Ɛstɛrə 8:1 - Yálá laawoo hɛɓɛ

¹ Voló tɔ̨nɔ̨i tii hu, tɔɔmun Asuerusə ə nɛ̨ɛ̨ mą ə Haman yəi hɛnŋąą kəlee tɛɛ nɛ̨ą Ɛstɛrə pɔ, Haman ŋɛ̨i kɛ a Ɉuifəɠaa di yowo. Ɛstɛrə ə nɛ̨ɛ̨ mą, ə mo tɔɔmun ma: yɛ mą: «Mardose kaa a gúlɔɉu nąn, nwɔ nu leelee li. Tɔɔmun ə Mardose təli ə pa bɔɔli.»

Bible

¹ Zuda-ŋai díkpɔara-nuui Emaŋ pâa pôlu mai, Gâloŋ Atasɛra è Emaŋ kɔ̃liŋ kélee tɛ̀ɛ Ɛtɛ pɔ́. Ɛtɛ è m̀o gâloŋ ma a gɛɛ Mɔdikai káa a ŋɔkáayɔɔ. M̀ɛni ma gâloŋ è ŋuŋ ma ƃô tɛ̀ɛ Mɔdikai pɔ a gɛɛ a pɔ̂ri ǹyaa gâloŋ naa kâai a tãi kélee a ŋ̀wɛ̂lii é gáa lai.

Ɛstɛrə 8:1 Referans Kwoze

Ɛstɛrə 2:7

Mardose tii ɓə Ɛstɛrə kulɔ ɉu, Ɛstɛrə kaa kɛ a Mardose gala lon, Ɛstɛrə laa ta ɓaa kɛ a: Hadasa. Ɛstɛrə gaa nuą daa wɔlɔ kɛ haa, di haa pulu ɓə Mardose ə gulɔ la ɉu. Nɛ̨ɛ̨non tii lɛlɛɛ kpɔ kɛ a neelee.

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Ɛstɛrə 2:15

Ɉɛnŋąą ŋɛ̨i Hege, yai kɛ a gbɛtɛkpuwulu, yɛ ɓo nɛ̨ąą mąą yili pɛlɛ́ nwun na, ə mąą liɛwoo kɛ Ɛstɛrə ɓa, yai a Mardose gala Avihailə lon, yili lɔ ɓə Ɛstɛrə ə ɉu hvɛli. Nuąi kpɔ kɛi Ɛstɛrə kaa, nwɛli ə kɛi too diɛ.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Ɛstɛrə 7:6

Tɔɔmun nɛ̨ą Ɛstɛrə yɛ mą: «Ɲówo da gɔ́yɔwɔ, ya ka a: Haman, a mɛlɛkpɛ mąąmun ŋɛ̨i!» Haman ə lɛɛ heeni, ə kpɛlin, tɔɔmun da nɛ̨ą Ɛstɛrə di lííla.

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Ɛstɛrə 1:14

Karsena, Setarə, Admata, Tarsisə, Mɛrɛsə, Marsena, da Memukan. Diɛ ɓə kɛ a Medi da Pɛrsə ɲɛ̨itɔwɔ nuą mɛ̨ihveelɛ, diɛi kɛ di mąą lɛɠɛɛ tɔɔmun ma.

Ɛstɛrə 8:7

Tɔɔmun Asuerusə yɛ Ɛstɛrə da Mardose ŋɛ̨i a Ɉuifəɠaa diɛ: «Ka ka wəli tɔɔ! Ɛstɛrə, Haman ŋɛ̨i Ɉuifəɠaa paa mɛ̨nį giliŋąhiɛ kɛ, ŋą́ą́ mo daa ɉɛlɛn wulu ɓa, ɛlɛɛ, ŋą́ą́ ɲəi hɛnŋąą kəlee tɛɛ ə́ pɔ.