Galatə 6:2 - Yálá laawoo hɛɓɛ

² 'Ká ká keeni nwuɔ̨ tíɛ̨ həɠə, káá Kristə nwɔ tɔ́n pɔ yíiɓo la tii.

Yálá laawoo hɛɓɛ (dc)

² 'Ká ká keeni nwuɔ̨ tíɛ̨ həɠə, káá Kristə nwɔ tɔ́n pɔ yíiɓo la tii.

Bible

² Ka kákîe-ni díkpîri wiɛɛ-ŋai síɣe, a gɛ́ɛ ká Kôrai ŋɔtɔ̂ŋ ŋ̀aa-see kɛ́.

Galatə 6:2 Referans Kwoze

Lomaŋ 15:1

Guɔi ŋɛ̨i huwalawala kaa gu yəi laa na pələ mɛ̨i, manɛɛ gu kpɔnmąą tɛɛ hviikpɛɛ nuą pɔ; gu di hvaŋą lɔ, gu hvo gu kpɔɔ liiɓa kɛ!

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Ɉaan 15:12

Nwɔ́ tíɓoi ka: 'Ka ka kee wɛli la kɛ yɛ bələi ŋį́ ka wɛli la kɛ la.

Lɛɛ gbɔwɔ ɓa 23:5

Nui ə́ wɛli kpɛɛ mą, ya nwɔɔ hoohvaalən gaa a too tiɛ̨ mu, hvó tɔɔ kwɛa la, kpɔnmąą tɛɛ bɔ ka yaa ka diɲɛ̨ pɛli.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Galatə 6:5

Mąąhɔlɔɓo, nu kəlee tiɛ̨ kaa gbɔwɔ nwuɔ̨.

Korɛntə dɔlɔɔ 9:21

Nuąi di hvo Moisə nwɔ tɔ́n yee mu, ŋį́ kɛ yɛ di pɔ, yɛ ŋą́ wala kɛ tɔn yee mu, yá pa, gáá Yálá ŋą́ tɔn yee mu; hvo gaai, Kristə ɓə a nwɔ́ tɔn, ə gɛ, gɛ́ pɛli nuąi di hvo tɔn mu, di hɔlɔɓoi a Kristə nwɔɔ.

Lomaŋ 8:2

Mąąhɔlɔɓo, Nįį nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Lukə 11:46

Jesus ə nwoo pulu pənə, yɛ mą: «Kaa kpɛli mąn, a ɉɛɓɛ́ kɛ nuą kpalo ɓɛlaai kaa! Mąąhɔlɔɓo, ka tiɛ̨ laa nuą nwuɔ̨, ka hva kpɛli ka yee kpiɛ kɔ́w tɔ̨nɔ̨ lɔmu, ka hvo mu kpəŋə mąą nu yəi.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Dutɛrɔnome 1:12

Ɲą́ą́ dɔ̨nɔ̨ gbən ŋą́ mɔ̨ɔ̨ pɛli ka wɔ liiholiɠaa mu, ka wɔ mɛ̨nįɓoɠaa da ka lɔwai mɛ̨nįɠaa mu?

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Zĩi 2:12

Yii ká mo, 'ká bɔ mɛ̨nį kɛ. Ká kili ə pu ɉu káá, lɛɛ gbɔwɔ ɓa tɔ́n gaa ká tɔwɔ, yɛ pa ká kiti teei.

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Kɔlɔnikɔ Maa-ŋuŋ 19:12

Yɛ nəɠə ɓa: «Aramə nuą yee a kɛ ə tɛɛ mą́ą́, yá pa ə́ kpɔmąą tɛɛ bɔ́. Amɔn nuą yee a kɛ ə tɛɛ yɛ́, ŋą́ pa ŋą́ kpɔmąą tɛɛ ə́ pɔ.