Lɛɛ gbɔwɔ ɓa 21:6 - Yálá laawoo hɛɓɛ

⁶ Nąmu a li la Yálá pɔ, ə dɔɔ bɛlɛ́ laaləi gbon ma, a wala kɛ ti, gbon gwɛlɛ, ə nwəli ɓɔ a kwɛli. Da gɛ ti a kɛ kɛa tíi nąmu ɓa a yələ kəlee.

Yálá laawoo hɛɓɛ (dc)

⁶ Nąmu a li la Yálá pɔ, ə dɔɔ bɛlɛ́ laaləi gbon ma, a wala kɛ ti, gbon gwɛlɛ, ə nwəli ɓɔ a kwɛli. Da gɛ ti a kɛ kɛa tíi nąmu ɓa a yələ kəlee.

Bible

⁶ gɛ̀ ní fɛ̂ɛ ŋɔmɛi-nuui é pá la Ɣâla pɔ́. Fɛ̂ɛ é pá la bɛ́rɛi láƃelei é dɔɔ gbôŋ-soŋ-wurii kɔlɛ é ŋ̀óli ƃɔ́ a seme. Gɛ̀ ní a pɔ̂ri nâa tíi kɛ̂i ŋɔmɛi-nuui mî é lɛ́ɛ la zu ŋɔkɛ-ɣéniɛi é kpɛɛ.

Lɛɛ gbɔwɔ ɓa 21:6 Referans Kwoze

Dutɛrɔnome 15:17

a mo tii, yá haliɛn ɉəɠə, ə́ nwəli ɓɔ la bɛlɛ́ laaləi, a lɛɛ kɛa a ka wɔ luwɔ a yələ kəlee.

Levetekɔ 25:40

Ɉon yɛ kóló kɛ mun da ɉala, a wala kɛ tii yɛ nwɛ̨ą a kɛ ə́ yəi bɛlɛ́n, a lɛɛ ə́ yəi bɛlɛ́n góló kɛi, ə lɛɛ ɉu mąąɓo kwɛlan ə həli.

Samuɛlə dɔlɔɔ 28:2

Davidə yɛ Akisə ɓa: «Mɛ̨nįi ə́ wɔ tíɓo kɛ mun kaa pai gɛi, ə́ kaa pai gaai.» Akisə yɛ Davidə ɓa: «Yɛ́ ɓə pai kɛi mą́ą́kpɛi a yələ kəlee.»

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Tɔɔɓɛlaa dɔlɔɔ 12:7

Diɛ mą: «Yá ə́ kpɔwɔ kɛ háákələi a nɔi lonnii ŋɛ̨i di wɔ tímun, ya di mąą mɛ̨nį ɲɛ̨i kulɔ, ə́ di woo pulu pənə a woo lɛlɛɛ, di kaa pai kɛi a ə́ wɔ tínuą a yələ kəlee.»

Samuɛlə dɔlɔɔ 27:12

Akisə laikɛ Davidə la, ə kɛi mo gwəi pələ yɛ kɛ diɛ: «Davidə aa gili kulɔ Israɛlə lɔi hu, gaa pai lɛɛi ɲéé mu a yələ kəlee.»

Samuɛlə dɔlɔɔ 1:22

Kɛlaa, Anə hvo li, mąąhɔlɔɓo, ə mo ɉilɛ ɓa, yɛ mą: «Gu nąą mąąkpɔn, di nokolo laa kulɔ ɲįnį ɓa, nąąlɔwai, kwa yaa kwali di naa həli Yai-Laa ɓa, ə lɛɛ kɛa laa a yələ kəlee.»

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Dutɛrɔnome 1:16

Ya ɓə ŋį́ kɛ ka wɔ mɛ̨nįɓo-nuą diɛ: «Ka kaa pai kɛi ka wəli tɔɔi ka nąn nonnii woo ɓa. Kaa nuą lɔwai mɛ̨nįɠaa hutɔɔ a tɛ̨ą, ə mą kɛ nwɛ̨ąąi heeni ka kɔ́wɔ mɛ̨i.

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Lɛɛ gbɔwɔ ɓa 21:22

«‹Hinąą da kɛi gɔ́, da kɛlɛ koonɛ̨ą ta hu, ɲəi ə kala, kɛlaa, nɛ̨ɛ̨nu hva haa, nui mɛ̨nįi tii wulu a lɛɛ nwuɔ̨, a nɛ̨ɛ̨nui tii yee kulɔ ɉu a hɛn nɛ̨ɛ̨nu ɉilɛ a vaa ɓo, ɛlɛɛ, a nwali tɛɛ yɛ bələi giti tee nuą da mo la.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Azaya 1:26

Ə́ wɔ kiti tee nuąi, ŋį́ di kɛ yɛ bələi wɔlɔ di kɛ la, a di haŋąą, nuąi da tɔɔ ə́ ɲɛ̨i tɔ́wɔ́, ŋį́ di kɛ yɛ bələi wɔlɔ di kɛ la, nąąlɔwai, da ə́ laa hee kɛa, diɛ mą «tələnmo taa» da «taa haŋąą.»

Lɛɛ gbɔwɔ ɓa 21:5

Kɛlaa, nuwɔ a kɛ diɛ: «Ną́mu wɛli kaa mą́ą́, da nɛ̨́ą ə mą kɛ nónnii, və́ bɔ, və́ lɛɛ gbɔ́wɔ́ ɓa.»

Lɛɛ gbɔwɔ ɓa 21:7

«‹Nu ta a non nɛ̨ɛ̨nu tolaa hee, mąą nɛ̨ɛ̨nui hva pɛli kulɔi dolaa pɛlɛ́ mu, yɛ bələi dolaa hinąą da kulɔ la.

Dutɛrɔnome 15:16

Kɛlaa, akɛ nui tii a kɛ kaa: «Və́ bɔ, və́ kulɔ ka pɔ, mąąhɔlɔɓo, ka wɛlikaa mą́ą́, ka ka yəi bɛlɛ́n nuą», yaan ə ɓo nɛ̨ɛ̨ hu ka pɔɔli;

Mąątɛ̨nɛ̨ 82:1

Asafə nwɔ Yálá hvɛli woo. Yálá aa haŋą aa tɔɔ yáláɠaa di wɔ ɲąąkpɔn ɉu. Gaa kiti teei yáláɠaa hąąi.