Ɛstɛrə 10:1 - Yálá laawoo hɛɓɛ

¹ Tɔɔmun Asuerusə ə ni hɔ̨nwɔ̨ laa nwɔ lɔi hu nuą mɛ̨i, da nuąi kɛ di heeɛ gboloyá hąąi gahinŋąą ɓa.

Bible

¹ Gâloŋ Atasɛra è gɛ̀ ǹûai kélee kɛ̀ ŋɔlɔii kpîniŋ-ŋai sui, da diai kɛ̀ yúo kpono mai, dí kɛ́ ŋuŋ-fela-fe kɔ̀lɛ.

Ɛstɛrə 10:1 Referans Kwoze

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Lukə 2:1

Nąąlɔwai Sesarə Augustə ə mo yɛ: «Ɓɛi kpɔ ŋą heeɓo laa ə həli laa, di nąą nuą kəlee lono.»

Danîa 11:18

Yili pulu, gaa pai ɲɛ̨i tinɛ̨n ɉii ə ɉee ɲa kwɛlɛ taaɠaa diɛ, ə damaa həɠə, ə lɛɛ la ɉu, nwea kɔ́kuláá ta ə pa ə nwɔ huɲąŋą kɛnɛ̨ laa di kulɔ ɲəi, ə vɛla hɔlɔɓo.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Ɛstɛrə 8:9

Voló tɔ̨nɔ̨i tii hu, ə kɛ a ɲąnin ɉaaɓa naa ŋɛ̨i da kɛ mą Hebreu woo hu Siwan nwɔ hvolo pow hveelɛ kɔ́w haaɓa, di ɉɛɓɛ́ pɛ̨ɛ̨ nuą təli, di hɛɓɛ́ɠaa pɛ̨ɛ̨ yɛ pələi Mardose ə kɛ la bɔ. Di ɉɛɓɛ́ɠaa tɛɛ Ɉuifəɠaa diɛ, ɲɛ̨itɔwɔ nuą diɛ, da nɔi ɲąąwooɓo nuą diɛ, ə mą kɛ goɓitaa nwundɔ̨nɔ̨ ɲee hveelɛ kɔ́w mɛ̨ihveelɛi ɓa; Ə həɠə kpɔ Ɛndə lɔi ɓa, ə həli la Nubi lɔi ɓa. Di ɉɛɓɛ́ɠaa tii pɛ̨ɛ̨ a hį́iwoo tamąą, ə mą kɛ Ɉuifəɠaa lawoo hu, di ɲąąkwɛlɛ nɔi nąą kəlee, nuą diɛ.

Ɛstɛrə 1:1

Mɛ̨nįi ŋɛ̨i ə kɛ ɓɛlɔwai Asuerusə ə kɛ la a tɔɔmun. Asuerusə ə kɛi tɔɔlaa kɛ koɓi taa nwundɔ̨nɔ̨ ɲeehveelɛ kɔ́w mɛ̨ihveelɛ mɛ̨i, ə həɠə Ɛndə lɔi ɓa, ə həli Nubi lɔi ɓa.

Zɛnɛse 10:5

Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.