Ɛstɛrə 2:9 - Yálá laawoo hɛɓɛ

⁹ Ɛstɛrə wɛli ə too Hege ɓa, ə nɛ̨ɛ̨ mą ə mąą yili hɛnŋąą tɛɛ bɔ, da mąątí hɛnŋąą. Ə pənə ə dɔɔ pɛlɛ́ mu nɛ̨ąą nu mɛ̨ihveelɛ həɠə ɉu, ə Ɛstɛrə tɛɛ di pɔ, diɛ mąą yili. Di bɛlɛ nɛlɛɛ mun dɛɛ Ɛstɛrə da nwɔ nɛ̨ąąi di pɔ.

Bible

⁹ Ɛtɛ maa mɛ̂ni è Egaai líi sòŋ a ŋ̀ánaa. È sia mâa-sãa kúŋ lɛ́lɛɛ-ŋa tɛ̀ɛ bɔ́ da ŋɔmii sãai a maa félaa. È bù gâloŋ-pɛrɛi mu kwaai ǹɛ́lɛɛ dɔnɔ ma. È nɛnî kpela lɔ́ɔlu mɛi feerɛ tɛ̀ɛ naa dí kɛ́ tíi kɛ̀ mì díkɛ mɛi kâa.

Ɛstɛrə 2:9 Referans Kwoze

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Zɛnɛse 39:21

Bələi mąn Ɉosɛfə ə kɛ la laa gaho pɛlɛ́ mu, Yai-Laa ə kɛ lɔ bɔ, ə ɲɛ̨i lɛlɛɛ hee mą, Ɉosɛfə wɛli ə too gaho pɛlɛ́ mɛ̨i kaamun ma.

Ɛstɛrə 2:12

Kwɛlan dɔ̨nɔ̨ ɓə di gɛ, diɛ di kɛ pələ pɛli, ɲąnin mɛ̨ida yee mu di kɛi mirə wulɔ kun nɛ̨ɛ̨ɠaa lɔ diɛ, ɲąnin mɛ̨ida, diɛ mąątí hɛnŋąą takpɛliɠaa kɛ diɛ. Yili tɛɛ pulu, nɛ̨ɛ̨lɛai tii kəlee tɛitɛi di kɛi li diɛ yii tɔɔmun Asuerusə pɔɔli.

Ɛstɛrə 2:3

'Nuą həɠə, ə́ di hee goɓitaaɠaa kəlee hu, ə gɛ, di pa a nɛ̨ɛ̨lɛaɠaai di hvo hulɔnu mɛ̨nį hu kɔ́lɔn ɛlɛɛ, di ɲɛ̨ilaa lɛlɛɛ, di pa a diɛ gbɛtɛgbuwului ŋɛ̨i da kɛ naa ɓaa a: Hege, bɔ, ə ɲɛ̨i kɛ diɛ, ə di mąą tíhɛnŋąą tɛɛ di pɔ.

Danîa 1:9

Yálá ə hvaa mą Daniɛlə wooi tii ə laa a gbɛtɛɠaai tii nwun nąmu lii.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Mąątɛ̨nɛ̨ 106:46

Nuąi li a diɛ luwɔlaa hu, ə gɛ yiliɠaai di di ɲɛ̨imąąwɛli kaa.

Tɔɔɓɛlaa dɔlɔɔ 8:50

Ə́ wɔ nu huwui ŋɛ̨i nɛ̨ŋɛ̨n ɉəɠə yɛ́, mąąhvaalɛɛ, ə́ di wɔ kulɔ nwoo mu laa kəlee mąąhvaalɛɛ. Nuąi da kɛ di yəi luwɔlaa hu, gɛ, yiliɠaai di di ɲɛ̨imąąwɛli kaa. Ə kə! Di di ɲɛ̨imąąwɛli kaa.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Ɛstɛrə 5:2

Ɓɛlɔwai ə Ɛstɛrə kaa la tɔɔni gwəli hąąi, nwɛli ə too mą, ə nwɔ hɛni tunwɔ̨n ɉaŋą Ɛstɛrə pɔ, Ɛstɛrə ə pa, ə ɲee pɛlɛ ma.

Zɛnɛse 39:4

yili ə Potifarə kwəinɛ̨ɛ̨ kpɔ kɛnɛ̨, ə Ɉosɛfə kɛ kɛa a ɲəi bɛlɛ́n ɉɛnŋąą kəlee mɛ̨i kaamun.