Ɉeremi 22:24 - Yálá laawoo hɛɓɛ

²⁴ Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.

Yálá laawoo hɛɓɛ (dc)

²⁴ Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.

Bible

²⁴ Nya ƃe Yâwɛɛ è lòno Zɛoakiŋ ǹóŋ Zɛoasiŋ pɔ́ nyíi kɛ̀ a Zuda kaloŋ ǹyɛɛi, “Tãi nɔ́ ńyãa ƃa gɛ̀ ɣele-ma Ɣalai, eêi kɛ̀ íkɛ ƃò kpîŋ a gâloŋ gbonoi íkɛ ƃò ńaa-mii-yee ma, ŋâi í kùla ńyee ma,

Ɉeremi 22:24 Referans Kwoze

Ɉeremi 37:1

Tɔɔmun Sedesiasə, Ɉosiasə lon mə kɛ a tɔɔmun, a Yoyakimə lon Koniahu mąą hvalin, Babilonə tɔɔmun Nabukodonosorə ɓə ɉee tii a Ɉuda tɔɔmun.

Wɛli 8:6

Náá ə́ lii mɛ̨i, náá ə́ kɔ̨nwɔ̨n ɉu. Gbalai tɔɔ, wɛlikɛmąą walawalaai haa ɓa; nwala walaai yɛ haaɓɛlaa taa. Wɛlikɛmąą a kɛɛ kələn yɛ nwɔ̨n, bɔɔ ə ɓo yɛ Yai-Laa nwɔ nwɔ̨n.

Kɔlɔnikɔ Maa-ŋuŋ 3:16

Yoyakimə lonnii laa ka: Yekonia, Sedesiasə.

Egaa 2:23

Yai-Laa Mɛ̨nį Kəlee ŋą Hééɓomun yɛ diɛ: Voló tii hu, gáá pai tiɓo ta tɛɛ ə pɔ, Zorobabɛlə, Saltiɛlə lon ɉulɔnu, yɛ́i ə́ kaa a nwɔ́ tímun. Ə́ kaa pai kɛi a ə́ hviɛlaɓoɔ ɲɛ̨́i ɓa, mąąhɔlɔɓo, ɲą́ą́ ɓə ə́ həɠə ɉu. Yai-Laa Mɛ̨nį Kəlee ŋą Hééɓomun woo li.»

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 22:6

«Mɛ̨nįi Yai-Laa kaa moi yɛ hvilɛn na Ɉuda tɔɔmun nwɔ pɛlɛ́i ɓa, ya ka: «Ə́ kaa kɛi ɲə́i yɛ Galaadə lɔi, yɛ Liban yee ton na, gáá pai ə́ mąąpənəi a lɔi pun, və́ pai kpaɠai mą, gáá ə́ kɛi a taa kpoloon, kwəi kwɛli hvo ɉu.

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Tɔɔɓɛlaa veelɛ 24:15

Nabukodonosorə ə li a Yoyakin nee, nɛ̨ąni, da nwɔ tínuą, da nɔi kalanɉonŋąą da nwɔ gbɛtɛgbuwuluɠaa, ə di kulɔ Ɉerusalɛmə, ə li a kɛ diɛ Babilonə luwɔlaa hu.

Kɔlɔnikɔ Veerɛi 36:9

Yoyakin kaa kwɛlan ə kɛ a kwɛlan mɛ̨ihaaɓa yɛ dɔɔlaa hɔlɔɓo, ə tɔɔlaa kɛ a ɲąnįn ɉaaɓa hvóló pow Ɉerusalɛmə daai. Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa.

Azaya 49:16

Ŋą́ą́ ə́ kanąn ɲeelii hu, ə́ mąą kpɛ hį́iɠaa di ɓo ɲɛ̨́i mu a yələ kəlee.

Ɉeremi 28:4

ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Ɉeremi 29:2

Yálá ə kɛti! Tɔɔmun Yekonia, da tɔɔmun nee, bɛlɛɛ dɔɔ kwəlii nuą, da Ɉuda lɔi, ɛlɛɛ, Ɉerusalɛmə taa nu kpɛa kpɛaa, gwɛliyɔw nuą, da ɲɛ̨lɛkɛ nuą, daa gbɛa kɛ kulɔ Ɉerusalɛmə daai.

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.