yɛ kwaa ə́ lii hon.»

Ɛstɛrə 3:8

Haman yɛ tɔɔmun Asuerusə ɓa: «Nwɔ́ tɔɔmun! Nu huwu ta kaa ɓɛ ə́ wɔ lɔi ŋɛ̨i hu, di taɠa taɠaai nɔi nąą kəlee, di kpɔɔ tɔ́nŋąą ɓə di yəi, di hvo ə́ wɛi pulu; di hva ə́ wɛi hon. Mąą hvo nɛ̨ɛ̨li di hvo kɛ ɓɛ, yili dɔ̨nɔ̨ hvo mą yɛ́.

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Amɔsə 9:9

Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Ɉeremi 49:31

«'Ka ka muhəɠə ka li, nɔi liihɛlɛn və mą, gili hvo mɛ̨nį ta hu, ka kɔ́ pɛlɛ mą. Ɲą́ą́ Yai-Laa nwóó li. Kpón və di yəi. Kpón naa kpulu kwɛli hvo di yəi. Di kaa lɔ di tɔ̨nɔ̨ kon ɉu.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.