Ɛstɛrə 9:3 - Yálá laawoo hɛɓɛ

³ Nuąi kɛi nɔi ɲąą wooɓo tɔɔmun naa hu, nɔi nąmįną, gbahanamaɠaa, gəlee tɔɔi kɛ Ɉuifəɠaa pulu. Mąąhɔlɔɓo, di kɛi ɲɔw Mardose ɓa.

Bible

³ Ǹɔii láa túɛ-ƃelai, ǹɔii-ƃelai da diai kɛ̀ a gâloŋ ŋɛ́i gao-ŋa ǹɔii kpîniŋ-ŋai sui, dí kpɔ̀ŋ Zuda-ŋai dîa, kpɛ́ni fêi díkɛ̀ yaôi Mɔdikai ma.

Ɛstɛrə 9:3 Referans Kwoze

Ɛsdrasə 8:36

Yili pulu, mɛ̨nįɠaai tɔɔmun ə mo, di gəlee laa həli tɔɔmun nwɔ lɔi nwun nąmįną diɛ, diɛi da nɔi ɲąąwooɓo, diɛi kɛ Eufratə ya voló tooi pələ, di kpɔnmąą tɛɛ Israɛlə nuą pɔ, Yálá hee pɛlɛ́ tɔɔ mɛ̨nį hu.

Danîa 3:2

Tɔɔmun Nabukodonosorə ə nɛɛmą ə nwɔ nu kpɛa-kpɛaɠaa, nwɔ hɛn gɔw laaikɛ nuą, nwɔ guvɛnɛɛliɠaa, giti tee nuą, ɉɛn gɔw mɛ̨i kaa nuą, giti pɛlɛ mu nuą, mɛ̨nį hutɔɔ nuą da nwɔ kobitaa nwun nąmįnąɠaa kəlee təli, ə gɛ, di pa, mąąnįnįn ɉaɠaa ŋɛ̨i ə bɛli, di kwɛli hvilɛn ma, di nįnɛ̨ kulɔ.

Ɛstɛrə 8:9

Voló tɔ̨nɔ̨i tii hu, ə kɛ a ɲąnin ɉaaɓa naa ŋɛ̨i da kɛ mą Hebreu woo hu Siwan nwɔ hvolo pow hveelɛ kɔ́w haaɓa, di ɉɛɓɛ́ pɛ̨ɛ̨ nuą təli, di hɛɓɛ́ɠaa pɛ̨ɛ̨ yɛ pələi Mardose ə kɛ la bɔ. Di ɉɛɓɛ́ɠaa tɛɛ Ɉuifəɠaa diɛ, ɲɛ̨itɔwɔ nuą diɛ, da nɔi ɲąąwooɓo nuą diɛ, ə mą kɛ goɓitaa nwundɔ̨nɔ̨ ɲee hveelɛ kɔ́w mɛ̨ihveelɛi ɓa; Ə həɠə kpɔ Ɛndə lɔi ɓa, ə həli la Nubi lɔi ɓa. Di ɉɛɓɛ́ɠaa tii pɛ̨ɛ̨ a hį́iwoo tamąą, ə mą kɛ Ɉuifəɠaa lawoo hu, di ɲąąkwɛlɛ nɔi nąą kəlee, nuą diɛ.

Ɛstɛrə 8:5

Yɛ tɔɔmun ma: «Nwɔ́ mɛ̨nį námu, akɛ yaa ɲɛ̨́i mąąwɛli kaa, nwɛ́li aa too yɛ́! Agagə nu huwui ŋɛ̨i a Hamedata lon Haman, nwɔ hɛɓɛ́ ɲɔ̨nwɔ̨ɔ̨ ŋɛ̨i ə bɛ̨ɛ̨, ə daɠa taɠa ə́ wɔ lɔi nąą kəlee, Ɉuifəɠaa mąą mɛ̨nį ɓa, ə́ ɉəɠə mą, a hɛɓɛ́ ta yii ya bɛ̨ɛ̨.

Ɛstɛrə 3:12

Ɲąnįn nwɔ hvolo pow kɔ́w haaɓa yələ, di ɉɛɓɛ́ kɛ nuą təli, di pa. Pələi kpɔ Haman ə di tí la, di ɉɛɓɛ́ kɛ tii di dɛɛ ɲɛ̨itɔwɔ nuą diɛ, gbahanamaɠaa kɛ goɓitaaɠaa hu diɛ, da hį́i tɛi tɛi kəlee nwɔ nwun nąmu. Di ɉɛɓɛ́i tii pɛ̨ɛ̨ a hį́i woo tamąą, gəlee da nwɔ hɛɓɛ́ kɔ́w. Di tɔɔmun gɔlɔn ɉɛn kɛ mą a nwɔ yee ɓa gbonoi pɔɔ.

Ɛsdrasə 2:2

Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:

Ɛstɛrə 8:17

Goɓitaaɠaa kəlee hu, da daa pɛlɛɛɠaa kəlee hu, ɓɛi kpɔ tɔɔmun nwɔ wɛlɛɛ woo tii ə həli laa, yɛ hvilɛn na Ɉuifəɠaa diɛ, ə kɛ a kwəinɛ̨ɛ̨ da hɛli. Nu tamąą di di kpɔɔ kɛ a Ɉuifəɠaa, mąąhɔlɔɓo, Ɉuifəɠaa mąą mɛ̨nį ə di mąą ɲɔw kpɔ kɛnɛ̨.