Ɛstɛrə 3:15 - Yálá laawoo hɛɓɛ

¹⁵ Ɉɛɓɛ́ɠaa tii də li kpɔ a mąąhulaa yɛ bələi tɔɔmun ə mo la. Di kwəi mɛ̨nį hukulɔ mun Susə daa lee hu. Nąąlɔwai tɔɔmun da Haman di kɛ heeni diɛ di kpələ, daa nuą kəlee di wəli tɔɔ ɉɛɓɛ́ hu woo ɓa, di kwəi piliɛ diɛ.

Bible

¹⁵ Dí gɔlɔi ŋí su woo ƃò ǹûai kélee dîa yɛ̂ɛ berei gâloŋ è m̀o lai. Dí gɔ́ɔ pîlaŋ Susa taa-leei su dí gbéli kpɛ́ɛ ǹɔii kpîniŋ-ŋai su. Nya ƃe gâloŋ da Emaŋ dí lì dí kɛ́ kpele-sãa kpèle gîe ma, Susa taa-leei su kɛ́ ƃò wúlee.

Ɛstɛrə 3:15 Referans Kwoze

Ɛstɛrə 8:15

Mardose ə kulɔ tɔɔmun ɲəi bɛlɛ́n, mąą yiliɛ a tɔɔ həɠə kpɔluɔ mutɛɠiɛ, tɔɔ ɓɔlɔ ta pɛlɛɛ nwuɔ̨ yɛ ɓo a hɛni, da gbaawi kpɔluɔ kɛnɛ̨. Susə daai nuą kəlee di kwəi ə nɛ̨ɛ̨ kpɔ kɛnɛ̨.

Ɉaan 16:20

A tɛ̨ą kpɔ-kpɔ gáá moi kaa, ka káá pai wɔlɔi, kaa ka woolaa, kɛlaa, nąąlɔwai, a kɛ a kwəinɛ̨ɛ̨ yɛnɛ̨ɛ̨ nuą diɛ. Ka liihɛlɛn ŋąąi, ka wɔ liihɛlɛn mąą kaa pai pənəi a kwəinɛ̨ɛ̨.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Osia 7:5

Ku wɔ tɔɔmun nwɔ hvólói, nɔi ɲɛ̨itɔwɔ nuą, da di kpɔwɔ kɛ a ɲɔ̨n gɛ nuą, a lɔɔ laa pɔɔ, tɔɔmun aa ɲɛ̨i tinɛ̨n yɛlɛ kulɔɉu nuą pɔ pələ.

Hanwon 29:2

Ɲąąwooɓolaa a kɛ tələnmo nuą yəi, nɔi a kɛ liilaa hu. Kɛlaa, tɔɔlaa a kɛ líiɲɔ̨n gwəimun ɲəi, nuą da kɛ ɲiŋɛi di huwɔ hu.

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Hanwon 1:16

Mąąhɔlɔɓo, da gilɛ həɠə, diɛ li mɛ̨nį ɲɔ̨n gɛi. Di kɔ́wɔ mąą hulaa ɲąmą kulɔ mąą kɛi.

Ɛstɛrə 4:16

«'Li, Ɉuifəɠaai di kaa Susə daai, ə gəlee ŋąąkpɔn, ka hin nɔ mą́ą́ mɛ̨nį ɓa, hvolo haaɓa, a kpinį haaɓa, nu ta hvo kɔ̨nɔ̨n mįi, hvo gbələ. Ɲą́ą́ gbɛli kwa nwɔ koló kɛ nɛ̨ąąi ku kaa gɛi lɔ tii. Yili pulu, gáá lii, tɔɔmun nííla pələi mąn tɔ́n gaa la ma. Akɛ ŋį́ haa, ŋį́ haa.»

Tɔɔɓɛlaa dɔlɔɔ 14:27

Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Zɛnɛse 37:25

Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Ɛstɛrə 1:10

Voló mɛ̨ihveelɛ yələ, nɔɔ ə tɔɔmun ɉon, gwəinɛ̨ɛ̨, ə nɛ̨ɛ̨ mą, ə nwɔ gbɛtɛkpuwulu mɛ̨ihveelɛi təli, diɛi kɛ nwɔ tí nuą diɛ ɓaa: Mehuman, Bizta, Harbona, Bigta, Avagta, Ɉetarə, da Karkasə.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

Hanwon 31:4

Lemuɛlə! Kpaa-o! Lɔɔ hva heeɓolaa mąą hon. Lɔɔ yamąn ŋąą mąą hvo nɛ̨ɛ̨li a tɔɔɓɛlaa kpələ hɛn.