Lomaŋ 8:7 - Yálá laawoo hɛɓɛ

⁷ Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Yálá laawoo hɛɓɛ (dc)

⁷ Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Bible

⁷ Kpɛ́ni fêi, gili-kɛ-maai gáa núu kpîŋ-tua-perei mɛni mai gáa a Ɣâla kpɔaraa; va lɔ̂ Ɣâla ŋɔtɔ̂ŋ mu, tɔ̃yâ ma va pɔ̂ri kɛ̂i;

Lomaŋ 8:7 Referans Kwoze

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá-Nįį pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Timote veelɛ 3:4

a nu ɓowo nuą, di liikələnŋąą di kwəi, kpɔwɔ ɲąąkɛnɛ̨ aa di ɲɛ̨i pu, di liiɓa mɛ̨nį wɛli ə ɓo diɛ, dɛɛ la Yálá nwɛi ɓa;

Kolosə 1:21

Ɛlɛɛ, káái tɔlɔɔ kɛ a nwɛ̨ąą, káá kɔ́ pɛlɛ mą a ká wɔɔ túwɔ́ pələ ɲɔ̨nŋaa.

Lomaŋ 8:4

Ə gɛ, dələnmolaa kɛ pələi dɔn ə nɛ, bɔ mɛ̨nį ə kɛ gu hu guɔi gu hvo kɛa yɛnɛ̨ɛ̨ kɛi yɛ bələi nu kiliŋąhiɛ kaa la. Kɛlaa, guɔ gɛ yɛ bələi Nįį-Mąąhəɠɛɛ kaa la bɔ.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Lomaŋ 3:31

Akɛti laa na laa mąą mɛ̨nį ɓa, gwa pɛli moɔ ɓɛlɛ kpɛɛi dɔ́n mą? Gɛ́ diɛ: Kpaa-o! Yaamun, laa na laa ɓə a dɔ́n mɛlɛ leelee kɛ mą.

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Ɉeremi 13:23

Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Mąątɛ̨nɛ̨ 53:1

Nwələ ɲɛ̨itɔwɔmun, ə doo a hvɛlikɛ hɛn da vɛɛ. Davidə nwɔ mąą kwɛli woo.

Korɛntə dɔlɔɔ 9:21

Nuąi di hvo Moisə nwɔ tɔ́n yee mu, ŋį́ kɛ yɛ di pɔ, yɛ ŋą́ wala kɛ tɔn yee mu, yá pa, gáá Yálá ŋą́ tɔn yee mu; hvo gaai, Kristə ɓə a nwɔ́ tɔn, ə gɛ, gɛ́ pɛli nuąi di hvo tɔn mu, di hɔlɔɓoi a Kristə nwɔɔ.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Zôo 15:13

Yɛ́ ə́ liiholi Yálá pɔ, woo kpɛa kpɛa diɛ kulɔ ə́ la?

Izikiɛ 14:5

Gɛ́ pɛli nɛ̨́ɛ̨́i gwɛlii Israɛlə lonnii hu; a diɛi ti daa di mąą kwɛa mą́ą́, di wɔ haliɠaai mąą mɛ̨nį ɓa.