Lɛɛ gbɔwɔ ɓa 17:2 - Yálá laawoo hɛɓɛ

² Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Yálá laawoo hɛɓɛ (dc)

² Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Bible

² Ǹûai dí laa-saa pɛ̀lɛ Mose mà dîyɛɛ mai, “Yá tɛ́ɛ kúpɔ kú gbele.” Mose ǹyɛɛ diai, “Ka laa-saa pɛlɛ̂i ḿâ lé mɛni ma? Ka Yâwɛɛ su kɔ̂ɔnii lé mɛni ma?”

Lɛɛ gbɔwɔ ɓa 17:2 Referans Kwoze

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.

Mąątɛ̨nɛ̨ 78:41

Di pənə nwɔ̨nɔ̨ di Yálá woo kwɛli, diɛ Israɛlə nwɔ Mąąhəɠəmun líikələn tii la gwəi.

Mąątɛ̨nɛ̨ 78:18

Di gili, diɛ gɛ, diɛ Yálá woo kwɛli, diɛ kɔ̨nɔ̨n ɉu hvɛli mą, diɛ mįi a di liiɓa pələ.

Dutɛrɔnome 6:16

Ka hvə kɛa tɔɔ Yai-Laa ka wɔ Yálái la, yɛ bələi ka gɛ la Masa.

Hebreu 3:9

Nąą ɓə ká nąnni di ɉúkɔɔn naa, ə gɛ, di gáá, diɛn, di ɲéé pɔɔ kaa,

Azaya 7:12

Kɛlaa Akazə yɛ mą: «Və́ hɛn da hvɛlii, vá pɛli Yai-Laa hukɔɔn ɉii.»

Maafîu 4:7

Jesus ə mo mą, yɛ mą: «Bɛ̨ɛ̨i nwɔ̨nɔ̨ Yálá laawoo hɛɓɛ́ hu, diɛ mą: ‹Hvo ə́ Ną́mu ə́ wɔ Yálái hu kɔ́ɔn.›»

Mąątɛ̨nɛ̨ 95:9

Ɓɛi ka nąnni di tɔɔ laa ná, diɛ ɉú kɔ́ɔn, ya pa daa kɛ gáá gɛ́ mɛ̨nįɠaa hu.

Lonon mo 21:5

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»

Gɛlaɠaa 15:10

Yili a kɛ tii, lə mɛ̨nį ɓa ka káá bɔ ka Yálá hukɔ́ɔn? Káá tiɛ̨ hee la laa na nuą nwuɔ̨, yai gu nąnni di hvo pɛli ɉəɠəi, ə mą kpɛli kɛ guɔ?

Gɛlaɠaa 5:9

Nąąlɔwai Piɛrə ə mo mą, yɛ mą: «Lə mɛ̨nį ɓa, ka nu hveelɛ ka pɛli mɛ̨nį tɔ̨nɔ̨ ɓa, ə gɛ, ka Nįį-Mąąhəɠɛɛ hukɔɔn? Nɛ̨ɛ̨nu, 'ə́ wəli tɔɔ, nuąi li ə́ hilɛ looi, daa gbɛa həli ɓɛ, yɛ́ kpɛli, di kaa pai lii a yɛ́.»

Lukə 4:12

Jesus ə nwoo pulu pənə yɛ mą: «Bɛɛi Yálá laawoo hɛɓɛ́ hu yɛ mą: ‹Ho Ną́mu Yálá hu kɔ́ɔn.›»

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Mąątɛ̨nɛ̨ 106:14

Di hvilɛn di liiɓa mɛ̨nįɠaa pulu, nɔi pun ɉu, di Yálá hu kɔ́ɔn nɔi pun ɉu.

Mąątɛ̨nɛ̨ 78:56

Kɛlaa, di hvaa tee yələkɔlɔn ɉu Yálá ɓa, diɛ nwoo kwɛli, di hvo gɛ di hvo nwɔ tɔnŋaai mąąwiɛ.

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Lukə 15:12

Nokolo laa mun yɛ di nąn ma: ‹Nán, lɛɛ heeni, ə́ ə́ kwɛlin ɲąąkwɛlɛ, ə́ nwɛ́i hvə.› Di nąn ə gwɛlin ɲąąkwɛlɛ di nu hveelɛ di lɔwai.

Lɛɛ gbɔwɔ ɓa 15:24

Nuą di kɛi hvaa di nwun ɉu, Moisə ɓa, diɛ kɛ diɛ: «Ku kpələ yá wɔɔ?»

Samuɛlə dɔlɔɔ 8:6

Nwooi tii ə nwąną Samuɛlə ɓa, di kɛ mɛ̨nį ma tɔɔmun dɛɛ ku pɔ, yɛ ku ɲąąwooɓo. Ə lɛɛ Samuɛlə ə Yai-Laa hvɛli,

Lonon mo 14:2

Israɛlə lonnii kəlee di kɛi hvaa di nwun ɉu, Moisə da Aarɔn diɛ, di kəlee diɛ kɛ diɛ: «Kwəli kpɛli haa Eziptə lɔi hu wɛ! A wala kɛ tii, ku haa kɛ nɔi pun ɉu kpɛli kɛ.

Lɛɛ gbɔwɔ ɓa 5:21

Pai di mo, diɛ Moisə da Aarɔn diɛ: «Mɛ̨nįi ŋɛ̨i laai kuɔ, ka hɔn ni, kɛlaa kwaa ku wɛi lɛɛ Yai-Laa ɓa. Ka mąą mɛ̨nį ɓa, tɔɔmun da ɲee pɔ nuą di hvo kpɛli bɔ di hvo ku kaa; kaa ku paa ɓɔwa lɔ di yee ɲą.»

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Mąątɛ̨nɛ̨ 95:8

'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Mąątɛ̨nɛ̨ 106:13

Ɉu hvo kpɛli kwɛa, daa mą lɛ̨ą gɛ mɛ̨nįɠaa diɛ, mɛ̨nįi kɛ gwəi, di hvo naa kulɔi mąąkpɔn ni.

Dutɛrɔnome 9:22

Ɓɛlɔwai gu kɛ la Taveera da Masa, da Kivrotə-Taawa, ka Yai-Laa liiholi gɛɛnąąɠaa tii.