Lomaŋ 12:12 - Yálá laawoo hɛɓɛ

¹² Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Yálá laawoo hɛɓɛ (dc)

¹² Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Bible

¹² Ka lii-nɛ̃ɛ kula kákili-kɛ-zui su. Ka kálii kpele mɛni-kpɔ̂lu su. Ka tɔɔ Ɣâla-fɛliɛ su a gbanaŋɔɔ.

Lomaŋ 12:12 Referans Kwoze

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Nįį-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Hebreu 10:36

Liikpələ laa kpɔ ɓə ká mąąkpaan gaa mą, káa pɛli Yálá liiɓa kɛi la, ɛlɛɛ, káá pɛli mɛ̨nį laakwɛlanmoɔ pɔ mɛ̨nį hɔlɔɓoi la.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Zĩi 5:7

Ną́n nonnii, ká ká liikpələ, ə lɛɛ la ɉu, gu Ną́mu pai lɔwai ə ɉəli. 'Ká ká ɲɛ̨i hee tai tíi kɛmun ma, a niikpələ, ə hee, yɛ lɔi dɔlɔ mąąkpɔn, a má dɔlɔɔ kulɔ, gili hva həɠə laa, ə lɛɛ ɉu, yɛ nɛɛ bulu mąąkpɔn.

Hebreu 6:15

Yii kpɔ Abrahamə ə niikpələ, ə mɛ̨nį laakwɛlanmoɔi tii, laa honŋąą kaa.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Tɛsalonikə veelɛ 3:5

Gu Ną́mu ə ka lii tənən dɔɔ Yálá nwɔ wɛlikɛmąąlaa ɓa, ɛlɛɛ, káá tɔɔ a ká nwąnąi Kristə mąą mɛ̨nį hu.

Tɛsalonikə dɔlɔɔ 5:8

kɛlaa, guɔi a yələɓɔɔ lonnii, 'ká gu kɛ gili-gili, 'ká gu gu kəɠə-mɛ̨i-həɠə too, yai a laa na laa, da wɛlikɛmąą laa, ɛlɛɛ, ɓalo mɛ̨nį ŋą kilitɔɔmąą laa ə kɛ a mɔlɔ.

Gɛlaɠaa 1:14

Di kəlee di woo tɔɔi ə kɛ tanɔ̨n, diɛ di ŋąąkpɔn, diɛ Yálá hvɛli da nɛ̨ą taɠaa, ə lɛɛ, da Jesus nee Mari, ə mą kɛ Jesus gaayɔwɔɠaa.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Hanwon 10:28

Tələnmo nuą kilitɔɔi kaa a kwəinɛ̨ɛ̨, Kɛlaa, nwąnąlɔ nuą di wɔ kilitɔɔi hva lamun.

Hebreu 10:32

Kɛlaa, ɲələi ka ka yee hee la kɛɛ pono mui, 'ká ká kili lɛɛ ɉu, ə kɛ lɔ tii, káá mɔ̨nɔ̨ɠaa mįi, káá kɔ́ɠaa kɔ́,

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Kolosə 1:11

Ká hu yɛ pɛli walawalai la mɛ̨nį kəle hu, mąąɲįnɛ̨n vaŋą kɛnɛ̨ɛ̨ háálai, káá pɛli tɔɔi la a vaŋąlɔ da liikpələ, hukɔɔn mɛ̨nįɠaa kəlee hu. Kwəinɛ̨ɛ̨ hu,

Mąątɛ̨nɛ̨ 109:4

Diɛ nwɔ́ wɛlikɛmąąlaa pɔɔ kulɔ a kiti pɛlɛɛ mą́ą́, ɲą́ą́n, ə́ hvɛli woo lɔɓə ná.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Mąątɛ̨nɛ̨ 40:1

Nwələ ɲɛ̨itɔwɔmun, Davidə nwɔ wələ.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

Piɛrə veelɛ 1:6

ka ka hvaŋąlɔ ka kpɔɔhon naa pɛlɛ ka wɔ mɛ̨nį kɔ́lɔn ŋąą ɓa, ka liikpələ pɛlɛ ka wɔ kpɔɔhon naa ɓa, ka Yálá kɔ́lɔn ŋąą pɛlɛ ka wɔ liikpələ ɓa;

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Tɛsalonikə veelɛ 1:4

yili aa gɛ, káá ɓo a ku wɔɔ kpɔwɔ ɲąąkɛnɛ̨, Yálá ŋą kpɔnŋaai lɔwai, a ká wɔɔ tɔɔ a nwąnąi laa, ɛlɛɛ, ká wɔ laa na laa mɔ̨nɔ̨ɠaa da hukɔɔn mɛ̨nįɠaa hu, diɛi həlii káá.

Korɛntə dɔlɔɔ 13:13

Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Lukə 21:19

Ka tɔɔ kpaan, ya ɓə a gɛ ka nwun mąą ə ɓo.»

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvolo mąąwia mąąkpɔn na a kilitɔɔmąą laa.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Lomaŋ 8:25

Kɛlaa, mɛ̨nįi hvó gaai, ə́ ɲɛ̨i yɛ ɓo dɔwɔ a nwala walaa, ya ɓə a kilitɔɔmąąlaa.

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Filipə 3:1

Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Korɛntə veelɛ 12:8

Mɛ̨nįi tii hu, ŋą́ gu Ną́mu hvɛli geemɛ̨i haaɓa, ə gɛ ə ɉəɠə mɛ̨́i.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Gɛlaɠaa 12:5

Piɛrə kɛɛ gaho pɛlɛ́ mu, gbɔn ɉu nuą di kɛi Yálá hvɛli kpɔ a di lii kəlee, mąą mɛ̨nį ɓa.

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»