Ɛstɛrə 9:5 - Yálá laawoo hɛɓɛ

⁵ Ɉuifəɠaa di di yowoɠaa paa kpɔ kɛnɛ̨, di nu tamąą paa. Di di yowoɠaa hon, yɛ bələi di kɛ la bɔ.

Bible

⁵ M̀ɛni ma Zuda-ŋai dí díkpɔara-ƃelai kélee pàa a ƃóa-sɔkpɔ-ŋa. Dí dísu-kara yɛ̂ɛ berei díkɛ̀ ŋ̀wɛ̂lii dí gɛ̀ lá a díkpɔara-ƃelai.

Ɛstɛrə 9:5 Referans Kwoze

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɛstɛrə 3:13

Di nɛɛ mą di ɉɛɓɛ́ɠaa tii tɛɛ nɔi nąą kəlee; ə gɛ, di Ɉuifəɠaa kəlee paa, di di yəi hɛnŋąą kala a hvolo tɔ̨nɔ̨, ə həɠə nu kpɛa kpɛaa diɛ ə həli la non gaa nįnɛ̨ɠaa diɛ, a ɲąnįn ŋɛ̨i da kɛ mą Hebreu woo Adarə, nwɔ hvolo pow kɔ́w haaɓa yələ; ə gɛ, nɔi nuą di too Ɉuifəɠaa yəi hɛnŋąą hu.

Ɛstɛrə 9:6

Susə daa kwəi, nuąi Ɉuifəɠaa di di paa, di kɛ a nu nwun nɔɔli.

Nehemi 9:24

Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Ɛstɛrə 8:11

Ə kɛi mo Ɉuifəɠaa diɛ ɉɛɓɛ́i tii hu, diɛ kɛ diɛ: «'Ka ka yee lɛɛ ka yíi pələ ɓa, daa kəlee hu, ka ka keeni mąą kpɔnmąąɓo. Nui lɔpee da gaa kwɛli hɛn yɛ ɓo ɲəi, yɛ kɛ ə pɛlɛ diɛ, di mąą nu paa, nɛ̨ąą da lɛapɛlɛɛɠaa kəlee, di di yəi hɛnŋąą həɠə.

Mąątɛ̨nɛ̨ 92:12

Nuąi kɛi mą́ą́hɛn, ŋą́ą́ di looii kaa; nwąnąlɔ nuąi diɛ di kɔ́ pɛlɛ mą́ą́, nwə́li aa di woo mɛ̨n.