Ɛstɛrə 9:21 - Yálá laawoo hɛɓɛ

²¹ Nwun na nɛ̨ɛ̨ hvólóɠaai tii kɛ mɛ̨nį ɓa a hɛli, a Adarə ɲąnįn nwɔ hvolo pow kɔ́w nąąn da gɔw lɔɔli yələ.

Bible

²¹ a gɛɛ dí Ada ɣaloŋ ŋɔfólo puu káo náaŋ da gáo lɔ́ɔlui síɣe a ɣele kûu kɛ́tɛ dífulu-laai su a kóraŋ kélee.

Ɛstɛrə 9:21 Referans Kwoze

Ɛstɛrə 9:17

Yili ə kɛ tii, a ɲąnįn ŋɛ̨i da kɛ mą Hebreu woo hu, Adarə, nwɔ hvolo pow kɔ́w haaɓa yələ. Di di hvitɔɔ a voló pow kɔ́w nąąn ɲələ, di ɉəɠə ɉu a hvįįtɔɔ hvolo.

Ɛstɛrə 9:18

Ɉuifə yiiɠaai ŋɛ̨i kɛ Susə daa, di di ɲąąkpɔn a voló pow kɔ́w haaɓa da voló pow kɔ́w nąąn ɲələ. Di di hvįįtɔɔ a voló pow kɔ́w lɔɔli yələ, di yili həɠə ɉu a hvįįtɔɔ hvolo.

Ɛstɛrə 9:20

Mardose ə mɛ̨nįɠaai tii kəlee pɛ̨ɛ̨ hɛɓɛ́ hu, ə dɛɛ Ɉuifəɠaa kpɔ kɛ tɔɔmun Asuerusə nwɔ lɔi hu, gəlee diɛ, yiiɠaai kɛ kwɛa la, da yiiɠaai kɛ kpuwɔ la.

Ɛstɛrə 9:22

Mąąhɔlɔɓo, volóɠaai tii ɓə Ɉuifəɠaa di liilaa yɛnɛ̨ɛ̨ hɔlɔɓo la, a kulɔi di mo di yowoɠaa yəi. Volói tii ɓə di wɔ liihɛlɛn mąą ə hvalin na a kwəinɛ̨ɛ̨, da kwəinɛ̨ɛ̨ hɛli, diɛ mɛ̨inɛ̨ɛ̨ kɛ di wɛlikɛmąą nuą da mąąwɛli nuą diɛ.

Ɛstɛrə 9:27

Ɉuifəɠaa di ɉee di kpɔɔ mɛ̨i a tɔ́n, ə kɛ a di huwu la mɛ̨nį ta, ə mą kɛ nuą yiiɠaai da lɔ di wɔ kalan hu, di mąąnɛ̨ɛ̨ kɛ diɛ ɉɛli tii pu a kwɛlan gəlee, nɔi kəlee hu, taa kəlee hu, pɛlɛ kəlee mu.

Ɛstɛrə 9:29

Tɔɔmun nɛ̨ą Ɛstɛrə, Avihailə lon, da Ɉuifə ŋɛ̨i a Mardose, di di kɛ mɛ̨nįɠaai tii kəlee pɛ̨ɛ̨, ə mą kɛ ɉee dɔwɔ hɛli pu mɛ̨nį.

Ɛsdrasə 6:15

Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Ɛstɛrə 3:7

Ɲąnįn dɔlɔɔ ŋɛ̨i da kɛ mą Hebreu woo hu Nisan, tɔɔmun Asuerusə nwɔ tɔɔlaa gwɛlan bow kɔ́w hveelɛ lɔwai, Haman ə nwoo tɛɛ kɛɛnąą kəlee, ə gɛ, di hvolo tɛi tɛi kəlee mąą tɔlu kpɛ ɲąnįn dɛi tɛi kəlee yee mu, dɔli ə too ɲąnįn ŋɛ̨i da kɛ mą Hebreu woo hu Adarə mɛ̨i. Ə gɛ, voló yii bɛliɛi nwɔ mɛ̨nįi tii kɛ hvolo ɓa, di nɛ mą.