Ɛstɛrə 10:3 - Yálá laawoo hɛɓɛ

³ Mąąhɔlɔɓo, Mardose ŋɛ̨i kɛ a Ɉuifə, tɔɔmun Asuerusə a həɠə laa, ya ɓə a lɛɛ nąą bɔɔ ɓa. Mardose ə kɛ a nu kɛnɛ̨ Ɉuifəɠaa ɲɛ̨i ɓa, nwɛli yɛ ɓo gaayɔwɔɠaa Ɉuifəɠaa diɛ. Mardose ə kɛi mɛ̨inɛ̨ɛ̨ kɛ ɉuwu hu nuą diɛ. Ɛlɛɛ, di wɔ liilaa mɛ̨nį ɓə ə kɛi gwɛli.

Bible

³ Gâloŋ Atasɛra è Mɔdikai kɛ̀ a gɔlɛ-ma-nuu gâloŋ-laai su. Mɔdikai ŋɔnûai dí díyee sèe mù, wála-wala-laa kɛ́ ƃò ǹyêei Zuda-ŋai kélee sáma. Mɔdikai è kɔ̀ ŋɔnûai mɛni ma gɛ́ lòno dípɔ lii-see pere su.

Ɛstɛrə 10:3 Referans Kwoze

Nehemi 2:10

Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Lomaŋ 14:18

Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Danîa 5:29

Ɲąąɓa, Bɛlsasarə ə mo, yɛ diɛ: «Di nini kɔ́lɔ həɠə too Daniɛlə kwąną, di hɛni kwɛan doo gwąną, ə lɛɛ, di noloɓo kɛɛnąą kəlee, diɛ mą: ‹Dɔɔlaa nwɔ ŋaawooɓo ɉaaɓa kɛɛnąą kaa ɲəi.›»

Kɔlɔnikɔ Veerɛi 28:7

Ɛfraimə kɔ́kuláa kpəɠiɛ Ɉikri, ə tɔɔmun non Maaseyahu paa, ə Azrikamə paa, yaai kɛ a dɔɔ pɛlɛ́ ɲąąwooɓomun, da Ɛlkana nui ŋɛ̨i kɛ dɔɔmun bɔɔŋą.

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Danîa 5:16

Ŋą́ą́ mɛ̨n diɛ, ya pɛli mą ə́ ɉukulɔ, ə lɛɛ, yɛ́ mɛ̨nį walawalaɠaa hon bələ kpaɠala lɛ. Yiihu kɛa, akɛ ya pɛli ə́ ɉɛɓɛ́i ŋɛ̨i ɓo, ə́ ɉukulaa lɛ mą́ą́, ŋą́ nini kɔ́lɔ həɠə too ə́ kwąną, ŋą́ hɛni kwɛan doo ə́ kwąną, ŋą́ nwɔ́ tɔɔlaai ɲąąwooɓo ɉaaɓa kɛɛnąą tɛɛ ə́ pɔ.»

Ɛstɛrə 3:2

Nuą kpɔ kɛi tɔɔmun nwɔ pɛ́lɛ́i mąąkpɛ, da Haman kaa kɛ, gəlee da kwɛli hvilɛn mą. Mąąhɔlɔɓo, pələ ɓə tɔɔmun ə mo la, Haman mąą mɛ̨nį hu. Kɛlaa, Mardose hvo kɛi gɛ, hvo gbəlin vilɛn, hvo kwɛli hvilɛn Haman ɓa.

Samuɛlə dɔlɔɔ 23:17

yɛ mą: «Hvo ɲɔw, ną́n Saulə yee hvo pai pɛlii yɛ́; yɛ́ ɓə pai kɛi a tɔɔmun, gɛ́ ɓo ə́ pɔ, ną́n gili kaa tii ɉu.»

Danîa 6:3

Ə nwun nąmįnąa haaɓa hee nuąi tii kəlee nwun na. Nu haaɓai tii dɔ̨nɔ̨ ɓa kɛ a Daniɛlə. Daniɛlə tii ɓə mąąnɛ̨ɛ̨ kɛ nu kpɛa-kpɛaɠaai tii kəlee diɛ pa diɛ nɔi mɛ̨nįɠaa hu lɛ mą, ə gɛ, nuą di hvo pa kɛ tɔɔmun ɲəi hɛnŋaa kalai.

Zɛnɛse 45:10

Ya pa, ə́ kaa pai heei Gosɛn ka ə́ lonnii kəlee, ka ə́ mąnįn, ə mą kɛ, ə́ wɔ ɓɛlaaɠaa, moluɠaa da niɲɛ̨ɠaa, bɛlɛɛ ə́ yəi hɛn gəlee ɓa. Pa ə́ hee gwɛ́lɛ.

Zɛnɛse 45:11

Ya, pa ŋą kɔ̨nɔ̨n dɛɛ ə́ pɔ, ka ə́ yəi bɛlɛ́n nuą, ə mą kɛ ə́ wɔ taatɛlɛɛɠaai kəlee. Mąąhɔlɔɓo, bulu kwɛlan ŋɛ̨i aa lɛɛ pulu a kwɛlan nɔɔli.›»

Samuɛlə dɔlɔɔ 18:16

Kɛlaa, Israɛlə nuą da Ɉuda nuą kəlee, Davidə wɛli ə kɛ diɛ. Mąąhɔlɔɓo, Davidə ɓə kɛ di nwun na da diɛni diɛ li gɔɠaa mɛ̨i diɛ pa.

Ɛstɛrə 2:5

Ɉuifə mun da heeɛ kɛ Susə daai, diɛ kɛ naa ɓaa: Mardose. Nąn mąą kɛ a Yairə, nąn nwɔ nąn mąą a: Simei da Kisə. Di kaa a Bɛnɉamɛn huwuhu nuą.