Lonon mo 13:3 - Yálá laawoo hɛɓɛ

³ Moisə ə lɛɛ Paran nɔi pun ɉu, ə di tɔɔ yɛ bələi Yai-Laa ə dí la. Nuą tii kəlee di kɛ a ɲɛ̨itɔwɔ nuą Israɛlə lonnii lɔwai.

Yálá laawoo hɛɓɛ (dc)

³ Moisə ə lɛɛ Paran nɔi pun ɉu, ə di tɔɔ yɛ bələi Yai-Laa ə dí la. Nuą tii kəlee di kɛ a ɲɛ̨itɔwɔ nuą Israɛlə lonnii lɔwai.

Bible

³ Nya ƃe Mose è gɛ̀ yɛ̂ɛ berei Yâwɛɛ è mò lai. È ǹûa kùla Paraŋ Fɛ̃ɛ-kpalaŋ su é dítɛɛ, nyii-ŋai kɛ̀ a Eezuɛ-ŋai dísuu-ŋai láa-tuɛ-ƃelai.

Lonon mo 13:3 Referans Kwoze

Lonon mo 32:8

Mɛ̨nįi lɔ ka nąnni di gɛ ɓɛlɔwai ŋį́ kɛ la Kadɛsə-Barnea, gɛ́ di tɛɛ nɔi hu kaai, da lɔ ka ŋɛ̨i ka laa ɓa.

Lonon mo 12:16

Nuą di həɠə Haserotə, di li di daa pu Paran nɔi pun ɉu.

Dutɛrɔnome 9:23

Ɛlɛɛ gu kɛɛ Kadɛsə-Barnea, ɓɛlɔwai Yai-Laa ə ka tɔɔ la yɛ kɛ kaa: «Ka li, nɔi gáá dɛɛi ka pɔ, ka hee ɉu», ka ka pulu tɔɔ mą, ka hvo ka wəli tɔɔ nwoo ɓa.

Dutɛrɔnome 1:19

Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Dutɛrɔnome 1:23

Ŋą́ yili kaa a mɛ̨nį lɛlɛɛ, ŋį́ nu pow kɔ́w hveelɛ həɠə ka lɔwai; nu huwu tɛi tɛi kəlee nwɔ nu tɔ̨nɔ̨.

Lonon mo 13:2

«Nuą tɔɔ, di li di Kanaan lɔi ŋɛ̨i gáá pai dɛɛi Israɛlə lonnii pɔ, di ɉu kaa, nu huwu pow kɔ́w hveelɛi tii, nu kəlee ə nu tɛitɛi kulɔ a di huwuɠaa laa. Diɛ ɓo a ɲɛ̨itɔwɔ nuą.»

Lonon mo 13:4

Nuą tii laa ka: Rubɛn nu huwu nwɛi, Ɉakurə lon Samua ɓə di gulɔ.

Samuɛlə dɔlɔɔ 25:1

Samuɛlə haa pulu, Israɛlə nuą di di ŋąąkpɔn, di ɉaa mɛ̨nį kɛ, di noo bɔ taai Rama. Davidə ə muhəɠə ə li Paran nɔi pun ɉu.

Lonon mo 10:12

Israɛlə lonnii di həɠə Sinai nɔi pun ɉu, diɛ li. Paran nɔi pun ɉu ɓə dulɔ kpinįn ə tɔɔ laa.

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 34:17

«Nuąi pai nɔi ɲąąkwɛlɛi ka lɔwai, diɛ ka: Ɉaláá laa həli mun Eleazarə da Nun lon Ɉosue.