Ɉeremi 4:17 - Yálá laawoo hɛɓɛ

¹⁷ Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Yálá laawoo hɛɓɛ (dc)

¹⁷ Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Bible

¹⁷ Da pâi Zerusâlɛŋ maa tínaniî dí kɛ̀ m̀ɛi káa, kpɛ́ni fêi, è tɔ̀ɔ ḿâ. Yâwɛɛ ƃé m̀ɛnii ŋí ƃò.

Ɉeremi 4:17 Referans Kwoze

Ɉeremi 5:23

Kɛlaa nu huwui ŋɛ̨i kili ka laa gwəi, di hva lɛɛ nu woo mu. Daa həɠə bələ mɛ̨i diɛ li di nwun ma.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 1:8

Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Nįį haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.

Ɉeremi 52:4

Sedesiasə nwɔ tɔɔlaa gwɛlan mɛ̨inąąn nɔwai, ɲąnin mɛ̨ida nwɔ hvóló pow yələ, Babilonə tɔɔmun Nabukodonosorə ə pa, yaa da nwɔ kɔkulaa kpulu kɛnɛ̨i Ɉerusalɛmə daa kpala, di kɔlaɠa pɛlɛ laa, di galaɠaa tɔɔ, di mąątinɛn na di doo gee hu.