Ɉeremi 25:10 - Yálá laawoo hɛɓɛ

¹⁰ Gáá kwəinɛ̨ɛ̨ da lono nɛ̨ɛ̨ kpɛɛi di pɔ lɔi, gáá hilɛtaa wələ, da dooɲəi wələ kpɛɛi, ə mą kɛ, kwənąi hiɲɛ tin, ŋį́ nwulɔ nwɔ̨n nuwun.

Yálá laawoo hɛɓɛ (dc)

¹⁰ Gáá kwəinɛ̨ɛ̨ da lono nɛ̨ɛ̨ kpɛɛi di pɔ lɔi, gáá hilɛtaa wələ, da dooɲəi wələ kpɛɛi, ə mą kɛ, kwənąi hiɲɛ tin, ŋį́ nwulɔ nwɔ̨n nuwun.

Bible

¹⁰ Ŋa pâi gɛ̂i núu da fa ŋɔ́nɔ lii-nɛ̃ɛ pele-woo mɛni naa. Núu da fé ŋɔ́nɔ pâi nɛnî, kpaa surɔ̂ŋ kula pêle kɛ́-woo mɛnîi naa, kpaa máŋ núu da é mii-sɛŋ sia tîŋ mɛni naa. Ǹyaŋ núu da fé ŋɔ́nɔ pâi lâŋpo tɔɔ̂i naa.

Ɉeremi 25:10 Referans Kwoze

Ɉeremi 7:34

Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.

Izikiɛ 26:13

Gáá pai ə́ wɔ wələ wooɠaai kpɛɛi, di hva kɛa ə́ wɔ gwɛniŋąąi woo mąn.

Ɉeremi 16:9

Mąąhɔlɔɓo, mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá ə mo, ya ka, yɛ diɛ: Kwɛinɛ̨ɛ̨ kulɔ woo, yola kulɔ woo, da hvúlúlɔ wələɠaa, gáá pai gəlee kpɛɛi nɔi ŋɛ̨i hu, ka hvulú kɔ́wɔ ŋą, kaa kpinįi ka ɲɛ̨i kwələən ma.

Osia 2:11

Yili maą mɛ̨nį ɓa, gáá pai pənəi ŋį́ nwɔ́ mɔ̨nun həɠə ɲəi, ɲələ a həli, da nwɔ́ lɔɔ nɛ̨ɛ̨i, a ɲələi ŋą́ kɛ la bɔ, gɛ́ nwɔ́ həɠəɠaai kulɔ ɲəi, diɛi tii kɛi mąąkpulu.

Ɛstɛrə 8:11

Ə kɛi mo Ɉuifəɠaa diɛ ɉɛɓɛ́i tii hu, diɛ kɛ diɛ: «'Ka ka yee lɛɛ ka yíi pələ ɓa, daa kəlee hu, ka ka keeni mąą kpɔnmąąɓo. Nui lɔpee da gaa kwɛli hɛn yɛ ɓo ɲəi, yɛ kɛ ə pɛlɛ diɛ, di mąą nu paa, nɛ̨ąą da lɛapɛlɛɛɠaa kəlee, di di yəi hɛnŋąą həɠə.

Ɛstɛrə 7:4

Yaan, ɲą́ą́ kwa ɉúwuhu nuą ka tii daa ku kwɛlɛ, ə gɛ, di ku paa. Ə li kɛ, di kɛ diɛ, ku kɛ lɔ a luwɔɠaai, və́li hvaa, mąąhɔlɔɓo, və́ li ə́ hviikpɛɛ a yili mąą mɛ̨nį.»

Ɛstɛrə 3:13

Di nɛɛ mą di ɉɛɓɛ́ɠaa tii tɛɛ nɔi nąą kəlee; ə gɛ, di Ɉuifəɠaa kəlee paa, di di yəi hɛnŋąą kala a hvolo tɔ̨nɔ̨, ə həɠə nu kpɛa kpɛaa diɛ ə həli la non gaa nįnɛ̨ɠaa diɛ, a ɲąnįn ŋɛ̨i da kɛ mą Hebreu woo Adarə, nwɔ hvolo pow kɔ́w haaɓa yələ; ə gɛ, nɔi nuą di too Ɉuifəɠaa yəi hɛnŋąą hu.

Azaya 47:2

'Ɲənə həɠə, 'ə́ mɔ̨nun ɉiɠɛ! 'Mɔlɔ kulɔ ə́ nwun ma! 'Ɉəɠə tɛ, 'ə́ kɔwɔ wulu lɛ! 'Ɲá teen.

Ɉeremi 48:33

Moabə, ə wɔ kwəinɛ̨ɛ̨ hu kɛnɛ̨i gaa ə́ yəi ɲɛa kɔ́ɔɠaa hu, viɲə yɛɛɠaa hu, gəlee kpɛɛ li. Nu huluun nwoo hva kɛa tɔɔ viɲə lɔɔɠaa pɛlii.

Woolaa 5:15

Kwəinɛ̨ɛ̨ aa kpɛɛ ku yəi ku wɔ kwəinɛ̨ɛ̨ mąną kəlee aa lɛɛ a haa wɔlɔ.