Ɛstɛrə 1:4 - Yálá laawoo hɛɓɛ

⁴ Ə nɛ̨ɛ̨ mą, ə nwɔ tɔɔlaai hu hɛn gɔw da ɉɛn nɛlɛɛɠaai gaa laa, ə nɛ diɛ, nwɔ kɛnɛ̨ laa mąąwiɛ lɛ mɛ̨nį ɓa. Di gwəinɛ̨ɛ̨i tii kulɔ hvóló nwundɔ̨nɔ̨, hvóló pow mɛ̨ihaaɓa yee mu.

Bible

⁴ É gúui ŋí kɛ̀ ɣáloŋ lɔ́ɔlu mɛi da yée mu. M̀aa ɣêle-ŋai yée mu, è kɛ̀ ŋɔtɔɔ-laai da ŋɔkâloŋ laai lɛ́lɛ-pere lɛ̂i ǹûai dîa.

Ɛstɛrə 1:4 Referans Kwoze

Zôo 40:10

A kɛ ti, ə́ mąą yili a kɛnɛ̨ laa, da mąąwiɛ, ə́ ɲɛ̨imąąlən gɛ yɛ́, da heeɓolaa.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Maafîu 4:8

Nąnį ə ɉəɠə laa ə li la nwɔ̨nɔ̨ yee kɛnɛ̨ ta tona; ə yɛnɛ̨ɛ̨ tɔɔlaaɠaa kəlee da ɉu mąąwiɛ lɛ mą.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Izikiɛ 28:5

Ə́ kili ɲą laai yɔw kɛi, yáá ə́ yəi hɛn gɔw hu kɛnɛ̨, ɛlɛɛ, hɛn gɛnɛ̨ pələ ə́ yəi, yáá ə́ nwun dɛ.

Azaya 39:2

Nuąi tii pa mɛ̨nį ə Ezekiasə kwəinɛ̨ɛ̨ kpɔ kɛnɛ̨, nąąlɔwai, ə nwɔ walii, nwɔ hɛnii, nwɔ ləɠi yili-hɛnŋąąi, mąątí wulɔ kun nɛ̨ɛ̨ɠaai, nwɔ kɔ́ kɔ́ kwɛli hɛnŋąąi da ɲəi hɛn gɔw kəlee lɛ nuąi tii diɛ; Ezekiasə nwɔ pɛlɛ́i mu hɛnŋąą da nwɔ lɔi hu hɛn da hvo lɛɛ pulu, yii hvo nɛ nuąi tii diɛ.

Mąątɛ̨nɛ̨ 145:5

Gáá pai kɛi ə́ wɔ kpalo mɛ̨nįɠaai bələ ɓoi, ə mą kɛ, ə́ mąąwiɛ pələ aa ə́ ɲɛ̨i pono kɛnɛ̨.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Mąątɛ̨nɛ̨ 45:3

Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Mąątɛ̨nɛ̨ 21:5

Ə yɛnɛ̨ɛ̨ hu hvɛli yɛ́, ə́ dɛɛ bɔ, a yɛnɛ̨ɛ̨i kpɛɛ hvo mą.

Kɔlɔnikɔ Maa-ŋuŋ 29:25

Yai-Laa ə Salomɔn kɛnɛ̨ kpɔ kpąą Israɛlə nuą kəlee ɲɛ̨i ɓa, ɛlɛɛ ə nwɔ tɔɔlaai mąąɲįnɛ̨n gɛ mą, ɲɔ̨nwɔ̨mąn və ta kɛli mą a Israɛlə tɔɔmun da.

Ɛstɛrə 1:3

Asuerusə nwɔ tɔɔlaa gwɛlan ɉaaɓa lɔwai, ə ɲeemu nuą da di wɔ káláɉonŋąą kəlee təli; ə di ɓɛlɛhee, ə Pɛrsə da Medi kɔ́kuláá nwun nąmįną təli, da nɔi nwun nąmįną, ɛlɛɛ, gbahanąmąɠaai kɛ goɓitaa nwun na.

Ɛstɛrə 1:5

Gwəinɛ̨ɛ̨ tii kpɛɛ lɔwai, tɔɔmun ə nu kəlee ɓɛlɛ hee; mąą nu ə kɛ a hɛn gɔw nąmu, ə kɛ a yee hvowolo mun, diɛi kɛ Susə daai nąą kəlee. Di di wɔ ɓɛlɛ hee kɛ lɔ́wɔ́ tɔ̨nɔ̨ yee mu, tɔɔmun ɲəi gwəlii.