Ɉeremi 23:12 - Yálá laawoo hɛɓɛ

¹² Yai-Laa woo ka, yɛ diɛ: «Yili mąą mɛ̨nį ɓa, di kpaalə aa kɛ a niminin, diɛ lan kpinįi, diɛ too, gáá mɛ̨nį ɲąąnwąnąą laai diɛ, a gwɛlan mąąnɛ̨ɛ̨ di pa di woo hukulɔ la.»

Yálá laawoo hɛɓɛ (dc)

¹² Yai-Laa woo ka, yɛ diɛ: «Yili mąą mɛ̨nį ɓa, di kpaalə aa kɛ a niminin, diɛ lan kpinįi, diɛ too, gáá mɛ̨nį ɲąąnwąnąą laai diɛ, a gwɛlan mąąnɛ̨ɛ̨ di pa di woo hukulɔ la.»

Bible

¹² Bere-ŋai da pâi tɛɛ̂i lai, zu a pâi kɛ̂i a ǹaa-lâa, zu kpíniɛɛ. Ŋa pâi gɛ̂i díkarêŋ dí tóo. Ŋa pâi mɛni kpɔ̂lu lâai dîa. Tãi ŋa pâi díkula maa kɛ̂i lai, ká pâi ǹaa kâai. Ńyãa Yâwɛɛ ƃé mò tí.

Ɉeremi 23:12 Referans Kwoze

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 11:23

Di ta hvo pai lɛɛi yɛnɛ̨ɛ̨ a vulú, gáá pai mɛ̨nį ɲąąnwąnąą laai Anatotə nuą diɛ; a gwɛlan mąąnɛ̨ɛ̨ di di wɔ nɛnɛnŋaa mąą mɔ̨nɔ̨ mį́i la.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Mąątɛ̨nɛ̨ 35:6

Di tɛɛ pələɠaa hu ə kpinį, nįmįnįn ə pɛlɛ ɉu, ɉu ə lala, ɓɛlɔwai Yai-Laa nwɔ malakai, a kɛ di kpɛi la.

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Mąątɛ̨nɛ̨ 73:18

A tɛ̨ą, yáá di tɔɔ nįmįnįn bələ mɛ̨i, yɛ́ pa di pilii nwun na pili kɛɛnąą.

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

Zɔ̂ŋ Maa-ŋuŋ 2:11

Kɛlaa, nui nąn non nwɛli kpɛɛ mą, gaa kpini hu, yɛ hiɛ kpini mu, hvo nií pələ kɔlɔn; mąąhɔlɔɓo, kpini aa ɲɛ̨i pu.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Zôo 18:18

Da gulɔ kɛɛ pɔ̨nɔ̨ hu, diɛ bili kpinį hu, naa ə kpɛɛ yɛnɛ̨ɛ̨.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Mąątɛ̨nɛ̨ 82:5

Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.