Ɛstɛrə 6:6 - Yálá laawoo hɛɓɛ

⁶ Haman ə lɔ. Tɔɔmun yɛ mą: «Nui tɔɔmun gaa bɔ ə mąąwiɛ, lə ɓə mąąnɛ̨ɛ̨ ə gɛ mąą nu ɓa kpɔ a neelee?» Haman ə kɛi giliŋąhiɛ yɛ kɛ diɛ: «Gbɛɛ takpɛli ɓə moɔ tɔɔmun a pɛli yili kɛi la? Akɛ ɲą́ą́ gbinį hvəi!»

Bible

⁶ Tãi Emaŋ è lɔ̀ lai, gâloŋ è m̀arê kɛ̀ ǹyɛɛ mai, “Ílâai la lé ƃaa kɛ́-maa sii ƃé ŋa pɔ̂ri dɛɛ̂i ǹúui pɔ́ nyii maa mɛ́ni a ńii laai?” Emaŋ è m̀o ǹíi su pere ǹyɛɛi, “Gbɛ̂ɛ ƃé gâloŋ a pɔ̂ri ƃaa kɛ́-maa tɛɛ̂i bɔ́ é kúla ḿbôlui?”

Ɛstɛrə 6:6 Referans Kwoze

Abdiasə 1:3

Ə́ wɔ huɲąŋą kɛnɛ̨ lalan bilɛɛ aa ə́ ɓowo, yɛ́i ə́ mąą tinɛ̨n ŋąą a kwɛni hįį, nu ta yee hvaa tɛɛ laa yɛ́. Ə́ heɛ mɔ̨ɔ̨ tii laa, ya kɛ kɛi ə́ kpɔwɔ ɓa: «Gbɛɛ ɓə pai gúlɔi ɓɛ?»

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Ɉeremi 32:41

Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Mąątɛ̨nɛ̨ 35:27

Kɛlaa nuąi kpɔ kɛ nwɔ́ tɛ̨ą mɛ̨nį pɔ, ɓáá ə lɔ diɛ, diɛ pili yələi a kwəinɛ̨ɛ̨, diɛ mo a yələ kəlee, diɛ kɛ diɛ: «Yai-Laa kɛnɛ̨i, ya ɓə hvaa mą, ɓáá ə lɔ nwɔ tímun ma nwun na yɛ nɛ̨ɛ̨.»

Ɛstɛrə 6:11

Haman ə nɛ̨ɛ̨ mą, ə ɉəɠə həɠə, ə bɛlɛ ɉoo ɓa. Ə ɉəɠə too Mardose kwaną, ə dɛ ə ɉee ɉoo mɛ̨i, ə hvilɛn dɔwɔ, da yaa də li gwəli hąąi, yɛ kɛ mą: «Nui tɔɔmun gaa bɔ ə mąąwiɛ, pələ ɓə a gɛ la!»

Ɛstɛrə 6:9

ə́ mo ə́ wɔ kalanɉon gbɛakpɛai dɔ̨nɔ̨ ɓa, ə ɉəɠəi tii too mąą nu kwaną, ə dɛ ə ɉee ə́ wɔ hooi mɛ̨i, də li la gwəli hąąi kɛnɛ̨ ɓa, mąą nu hvilɛn ŋąą dɔwɔ yɛ kɛ mą: ‹Nui tɔɔmun gaa bɔ ə mąąwiɛ, bələ ɓə a gɛ la!›»

Ɛstɛrə 6:7

Haman ə tɔɔmun nwoo ŋąąpənə, yɛ mą: «Nwɔ́ tɔɔmun, akɛ ə́ kaa bɔ ə́ nu ta mąąwiɛ,

Ɛstɛrə 5:11

Bələi yaa Haman nwɔ hɛn nąmu laa kaa la, bələi nonnii tamąą la, ɛlɛɛ, bələi nwɔ tɔɔi kaa la, bələi tɔɔmu aa ɉee la a nwun nąmįną di wɔ nwun nąmu, ə yiliɠaa lə diɛ.

Hanwon 30:13

Nu taɠaa kaa laa, di ɲɛ̨i tɛɠɛ ɓo ɉuwɔ, diɛ nu kəlee kaa lɔ di nwuɔ̨ pələ!

Ɛstɛrə 6:5

Tɔɔmun bɔ nuą tii kɛ gwɛlɛ diɛ mą: «Haman ɓə gwəli hąąi!» Tɔɔmun yɛ diɛ: «'Ka mo mą ə lɔ!»

Ɛstɛrə 1:15

Tɔɔmun yɛ diɛ: «Ə həli kaa! Ŋą́ nwɔ́ gbɛtɛkpuwuluɠaai tɔɔ, ə gɛ, di mo nɛ̨́ą Vasti ɓa ə pa! Hvo gɛ li; lə mɛ̨nį ɓə da pɛli naai mą yɛ tɔ́n?»

Lukə 14:9

A kɛ tii, nui ŋɛ̨i ka nu hveelɛ ka təli, a pa yɛ kɛ yɛ́: həɠə gbəlin ɲii ŋą, ə́ li ə́ hee pulu pələ ɓɛi tii. Nąąlɔwai, ya kɛi li heei pulu pələ, nwumɛ̨ a tɛ a yɛ́.