Lomaŋ 1:32 - Yálá laawoo hɛɓɛ

³² Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Yálá laawoo hɛɓɛ (dc)

³² Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Bible

³² Berei máŋ dí Ɣâla ŋɔtɔ̂ŋ kɔ́lɔŋ la a gɛ́ɛ diai da m̀ɛni-ŋai ŋí kɛ̀ maa nɛ̃ɛ̂i dísaai, dífa m̀ɛni-ŋai ŋí kɛ̀ nɔ́, kɛ́lɛ, da fâa a gɛ́ɛ núu da kpɛ́ni é díkɛ máŋ.

Lomaŋ 1:32 Referans Kwoze

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Lukə 11:48

Ka nąnni túwɔ́ pələ ɲɔ̨nŋąą tii, ka káá nɛi, kaa kpinįi kaa ɓo nwɔ̨nɔ̨ a gɛla. Mąąhɔlɔɓo, ka nąnni di Yálá kwəi mɛ̨nį hukulɔ nuą paa, ɛlɛɛ, kaa di kámąɠaa pɛli a nɛlɛɛ!

Mąątɛ̨nɛ̨ 50:18

«Ɛlɛɛ, yá nwuɔ̨mun gaa, yɛ́ too bɔ, ə́ kɛi ɓaa wɛli hon nuą lɔwai.

Gɛlaɠaa 22:20

Ɛlɛɛ, ɓɛlɔwai di kɛi ə́ wɔ tələnmomun Etiɛnə paa la, ku kəlee ɓə kɛ laa. Ŋą́ hvaa baa mɛ̨nį ɓa. Ɲą́ą́ ɓə ɲee kɛ baa nuą kwąną-həɠə ɓa.›

Osia 7:3

Di túwɔ́ pələ ɲɔ̨nwɔ̨ pələ, di kaa tɔɔmun ɲɛ̨i lɛɛ pə́lə ɓa, da nɔi ɲąąwooɓo nuą, mąąhɔlɔɓo daa di woo kala.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Hanwon 28:4

Nuąi da tɔ́n mɛlɛkpɛɛ mą, nwąnąlɔmun mə da mąątɛ̨nɛ̨. Kɛlaa, nuąi da tɔ́n ɉon, da kɔ́ pɛlɛ nwąnąlɔ ɓa.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Tɛsalonikə veelɛ 2:12

Əgɛ, nuąi di hvo gɛ di hvo laai tɛ̨ą la, kɛlaa diɛ di liiɓa kɛ mɛ̨nį ɲɔ̨n ɉu, di di kiti tee.