Lomaŋ 16:4 - Yálá laawoo hɛɓɛ

⁴ Diɛ ɓə kɛi pa haai mą́ą́ mɛ̨nį hu. Ɲą́ą́ dɔ̨nɔ̨ hvei di mąmą ɓoi; ɲąą kwa gbɔnŋaai di kaa huwu takpɛliɠaa lɔwai kwa diɛni ɓə.

Yálá laawoo hɛɓɛ (dc)

⁴ Diɛ ɓə kɛi pa haai mą́ą́ mɛ̨nį hu. Ɲą́ą́ dɔ̨nɔ̨ hvei di mąmą ɓoi; ɲąą kwa gbɔnŋaai di kaa huwu takpɛliɠaa lɔwai kwa diɛni ɓə.

Bible

⁴ nyíi-ŋai dílɛ̂wo sèe a sɛɣɛ ŋáfulu-laai mɛni mai. Ńyãa tɔnɔ nɔ́ fa sɛɣɛi-fei tɛ̀ɛ dípɔ, kɛ́lɛ, Zɛ̃tai-ŋai Díkôrai-toli-kpɔŋ-ŋai kélee máŋ da sɛɣɛi-fei tɛ̀ɛ dípɔ.

Lomaŋ 16:4 Referans Kwoze

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

Filipə 2:30

Mąąhɔlɔɓo, ɉaai ə lɛɛ tiikpə Kristə nwɔ kólói mąą mɛ̨nį ə gbɔwɔ kulɔ a haláá, ə gɛ, ɉɛn kɛ ka hva pɛli ɉəɠəi ka hvo paa la bɔ́, ə paa la.

Tɛsalonikə dɔlɔɔ 2:14

Yili ɓa tii, ną́n nonnii, Yálá ŋą kpɔnŋaai di kaa Ɉude, Jesus Kristə hu, káá di pɔɔ kɔɔn; hva gaai, káá kpɛlimąn, káá mɔ̨nɔ̨ mįi ká kaayɔwɔɠaa yəi, yɛ bələi diɛi tii di mįi la Ɉuifəɠaa yəi;

Korɛntə dɔlɔɔ 16:1

Yii hvilɛn na galan nɛa kpɔnmąą ɓo mɛ̨nį ɓa, káá mąn, kpaaləi ŋį́ nɛ Galatə kalan gbɔnŋaa diɛ, 'ká hvilɛn bulu.

Korɛntə dɔlɔɔ 7:17

Nu kəlee ə túwɔ́ yɛ bələi gu Nąmu ə dí la, yɛ bələi lɔ ə kɛ la Yálá yɛ dəli. Niɛwooi tii ɓə gáá gɛi gbɔn kəlee ɓa.

Lomaŋ 5:7

Nu hva pɛli haai tələnmomun mąą mɛ̨nį ɓa. Gbəli hu nu ta a pɛli ə niikpələ ə haa nu túwɔ́ pələ lɛlɛɛ ta mąą mɛ̨nį ɓa.

Gɛlaɠaa 16:5

Gbɔn ɉu nuą, hvaŋą ta ə kɛli pɛlɛ mą, di kpulu hu yɛ kɛnɛ̨ a yələ kəlee.

Gɛlaɠaa 15:41

Polə ə Siri lɔi hu ɓɔ, da Silisi lɔi, yɛ gbɔn ɉu nuą hvaŋąlɔ.

Ɉaan 15:13

Wɛli kɛ mąą laa ta hva tɛɛ yii nu a haa la mɛlaa mąą mɛ̨nį ɓa mą.

Mise 2:3

Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Samia Veerɛi 22:41

Yá ɲówoɠaa kpowola lɛ mą́ą́, Nuąi da tɔɔ ná, gɛ́ pɛli di hukalai.

Zasua 10:24

Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Nįį-Mąąhəɠɛɛ háálai.

Gɛlaɠaa 15:26

A diɛi ti daa di nwɔ yɛnɛ̨ɛ̨ kwɛlɛ gu Ną́mu Jesus Kristə laa mąą mɛ̨nį ɓa.

Lomaŋ 16:3

Gáá Priska da Akilasə di túwɔ́ɓoi diɛi di kaa a mɛ́laani Jesus Kristə nwɔ tiɓoi hu.

Lomaŋ 16:5

Yálá nwɔ nuąi da kɛ di ɲąąkpɔn ɉii di yəi bɛlɛ́n, ŋą́ di tuwɔ ɓo. Epenɛtə yai ɲee hee Kristə mu tɔlɔɔ Asi lɔi hu, ŋį́ duwɔ ɓo.