Ɉeremi 13:18 - Yálá laawoo hɛɓɛ

¹⁸ 'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Yálá laawoo hɛɓɛ (dc)

¹⁸ 'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Bible

¹⁸ Yâwɛɛ è mò ḿâ ǹyɛɛi, “Mó gáloŋ da ǹee dîa a gɛɛ díkula díkâloŋ see-sãai ŋá dí pîlaŋ. Kpɛ́ni fêi díkâloŋ ƃɔrɔ lɛ́lɛɛ-ŋai da kula díŋûa da too.

Ɉeremi 13:18 Referans Kwoze

Ɉeremi 22:26

Yɛ́ ka ə́ leei ə́ kaa, gáá ka yaa ka pilii lɔi takpɛli hu, ɓɛi di hvo ə́ kaa li laa. Nąą ɓə ka káá pai haai laa.

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Tɔɔɓɛlaa veelɛ 24:15

Nabukodonosorə ə li a Yoyakin nee, nɛ̨ąni, da nwɔ tínuą, da nɔi kalanɉonŋąą da nwɔ gbɛtɛgbuwuluɠaa, ə di kulɔ Ɉerusalɛmə, ə li a kɛ diɛ Babilonə luwɔlaa hu.

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Piɛrə dɔlɔɔ 5:6

'Ká ká kpɔwɔ mąą yɛɛ Yálá nwɔ huwalawalalaa yee mu; ə gɛ, ə ka tɛ tɔwɔ ɲələ a ɉəli.

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Maafîu 18:4

Yili ɓə gaa mą, nui a gbɔwɔ mąą yɛɛ ə kɛ yɛ nokoloi ŋɛ̨i ya ɓə a nu kɛnɛ̨ Yálá-taa tɔɔlaa hu.

Zôna 3:6

Ɓɛlɔwai Ninivə tɔɔmun ə bələ mɛ̨n na, ə həɠə ɲəi dɔɔ kpəlin ɉu, ə nwɔ tɔɔ həɠəi kulɔ gwaną, di kəlee di mąąwɛli hee ɓo.

Azaya 3:26

Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Lɛɛ gbɔwɔ ɓa 39:28

Di di nwuɔ̨ ɓɔlɔɠaa pala, da mɔlɔ mąąpu hɛnŋąą, da bɛlɛnŋąą, a yeekali hu walawalaa.

Hanwon 27:24

Mąąhɔlɔɓo, hɛn gɔw hva lamun a yələ kəlee, ɛlɛɛ, tɔɔhvili hva həli mąnįn bulu mąnįn diɛ.

Azaya 3:20

nwun nɛɠa mu yili həɠə ɓɛla, kɔ́wɔ kwąną kwɛli, hɛ̨ąyili kɔ́lɔ, mąątí wulɔ, yee kwaną kwɛli,

Ɉeremi 29:2

Yálá ə kɛti! Tɔɔmun Yekonia, da tɔɔmun nee, bɛlɛɛ dɔɔ kwəlii nuą, da Ɉuda lɔi, ɛlɛɛ, Ɉerusalɛmə taa nu kpɛa kpɛaa, gwɛliyɔw nuą, da ɲɛ̨lɛkɛ nuą, daa gbɛa kɛ kulɔ Ɉerusalɛmə daai.

Ɉeremi 36:16

Nwooɠaai tii mɛ̨n di mo, di kəlee di kwəi ə pili diɛ, diɛ di ɲɛ̨i hee di kee ɓa. Yili pulu, diɛ Barukə ɓa: «Ku kaa pai nwooɠaai ŋɛ̨i kəlee hukulɔi tɔɔmun ma.»

Woolaa 1:6

Siɔn nwɔ lɛlɛ mɛlɛ aa kpɛɛ mą. Nwɔ kalanɉonŋaa kaa laɠin ɉii yɛ lomąɠaa, di laa mįi hvo di yəi. Diɛ gilɛ həɠə, di hvįi aa kpɛɛ, di kpɛ nuą tɔwɔ.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 5:16

Ku wɔ tɔɔlaai aa pu. Oo kə! Kpalo aa ɓɛla kuɔ, Mąąhɔlɔɓo, kwaa nɛ̨ŋɛ̨n ɉəɠə.

Izikiɛ 16:12

Ŋį́ da kɛ a ə́ hunwɛ̨i kwɛli, da ə́ wəlii kwɛliɠaa, da tɔɔɓɔlɔ ɲɛ̨i tɔɔ, ŋį́ ɉee ə́ nwun ma.

Izikiɛ 21:26

Babilonə tɔɔmun gaa tɔɔni bələ tąŋąną; bələ hveelɛi ti kee kaai, yɛ tɔlu kpɛ. Gaa dɔ́nwąɠaa hutɔɔi, yɛ ɉaliɠaa mąąni kɛ, yɛ huwɔ yɛlɛɠaa hu kaa.

Izikiɛ 24:17

Ya kɛ lɔ ɲiŋɛi ə́ hu pələ, mɛ̨nįɠaai da gɛ haa mɛ̨nį hu, hvo pai da kɛi. Ə́ wɔ ɓɔlɔi lɔ ə́ nwuɔ̨, ə́ wɔ kɔ́lɔɠaai lɔ, hvó həɠə pɛlɛ ə́ laaləi, ɛlɛɛ, hvó kɔ̨nɔ̨n ɉon gwəlii mun da yəi.»

Izikiɛ 24:23

Ka wɔ ɓɔlɔɠaai da kɛ ka nwuɔ̨, ka wɔ kɔ́lɔɠaai di ɓo ka kɔ́wɔ ŋą, ka hvo pai túwɔi yɛ haa a too kaa; ka hvo pai wɔlɔi, kɛlaa ka káá pai kpalai ka wɔ nɛ̨ŋɛ̨nŋaai mąą mɛ̨nį ɓa, kaa ɲiŋɛ ka kee ni mąą mɛ̨nį ɓa.

Izikiɛ 44:18

Həɠə ɓɛla kwəlɛɛɠaa ɓə da ɲili di nwun ma, bɛlɛ́n gwəlɛɛɠaa ə ɓo diɛ, hɛ̨ą yili kɔ́lɔ hva kɛ diɛ, hvɛnɛya mɛ̨nį ɓa.

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Ɉeremi 22:24

Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.