Biblia Todo Logo
Bib sou entènèt

- Piblisite -




Ɉeremi 12:4 - Yálá laawoo hɛɓɛ

4 Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Gade chapit la Kopi

Yálá laawoo hɛɓɛ (dc)

4 Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Gade chapit la Kopi

Bible

4 Tãi ɣɛɛlu ƃé ǹɔii a pâi gɛ̂i la maloŋ tôo maa su, galai kɛ́ kpàla nɔ́ ǹɔii su? Kpɛ́ni fêi, ǹûai díkaa ǹɔii sui, dísɔŋ nyɔ̂mɔɔi. Vɛnɛ-sãai da ŋ̀ɔni-ŋai da saa. Ǹaa pôlu ma, ǹûai da môi dîyɛɛi, ‘Vé pâi m̀ɛnii kâai kwa gɛ̂i.’ ”

Gade chapit la Kopi




Ɉeremi 12:4
22 Referans Kwoze  

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.


Ŋą́ ɲɛ̨́i hee, və́ nui lɔpee ta kaa, nwɛ̨nįɠaa kəlee daa pu.


Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.


Gu gɔlɔn, Yálá nwɔ pɛli hɛnŋąa kaa mɔ̨nɔ̨ mįi yɛ pələi Nɛ̨ɛ̨nu a mɔ̨nɔ̨ mįi la kwəi nwąną hu.


Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.


Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.


Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.


Ɓolaa wuluɠaa di hvo kɛa ɓai, viɲəɠaa di hvo kɛa ɓái. Olivə wuluɠaa di hvo kɛa ɓái, tíi ta hvo kɛa lɛlɛi, ɓɛlaa hvo kɛa ɓɛlaa kwənąn ɉu, nįŋɛ̨ hvo kɛa nįŋɛ̨ gala hu.


Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?


Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.


Yálá kwəi mɛ̨nį hukulɔ nuą daa lɛɛ a hvaŋą, woo hvo kɛa di la. Mɛ̨nįi da mo, ə́ laa diɛ.»


Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.


«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.


Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.


Ɓɛlaaɠaa diɛ wɔlɔ. Nįŋɛ̨ kpuluɠaa daa taɠa, di laa mįi hvo mą. Daatɛlɛɛ pɛlɛɛɠaa daa kpala-kpala.


Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.


Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»


Lɔi kaa wɔlɔi, ɉu yɛ kala, yɛnɛ̨ɛ̨ kəlee kaa kulɔi nwului, ɉu yɛ kala, lɔi mɛ̨i hee ɓo nuą lɔwai, nu kpɛa kpɛa kaa kulɔi di wului.


Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.


Nwɔ́lɔ woo kaa tɔɔi ɲeeɠaa ton na. Gɛ́ nwóó laa ɓɛi daatɛlɛɛɠaa di di laa mį́i laa, ɲɛa kɔ́ɔɠaa hu. Mąąhɔlɔɓo, daa gɛɛnąąɠaa tii kələn, nu ta hva kɛa tɛɛ laa. Nwɛniɠaa-o, daatɛlɛɛɠaa, gəlee daa pu, hɛn da hvo laa.


Swiv nou:

Piblisite


Piblisite