Ɛstɛrə 8:7 - Yálá laawoo hɛɓɛ

⁷ Tɔɔmun Asuerusə yɛ Ɛstɛrə da Mardose ŋɛ̨i a Ɉuifəɠaa diɛ: «Ka ka wəli tɔɔ! Ɛstɛrə, Haman ŋɛ̨i Ɉuifəɠaa paa mɛ̨nį giliŋąhiɛ kɛ, ŋą́ą́ mo daa ɉɛlɛn wulu ɓa, ɛlɛɛ, ŋą́ą́ ɲəi hɛnŋąą kəlee tɛɛ ə́ pɔ.

Bible

⁷ Gâloŋ Atasɛra è mò Ɛtɛ ma da Zuda-nuui Mɔdikai ǹyɛɛi, “M̀ɛni nyɔ́mɔɔi Emaŋ è gbɛ̀tɛ Zuda-ŋai láa mai, ŋá gùla maa kɛ̂ la. Ŋá zɛ̀lɛŋ gbɔ́ɔi yeŋkeŋ ma è gbɛ̀tɛi, ŋá gɔ̃liŋ tɛɛ Ɛtɛ pɔ́.

Ɛstɛrə 8:7 Referans Kwoze

Ɛstɛrə 7:10

Di nɛɛ mą di Haman hɛlɛn nwului tii ɓa, yaai ə bɛli Mardose laa ɓa. Nąąlɔwai, tɔɔmun lii ə laa.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Ɛsdrasə 4:6

Tɔɔmun Asuerusə nwɔ tɔɔlaa gɔwɔ tɔɔi lɔwai, di Ɉuifəɠaa maaɲaba lɔ hɛɓɛ́ pɛ̨ɛ̨, diɛi kɛ Ɉuda lɔi hu, da Ɉerusalɛmə daai.

Ɛstɛrə 8:1

Voló tɔ̨nɔ̨i tii hu, tɔɔmun Asuerusə ə nɛ̨ɛ̨ mą ə Haman yəi hɛnŋąą kəlee tɛɛ nɛ̨ą Ɛstɛrə pɔ, Haman ŋɛ̨i kɛ a Ɉuifəɠaa di yowo. Ɛstɛrə ə nɛ̨ɛ̨ mą, ə mo tɔɔmun ma: yɛ mą: «Mardose kaa a gúlɔɉu nąn, nwɔ nu leelee li. Tɔɔmun ə Mardose təli ə pa bɔɔli.»

Ɛstɛrə 7:9

Tɔɔmun nwɔ kpɛtɛgbuwulu tɔ̨nɔ̨, yai naa ɓaa: Harbona; yɛ tɔɔmun ma: «Nwɔ́ mɛ̨nį námu! Haman ŋɛ̨i, aa wulu ta pɛli, ə gɛ, di pa kɛ Mardose hɛlɛn mą. Mardose ŋɛ̨i ta ə́ nwun mąąɓo lɔgilii nuą yəi. Nwului tii gaa tɔɔni Haman yəi gwəli, gwɛa yee kaa a yee laa mą pow hveelɛ kɔw lɔɔli.» Tɔɔmun yɛ mą: «'Ka li ka Haman hɛlɛn mą.»