Ɛstɛrə 6:1 - Yálá laawoo hɛɓɛ

¹ Mąą kpinįi tii hu, tɔɔmun hvo pɛli yii. Ə nɛ̨ɛ̨ mą, ə mo di pa a nɔi hɛɓɛ́, ɓɛi ɲɛ̨i mɛ̨nįɠaa pɛ̨ɛ̨i kɛ laa; di ɉɛɓɛ́i tii hu woo ɓo tɔɔmun ma.

Bible

¹ Gâloŋ Atasɛra fé nyìi ní a gbínii tí. È mò a gɛɛ dí pá a ǹɔii ŋɔmɛni-pɔlɔ kɔlɔi dí ǹóno mì.

Ɛstɛrə 6:1 Referans Kwoze

Danîa 6:18

Nąąlɔwai, di Daniɛlə pili ɲala kwənąn ɉu, di hvɛni kpuwulu kɛnɛ̨ laa gwənan naaləi. Tɔɔmun ə ɲee ɓa gbono kulɔ, ə bɔɔ laa gwɛni ɓa, da nwɔ nu kpɛa-kpɛaɠaai yee ɓa gbonoɠaa, ya ɓə a nɛ yɛ: mɛ̨nį lɔpee ta maa hva hvalin Daniɛlə mąą mɛ̨nį hu.

Danîa 2:1

Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.

Ɛstɛrə 2:23

Yii kɛa di mɛ̨nįi tii hu pili, di gaa a tɛ̨ą, di gbɛdɛgbuwulu hveelɛi tii hɛlɛn wulu ɓa. Di nɛ̨ɛ̨ mą, di mɛ̨nį tii pɛ̨ɛ̨ bɔlɔ kiliin ɉɛɓɛ́ hu, tɔɔmun ɲɛ̨i ɓa.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Ɛstɛrə 10:2

Tɔɔmun gɛ mɛ̨nį kpɛa-kpɛaɠaa, nwɔ hvaŋąlɔlaa, da bələi kpɔ ə tɔɔi kɛnɛ̨ tɛɛ la Mardose pɔ, gəlee hee kpəlin na kɛɛ kaa Pɛrsə da Medi tɔɔɓɛlaa di wɔ pɔlɔ kiliin ɉɛɓɛ́i hu.

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Ɛstɛrə 5:8

nwɔ́ɔ́ mɛ̨nį nąmu, akɛ, nwɛ́li kaa yɛ́, ə lɛɛ, ə́ kaa bɔ ə́ niiɓa mɛ̨nį laa hvɛɛ, gáá nwɔ̨nɔ̨ bɔ tinąą, ka Haman ka pənə ka pa ka kɔ̨nɔ̨n mįi ɓɛ. A kɛ tii, yii gáá bɔ, ŋį́ mo yɛ́.»

Ɛstɛrə 2:22

Mardose ə mɛ̨nį tii kpaɠala kaa, ə nwoo hukulɔ tɔɔmun nɛ̨ąą Ɛstɛrə ɓa; yili ə li, ə mo tɔɔmun ma a Mardose laa.

Ɛstɛrə 2:21

Nąąlɔwai tii Mardose ə kɛ heeni tɔɔmun ɲəi bɛlɛ́ laaləi, gbɛtɛkpuwulu hveelɛ diɛ ɓaa: Bigtan da Tɛrɛsə; di kɛ a tɔɔmun nwɔɔɠaa; diɛ ɓə kɛi bɛlɛ́ laaləi mąąkpɛ. Nu hveelɛi tii di lɔ tɔɔmun mąą kili; diɛ kɛ di baa. Mąąhɔlɔɓo, aa kɛ di liikələn di kwəi.