Ɛstɛrə 7:4 - Yálá laawoo hɛɓɛ

⁴ Yaan, ɲą́ą́ kwa ɉúwuhu nuą ka tii daa ku kwɛlɛ, ə gɛ, di ku paa. Ə li kɛ, di kɛ diɛ, ku kɛ lɔ a luwɔɠaai, və́li hvaa, mąąhɔlɔɓo, və́ li ə́ hviikpɛɛ a yili mąą mɛ̨nį.»

Bible

⁴ Da kúsuui tɛ́ɛ nûa pɔ́ a gɛɛ dí zu-kara. Eêi kɛ̀ da ŋ̀wɛ̂lii nɔ́ dí kúkɔlɛ, ŋ́âi lɛ̀ɛ a ḿɛi saa, fêi fũa-fũa tɔɔ yâ. Kɛ́lɛ da gbɛ̀tɛ a gɛɛ dí kúsuu kpɛ́ɛ ɣele ma.”

Ɛstɛrə 7:4 Referans Kwoze

Ɛstɛrə 3:9

Akɛ yá hvaa mą, 'mo, ə́ bɛ̨ɛ̨ a hɛɓɛ́, di di kəlee di paa. Yá yili kɛ tii, ŋį́, wali kwələ waa pow tɛɛ ɲɛ̨itɔwɔ nuą pɔ di bu tɔɔmun nwɔ hɛn gɔw kəhii hu.»

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Ɛstɛrə 3:13

Di nɛɛ mą di ɉɛɓɛ́ɠaa tii tɛɛ nɔi nąą kəlee; ə gɛ, di Ɉuifəɠaa kəlee paa, di di yəi hɛnŋąą kala a hvolo tɔ̨nɔ̨, ə həɠə nu kpɛa kpɛaa diɛ ə həli la non gaa nįnɛ̨ɠaa diɛ, a ɲąnįn ŋɛ̨i da kɛ mą Hebreu woo Adarə, nwɔ hvolo pow kɔ́w haaɓa yələ; ə gɛ, nɔi nuą di too Ɉuifəɠaa yəi hɛnŋąą hu.

Ɛstɛrə 8:11

Ə kɛi mo Ɉuifəɠaa diɛ ɉɛɓɛ́i tii hu, diɛ kɛ diɛ: «'Ka ka yee lɛɛ ka yíi pələ ɓa, daa kəlee hu, ka ka keeni mąą kpɔnmąąɓo. Nui lɔpee da gaa kwɛli hɛn yɛ ɓo ɲəi, yɛ kɛ ə pɛlɛ diɛ, di mąą nu paa, nɛ̨ąą da lɛapɛlɛɛɠaa kəlee, di di yəi hɛnŋąą həɠə.

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.

Ɛstɛrə 7:6

Tɔɔmun nɛ̨ą Ɛstɛrə yɛ mą: «Ɲówo da gɔ́yɔwɔ, ya ka a: Haman, a mɛlɛkpɛ mąąmun ŋɛ̨i!» Haman ə lɛɛ heeni, ə kpɛlin, tɔɔmun da nɛ̨ą Ɛstɛrə di lííla.

Nehemi 5:5

Kɛlaa yaan, kwa ku kaayɔwɔɠaa ku kɔ́lɔ ə ɓo lɔ tɔ̨nɔ̨, ku lonnii da di lonnii di kɔ́lɔ ə ɓo tɔ̨nɔ̨. Bələi mąn gaa la tii, mąąnɛ̨ɛ̨ ku ku lon ɉinąą da ku lon nɛ̨ąą taɠaa tɛɛ luwɔlaa hu. Ku lon nɛ̨ąą taɠaa kaa mun kɛa luwɔlaa hu. Ku hva pɛli mɛ̨nįi lɔpee ta kɛi, ku wɔ tíiɠaai da ku wɔ viɲə yɛɛɠaai kaa kɛa nu takpɛliɠaa yəi.»

Samuɛlə dɔlɔɔ 22:23

Lɛɛ ɓɛ gwɛ́lɛ, hvo ɲɔw, nui yɛ ə́ ə́ paa, ɲą́ą́ ka tii yɛ ə báá, ya kɛ gwɛ́lɛ, mɛ̨nį ta hva ə́ kaa.»

Zasua 9:23

Ə həɠə háákələi ɓa, ka nɛ̨ŋɛ̨n naai ɓə, ka ta hva kɛa kulɔ lɛɛ ɲeemu laa hu; ka lɛɛ lɔ kɛa a nwɔ́ Yálái nwɔ pɛ́lɛ́i mu kwɛi kwɛli nuą, da nwɔ yá haɠa nuą.»

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Ɛstɛrə 7:5

Tɔɔmun Asuerusə yɛ nɛ̨ą ɓa: «Gbɛɛ ɓə giliŋąhiɛ yili kɛ? Mąą nu wɔɔ?»

Ɛstɛrə 8:6

Akɛ ya wala yili kɛ, ŋį́ pɛli lɛɛ pələ kɛi ləi heeni, ɲɛ̨i hiɛ ɉúwuhu nuą diɛ, diɛ di paa! Diɛ di huwu pu!»

Ɛstɛrə 9:25

Kɛlaa, ɓɛlɔwai Haman ə kɛi pa mɛ̨nįi tii hu hvɛlii la tɔɔmun ma, mɛ̨nį tii ə bɛ̨ɛ̨ yɛ hvilɛn na Ɉuifəɠaa diɛ, ə pənə ə too mɛ̨i. Yaa Haman, da non ɉinąą, di di hɛlɛn wulu ɓa.

Danîa 6:2

Dariusə ə giliŋąhiɛ yɛ diɛ, gaa nu kpɛa-kpɛa nwun dɔ̨nɔ̨ ɲee hveelɛ heei nwɔ tɔɔlaai hu, nɔi nąą kəlee.