Lomaŋ 6:12 - Yálá laawoo hɛɓɛ

¹² Mąą hvo nɛ̨ɛ̨li nɛ̨ŋɛ̨n və kɛa tɔɔlaa kɛ ka mɛ̨i pələi mɛ̨n ka káá pai haai la, ə gɛ, ka hvo pa hvilɛn kɔ́lɔ liiɓa pulu kaa gɛ.

Yálá laawoo hɛɓɛ (dc)

¹² Mąą hvo nɛ̨ɛ̨li nɛ̨ŋɛ̨n və kɛa tɔɔlaa kɛ ka mɛ̨i pələi mɛ̨n ka káá pai haai la, ə gɛ, ka hvo pa hvilɛn kɔ́lɔ liiɓa pulu kaa gɛ.

Bible

¹² Káfe nɛ̀ɛ naa sɔnyɔ̂ŋ è kɛ́ a kákponôi téniŋ tɔɔ-sɛŋ. Káfe nɛ̀ɛ naa sɔnyɔ̂ŋ é gɛ́ sɛŋ wɛli é tɛ́ɛ kálii pôlu a ŋ̀ánaa.

Lomaŋ 6:12 Referans Kwoze

Galatə 5:16

'Ká ká wəli tɔɔ nwóó ɓa: 'Ká hiɛ Nįį-Mąąhəɠɛɛ yee kɔnma, akɛtii, ká hva kɛa lɛɛ nu kiliŋąhiɛ woo mu.

Lomaŋ 6:16

Ka hvo gɔlɔn kaa diɛ akɛ ya kɛi tiɓo kɛ nu ɓa ə gɛ ə́ nwoo hon, ə́ kaa ɲəi yɛ luwɔ. Yili ɓaa yɛ: Nɛŋɛ̨n yii a nu lɔ haa hu, a wala kɛti, Yálá woo honŋąa yɛnɛ̨ɛ̨ kpɛɛ hvo mą a nu lɔ tələnmo laa hu.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Nįį ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Mąątɛ̨nɛ̨ 19:13

Gbɛɛ ɓə gili a pu nwɔ lan dúwɔ́ɠaa hu? Dɛ́ɠii nɛ̨ŋɛ̨ŋaa lɛɛ mą́ą́ a kpɛli.

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Lomaŋ 2:8

Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Mąątɛ̨nɛ̨ 119:133

Váŋąlɔ a ə́ wɔ tɔn nwooɠaai, 'hvó mɛ̨nį ɲɔ̨n nɛɛ laa hvo hee mą́ą́.

Lonon mo 33:55

Kɛlaa, ka wala nɔi hu nuą kpɛ ka tɔwɔ, yiiɠaai ka káá pai di lɛɛi laa, di kaa pai kɛi a kiə́n, yɛ lɔ ka ɲɛ̨i. Diɛ kɛ a ɲąąlən, diɛ lɔ ka kɔ́lɔ hu. Di kaa pai kɛi heei ka hu nɔi tii hu. Ɓɛi ka káá pai kɛi laa.

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Tɛsalonikə dɔlɔɔ 4:5

hvo gbɔwɔ lɛɛ laa kiliŋąhiɛ ɲɔ̨nwɔ̨ɔ̨ yee hvo tɛɛ mą, yɛ bələi hali yíi hu nuą da gɛ la, diɛi di hvo Yálá kɔ́lɔn,

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 8:11

Akɛ Yálá nwɔ Nįį ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Nįį ti ka hu, ɉáálai.

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Nwun mąąɓo 2:3

Ŋą́ mo gɛ́ diɛ və́ pai di kpɛi ka tɔwɔ, di wɔ haliɠaai di kaa pai kɛi ka tɔwɔ a hɛlɛn.»

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Korɛntə veelɛ 5:4

Ɓɛlɔwai gu kaa ni la ɲɛ̨nɛ̨ɛ̨ pɛlɛ́i ŋɛ̨i mui, gu kaa ɲiŋɛ̨i yɛ tiɛ̨ kɛnɛ̨ a kɛ gu nwuɔ̨, tɛ̨ą li, hvo kɛli gu kulɔ nu kɔ́lɔ hu, kɛlaa, ku kaa bɔ ku yələkɔlɔn ɉu nwɛi tɛ mą, ə gɛ, yɛnɛ̨ɛ̨ kpɛɛ hvo mą, ə hɛn haa kaa mą mąą hvalin.

Zɛnɛse 4:7

Akɛ ya túwɔ́ a nɛlɛɛ, ə́ ɲɛ̨i a pɔ̨nɔ̨, kɛlaa, ya túwɔ́ a ɲɔ̨nwɔ̨ɔ̨, ə́ kɛ nɛ̨ŋɛ̨n a kɛ laani ə́ yəi bɛlɛ́ laaləi yɛ haɠa kɛnɛ̨. Nɛ̨ŋɛ̨n tii a kɛ bɔ, ə tɔɔlaa kɛ ə́ mɛ̨i, kɛlaa, mąąnɛ̨ɛ̨ ə́ yee ə tɛɛ mą.»

Levetekɔ 13:40

«Nu ta nwuɔ̨ a kɔ́mɔ, nwun nəɠa lɔ ka tii pu, tɔ́n və mą.