Ɛstɛrə 6:4 - Yálá laawoo hɛɓɛ

⁴ Nąąlɔwai tɔɔmun yɛ diɛ: «Gbɛɛ ɓə gwəli hąąi?» Nąąlɔwai tii hu kpɔlɔ, Haman ə kɛ dɔɔ kwəli gala laaləi; yɛ lɔ. Ə kɛi pa, ə gɛ, ə Mardose hɛlɛn mɛ̨nį hu hvɛli, di ɉɛlɛn nwului ŋɛ̨i ə bɛli mą.

Bible

⁴ Nya ƃe gâloŋ è dímarê kɛ̀ ǹyɛɛ dîai, “Ŋátii kɛ́-nuui nênɛ ƃé bɛ́rɛi lai?” Maa tãi tí Emaŋ a lɔ́ nɔ́ bɛ́rɛi mu. È lɔ̀ bɛ́rɛi mu a gɛɛ é m̀ó gâloŋ ma é wála-wala-laa tɛɛ bɔ́ Mɔdikai sɛ̂lɛŋ mɛni ma ǹyeŋkêŋ ma nyíi è gbɛ̀tɛi.

Ɛstɛrə 6:4 Referans Kwoze

Ɛstɛrə 5:14

Nąąlɔwai, Haman nɛ̨ą Ɉɛrɛsə da Haman mɛlaani, di mo mą diɛ mą: «'Mo, di wulu ta pɛli, gwɛa yee yɛ ɓo a yee laa mą pow haa ɓa, tinąą, ə ɉu hvɛli tɔɔmun ma, di Mardose hɛlɛn mą. Yili pulu, ka tɔɔmun ka li, ka ka laa mįi a kwəinɛ̨ɛ̨.» Mɛ̨nįi tii ə Haman lii hon, ə mo di nwulu tee di vilɛn.

Ɛstɛrə 4:11

‹Ɓɛ nɔi nuą kəlee, ə həɠə tɔɔmun nwɔ tínuą diɛ, ə həli la nɔi nuą diɛ, di kili kaa ɉu, diɛ, nui lɔpee ta hva lɔ tɔɔmun bɔɔli, ə kɛ a hulɔnu, ə kɛ a nɛ̨ɛ̨nu; akɛ tɔɔmun hvo dəli li, da baa. Kɛlaa, nui tɔɔmun a dəli, mąą nu ɓə a lɛɛ a vulú; ɛlɛɛ, da nui tɔɔmun a nwɔ hɛni tunwɔ̨n nɛ ma. Ɲą́ą́ ka, aa kɛ a hvolo pow haaɓa, tɔɔmun hvo ta də́li li.›»

Mąątɛ̨nɛ̨ 2:4

Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Ɛstɛrə 5:1

Voló haaɓa hin nɔɔ tii pului, Ɛstɛrə ə nwɔ tɔɔ həɠəɠaa kɛ mą, ə li dɔɔ kwəli, tɔɔmun yəi bɛlɛ́ laaləi. Tɔɔmun ə kɛ heeni ɲəi bɛlɛ́n dɔɔ kpəlin ɉu, ɲɛ̨i hiɛ bɛlɛ́ laaləi pələ.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Mąątɛ̨nɛ̨ 33:19

A di kulɔ haa yəi, yɛ di laa hɔn mo yɛnɛ̨ɛ̨ a pulu yələɠaa.

Zôo 5:13

Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Ɛstɛrə 7:9

Tɔɔmun nwɔ kpɛtɛgbuwulu tɔ̨nɔ̨, yai naa ɓaa: Harbona; yɛ tɔɔmun ma: «Nwɔ́ mɛ̨nį námu! Haman ŋɛ̨i, aa wulu ta pɛli, ə gɛ, di pa kɛ Mardose hɛlɛn mą. Mardose ŋɛ̨i ta ə́ nwun mąąɓo lɔgilii nuą yəi. Nwului tii gaa tɔɔni Haman yəi gwəli, gwɛa yee kaa a yee laa mą pow hveelɛ kɔw lɔɔli.» Tɔɔmun yɛ mą: «'Ka li ka Haman hɛlɛn mą.»

Ɛstɛrə 6:3

Nąąlɔwai, tɔɔmun yɛ diɛ: «Di Mardose hvɛla kulɔ pələ kɛ ləi, ɛlɛɛ, di mąąwiɛ?» Tɔɔmun bɔ nuą diɛ mą: «Di hvo wɔlɔ kɛ vɛla kulɔ li.»

Ɛstɛrə 6:5

Tɔɔmun bɔ nuą tii kɛ gwɛlɛ diɛ mą: «Haman ɓə gwəli hąąi!» Tɔɔmun yɛ diɛ: «'Ka mo mą ə lɔ!»