Ɛstɛrə 4:4 - Yálá laawoo hɛɓɛ

⁴ Ɛstɛrə nwɔ gbɛtɛkpuwuluɠaai da nɛ̨ąą di kɛ bɔ diɛ tí mą, di pa, di di woo hukulɔ mą, yili ə tɔɔmun nɛ̨ą mąą ɲɔw kpɔ kɛnɛ̨. Ɛstɛrə ə nɛ̨ɛ̨ mą, ə həɠəɠaa tɛɛ də li la Mardose pɔ, ə gɛ, ə mąąwɛli həɠəi tii kulɔ gwąną, kɛlaa, Mardose hvo gɛ mą.

Bible

⁴ Ɛtɛ yée mu-nɛyãai da m̀ɛi káa sinaai dí lì dí m̀ɛnii ŋí ƃó ma. Ǹíi è tòo pôlu a ŋ̀ánaa. È seɣe sîɣe é dɛ̀ɛ Mɔdikai mì a gɛɛ é m̀aloŋ tôo maa seɣei kúla ma. Kɛ́lɛ Mɔdikai fé zoŋ ní.

Ɛstɛrə 4:4 Referans Kwoze

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Ɉeremi 31:15

Yai-Laa woo ka, yɛ diɛ: Gboo təli woo kaa tɔɔi Rama, gaa a mąąwɛli wɔlɔ woo. Rasɛlə ɓə nonnii wɔlɔ ɓoi, hvo nwəli tɔɔi naapilɛ nuą woo ɓa. Mąąhɔlɔɓo, nonnii di hvo lɛɛ li.

Azaya 56:3

Nweąi a hvilɛn Yai-Laa pɔ, mąą hvo nɛ̨ɛ̨li hvo tɔɔ yɛ kɛ diɛ: «Yai-Laa kaa pai gúlɔi nwɔ nuąi lɔwai ɉəɠə mąą hvo mą.» Ɛlɛɛ, gbɛtɛ kpuwulu hvo kɛ diɛ: «Nwɛi gáá a wulu kpala.»

Ɛstɛrə 1:12

Kɛlaa, nwɛlɛɛ ŋɛ̨i tɔɔmun ə dɔɔ, a gbɛtɛkpuwuluɠaai, Vasti hvo gɛ hvo li. Yili ə tɔɔmun níikələn gwəi kpɔ kɛnɛ̨.

Tɔɔɓɛlaa veelɛ 9:32

Ɉehu ə ɲɛ̨i pili bɛlɛ́ vaŋą pilii, yɛ mą: «Gbɛɛ ɓə kwa yaa ku tɔɔ? Gbɛɛ ɓə?» Nɛ̨ɛ̨nui tii nwɔ gbɛtɛgbuwulu hveelɛ, a wala kɛ tii ɉaaɓa, di di nwun gulɔ Ɉehu pɔ pələ.

Samuɛlə dɔlɔɔ 8:15

Gaa pai kɛi ka wɔ mɔ̨nun da ka wɔ viɲə bow nąą nɛlɛɛɠaa həɠəi, yɛ di tɛɛ nwɔ gbɛtɛgbuwuluɠaa da nwɔ tínuą pɔ.

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Gɛlaɠaa 8:27

Filipə ə nɛɛɲąąɓa ə li, ya ɓə, ə kwiɛn a Etiopi mun da, ə kɛ a gbɛtɛgbuwulu, yɛ ɓo a nɔi mɛ̨nį ɲɛ̨i kulɔmun gɛnɛ̨, a Etiopi nɛ̨ɛ̨nu Kandasə ŋą hɛn gɔw mɛ̨ikaamun; aa kɛ li Yálá mąąwiɛ hiɛ ɓa Ɉerusalɛmə.

Ɛstɛrə 4:3

Goɓitaaɠaa kəlee hu, ɓɛi lɔpee tɔɔmun nwoo tii ə həli laa, Ɉuifəɠaai di kaa nąą, ə too diɛ a liihɛlɛn, diɛ hin nɔ, diɛ wɔlɔ, diɛ di woolaa a damąą diɛ luwu pu di nwuɔ̨ diɛ mąąwɛli heɠe too di kwąną.

Ɛstɛrə 4:5

Nąąlɔwai, Ɛstɛrə ə Hatakə təli, yili ə kɛ a gbɛtɛkpuwuluɠaa tɔ̨nɔ̨ yaai tɔɔmun ə dɛɛ Ɛstɛrə pɔ yɛ tí mą. Ɛstɛrə yɛ Hatakə ɓa: «Li ə́ həli Mardose ɓa, lə ɓə kɛ yaai gaa yili kɛi tii?»