Lomaŋ 16:21 - Yálá laawoo hɛɓɛ

²¹ Timote yai kwa yaa ku kaa kólo kɛi gee ɓa, yɛ ka tuwɔ ɓo, ə mą kɛ Lusiusə, Ɉasɔn, da Sosipatrɔsə diɛi di kaa a ŋą́ nuą, diɛ kpɛli diɛ ka túwɔ́ɓo.

Yálá laawoo hɛɓɛ (dc)

²¹ Timote yai kwa yaa ku kaa kólo kɛi gee ɓa, yɛ ka tuwɔ ɓo, ə mą kɛ Lusiusə, Ɉasɔn, da Sosipatrɔsə diɛi di kaa a ŋą́ nuą, diɛ kpɛli diɛ ka túwɔ́ɓo.

Bible

²¹ Marâŋ tii kɛ-nuui Temete è fàa kâa. Lusiyɔ máŋ è fàa kâa da Zesiŋ é pɛlɛ Sɔsipatɔ ma, nyíi-ŋai díkaa a ŋánûai.

Lomaŋ 16:21 Referans Kwoze

Gɛlaɠaa 20:4

Nuąi da diɛni di kɛli ɉiɛ kulɔ, diɛ ɓaa: Sopatrɔsə, yai kɛ a Pirusə lon, a Bere daai mun, Aristarkə da Sekundusə yai kɛ a Tesalonikə daai mun, Gaiusə yai a Dɛrbe mun, da Timote, ɛlɛɛ nwɔ̨nɔ̨, Tisikə da Trofimə, diɛi a Asi lɔi hu nuą.

Gɛlaɠaa 17:5

Kɛlaa, Ɉuifəɠaa di tolo kulɔ a diɛ, di nu-kpoloonŋaa yɛɠɛ daa pɔ, di di ɲąąkpɔn a di kpulu; di daa kɛ lɔ ɉuwu-ɉuwu. Di li Ɉasɔn yəi bɛlɛ́ laaləi, diɛ Polə da Silasə di kwɛli, diɛ kɛ di li a diɛ kiti haɠa ɓa daa lonnii lii la.

Gɛlaɠaa 13:1

Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Lomaŋ 16:11

Ŋą́ nąn non Herodiɔn tuwɔ ɓo. Ŋą́ Narsisə da ɲəi bɛlɛ́n nuąi gu Nąmu hu di túwɔ́ɓo.

Lomaŋ 16:7

Ŋą́ Andronikusə da nɛ̨ą Ɉuniasə di tuwɔ ɓo, diɛi di kaa a nwɔ nuą, kwa diɛni ku kaa gaho tɔ̨nɔ̨ ŋą. Di gbɛa kɛ a Kristə nwɔ kɛlaɠaa dɔ́wɔ́.

Hebreu 13:23

'Ká kili ə pu ɉu káá, gu nąn non Timote aa kulɔ gaho ŋą. A pa ɉa, kwa yaa kwa pa ká pɔɔli.

Timote veelɛ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai a nwɛ́li kɛ mąą lon. Nɛ̨ɛ̨laa, ɲɛ̨imąąwɛli kaa, da liilaa, ə́ ɉɔlɔɓo gu Nąn Yáláda gu Ną́mu Jesus Kristə di yəi.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Tɛsalonikə dɔlɔɔ 3:6

Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Kolosə 1:1

Ɲą́ą́ Polə, Jesus Kristə ŋą tímun, a Yálá liiɓa, kwa gu nąn non Timote,

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Korɛntə veelɛ 1:19

Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Gɛlaɠaa 19:22

Polə ə mąą kpɔnmąą ɓo nuą hveelɛ tɛɛ: Timote da Erastə, diɛ li Masedoanə lɔi hu. Kɛlaa, nwɛi, ə lɛɛ Asi lɔi hu ə yíi kuu ta wolo kɛ laa.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 17:14

Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.