Lonon mo 23:13 - Yálá laawoo hɛɓɛ

¹³ Balakə ə pənə yɛ mą: «'Pa gwəli kɛɛnąą takpɛli ɓa, yá kɛ laa yɛ́ nu kpului ŋɛ̨i kaa. Ɛlɛɛ ə́ nɛ̨ŋɛ̨n naa laa ɲə́i. Bələ tɔ̨nɔ̨ lɔ ɓə ə́ kɛi gaa, hvo kɛi nu kpulu kəlee kaa.»

Yálá laawoo hɛɓɛ (dc)

¹³ Balakə ə pənə yɛ mą: «'Pa gwəli kɛɛnąą takpɛli ɓa, yá kɛ laa yɛ́ nu kpului ŋɛ̨i kaa. Ɛlɛɛ ə́ nɛ̨ŋɛ̨n naa laa ɲə́i. Bələ tɔ̨nɔ̨ lɔ ɓə ə́ kɛi gaa, hvo kɛi nu kpulu kəlee kaa.»

Bible

¹³ Nya ƃe Bâla è mò Bâlaŋ mà ǹyɛɛi, “Kú lí kwaa ta kpɛ́ni ma ƃɛ́i ƃa pɔ̂ri Eezuɛ-ŋai da-ni kâai naai. Nàa ƃé í dífoo naa ḿî.”

Lonon mo 23:13 Referans Kwoze

Mąątɛ̨nɛ̨ 109:17

Yii kpɔ nwąnąlɔ túwɔ́ lɔ ɓə nwɛli kaa mą, nɛ̨ŋɛ̨n naa ə yɛɛ kani a nwun, yii kpɔ hvo lúwɔ́ pɔi, lúwɔ́ ə mąą kwɛa kani mą.

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Tɔɔɓɛlaa dɔlɔɔ 20:28

Yálá nwɔ nui ə mąą lɛɠɛ Israɛlə tɔɔmun ma, yɛ mą: «Yii Yai-Laa ə mo ya ka: Yii Aramə nuą diɛ Yai-Laa kaa a yee hu Yálá, hvo a nɛ̨ŋɛ̨ hu Yálá; gáá nu kpulu ŋɛ̨i kəlee lɔi ə́ yee ŋą ə gɛ ka gɔlɔn kaa diɛ: Ɲą́ą́ ɓə a Yai-Laa.»

Tɔɔɓɛlaa dɔlɔɔ 20:23

Aramə tɔɔmun bɔ nuą di mo mą, diɛ mą: «'Nuąi tii di wɔ Yálái kaa a yee hu Yálá, yili ɓə gɛ di yee yɛ tɛɛ la guɔ; gu kɔ́ pɛlɛ kɛa diɛ nɛ̨ŋɛ̨ hu. Ku laai na kuɔ gu yee a kiɛ tɛɛ diɛ.

Zasua 24:9

Moabə tɔɔmun Balakə Sipɔrə lon, ə muhəɠə yɛ kɔ́ pɛlɛ Israɛlə ɓa. Ə Beɔrə lon Balaamə wɛlɛɛ tɔɔ, ka nɛ̨ŋɛ̨n naa mɛ̨nį ɓa.

Lonon mo 22:41

Mąą yələ laaɓoɔ, Balakə ə li a Balaamə Bamotə-Baalə; nu a kɛ laa a pɛli Israɛlə lonnii kpulu bələ tɔ̨nɔ̨ kaai.

Lonon mo 23:12

Balaamə ə nwoo pulu pənə yɛ mą: «Ŋą́ kɛi hvaa, mɛ̨nįi Yai-Laa a bu ná, ya hvəi mɔ̨ɔ̨ mąąnɛ̨ɛ̨ ŋį́ mo?»

Lonon mo 23:14

Ə li la kɛɛnąą yee muhəɠɛɛ ɓa, Pisga Yee tonna. Ə haláá kulɔi bɛli laa mɛ̨ihveelɛ. Ə nįŋɛ̨ hilɛ tɛi tɛi da ɓɛlaa hilɛ tɛi tɛi paa nąą tɛi tɛi ɓa.

Lonon mo 22:6

Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»