Lɛɛ gbɔwɔ ɓa 24:8 - Yálá laawoo hɛɓɛ

⁸ Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Yálá laawoo hɛɓɛ (dc)

⁸ Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Bible

⁸ Nya ƃe Mose è niŋa ŋãai siɣe é dáa ǹûai dîa ǹyɛɛi, “Gbanaŋ-wooi maa ŋãai ká ŋí nyii Yâwɛɛ è gɛ̀ káyêei yɛ̂ɛ berei ŋ̀óo-ŋai ŋí kélee káa lai.”

Lɛɛ gbɔwɔ ɓa 24:8 Referans Kwoze

Lɛɛ gbɔwɔ ɓa 24:6

Moisə ə ɲąmą bələ tɔ̨nɔ̨ həɠə, ə bu tɛaɠaa hu, ɲąmą bələ tɔ̨nɔ̨i ti lɛɛ, ə daɠa ɉaláá kulɔi.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Korɛntə dɔlɔɔ 11:25

Bələ lɔ ɓə ə gɛ la a gbələ kɔwɔ, kɔ̨nɔ̨n mįi kɛɛ pulu, yɛ diɛ: Gbələ kɔwɔi ŋɛ̨i kaa a mįnɛ̨ nįnɛ̨ ɲą́mą hu; ká kɛ mɛ̨nįi ŋɛ̨i kɛi, yələi lɔpee ká kɛli da kpələ la, káá gbələ a ną́ą́ kili too pələ ká ɲą.

Markə 14:24

Jesus ə mo diɛ, yɛ diɛ: «Yii kaa a ɲą́mą, ŋą́mą yii gaa a mįnɛ̨ ka Yálá ni ka lɔwai. Gaa a ŋą́mą yii gaa pai pui nu tamąą mąą mɛ̨nį ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Nįį-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Lukə 22:20

Di kpɛɛ nwɔ̨nɔ̨ a di kɔ̨nɔ̨n mįiɛ, ə gbələ hɛnɲąŋą həɠə, ə dɛɛ di pɔ, yɛ diɛ: «Gbələ hɛnɲąŋą ŋɛ̨i kaa a mįnɛ̨ nįnɛ̨ həɠə hɛnɲąŋą, a ŋą́mą, yaai pui ka mąą mɛ̨nį ɓa.

Zakari 9:11

Ə́ wɛi, mįnɛ̨i gwa yɛ́ gu ɉəɠə a ɲąmą, nowai yá hvo ɉu, gáá pai ə́ wɔ luwɔɠaai kulɔi ɉu.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Levetekɔ 8:30

Moisə ə nwulɔ mąąhəɠɛɛ ta həɠə, da ɲąmąi tii ɉaláá kulɔi, ə da taɠa Aarɔn ɓa da mąą həɠə, ə gɛ lɔ tii a nonnii diɛ kpɛli; bələ ɓə di Aarɔn da nonnii, da di mąą həɠəɠaa laakwɛlanmo la Yálá nwɔ kólói ɓa.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Nįį-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Zasua 24:25

Ɉosue da Israɛlə lonnii di mįnɛ̨ həɠə a volói tii. Ɉosue ə dɔ́nŋąą, da nɔi yii ɓo pələ lɛ diɛ Sisɛmə daai.

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Dutɛrɔnome 5:2

«Yai-Laa gu wɔ Yálái, ə mįnɛ̨ laa gwa diɛni gu lɔwai Horɛbə yee ɓa.

Tɔɔɓɛlaa dɔlɔɔ 8:21

Ɛlɛɛ, ŋą́ą́ kɛɛnąą ta pɛli kpɔ bɛlɛ́i tii mu, ɓɛi mįnɛ̨ kəhi mąą nɛ̨ɛ̨ ə hee laa. Yaai mįnɛ̨i da ku nąnni di ɉəɠə gaa ɉu, ɓɛlɔwai ə di kulɔ la Eziptə lɔi hu.»

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Egaa 2:5

Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.