Ɛstɛrə 1:3 - Yálá laawoo hɛɓɛ

³ Asuerusə nwɔ tɔɔlaa gwɛlan ɉaaɓa lɔwai, ə ɲeemu nuą da di wɔ káláɉonŋąą kəlee təli; ə di ɓɛlɛhee, ə Pɛrsə da Medi kɔ́kuláá nwun nąmįną təli, da nɔi nwun nąmįną, ɛlɛɛ, gbahanąmąɠaai kɛ goɓitaa nwun na.

Bible

³ Ŋɔkâloŋ-laa kóraŋ zaaƃai su è kúu kɛ́tɛ kɛ̀ ǹyée mu tii kɛ́-ƃela kpaya-kpayai dîa. Diai pà gúui ŋí sui dia ƃa Pɛsia da Midia lɔii kɔ-kuluƃa-ŋai láa túɛ-ƃelai, ǹɔii-ƃela kpaya-kpayai da ǹɔii kâloŋ-ŋai kélee kɛ̀ ǹɔii kpîniŋ-ŋai mɛi.

Ɛstɛrə 1:3 Referans Kwoze

Markə 6:21

Yələ ta, Herodə ə kɛi gaa yələ mąą kwəinɛ̨ɛ̨ kulɔ. Volói tii ə kɛ Herodiadə ɲɛ̨i ɓa a hvóló lɛlɛɛ yai kɛ a pɛli kɛ ə Ɉaan paa la. Herodə ə nwɔ kalanɉonŋąą nuą kəlee ŋąąkpɔn, ə mą kɛ nwɔ holahi nwun nąmįną, da Galile kalanɉonŋąą kəlee. Ə hɛli kɛnɛ̨ pɛli diɛ.

Danîa 5:1

Yələ ta, tɔɔmun Bɛlsasarə ə laa mįi kɛnɛ̨ kɛ pələ pɛli, nwɔ nu kpɛa-kpɛaɠaai mąą mɛ̨nį ɓa, di kɛ a nu waa tɔ̨nɔ̨. Tɔɔmun ə pɛlɛ yɛ lɔɔ kɛnɛ̨ kpələ nuąi tii ɲɛ̨i ɓa.

Ɛstɛrə 2:18

Tɔɔmun ə pənə nwɔ̨nɔ̨ ə ɓɛlɛhee takpɛli kɛ nwɔ ɲɛ̨itɔwɔ nuą da ɲeemu nuą di mąą mɛ̨nį ɓa, Ɛstɛrə laa hu. Ə nįįhɔ̨nwɔ̨ mɛ̨nį ta kulɔ mą goɓitaaɠaa kəlee hu nuą diɛ; ə nɛ̨ɛ̨ mą ə tɔɔlaa hu mɛ̨inɛ̨ɛ̨ kɛ nuą diɛ.

Tɔɔɓɛlaa dɔlɔɔ 3:15

Salomɔn ə ɲɛ̨nąą ɓo, ə gaa yɛ Yai-Laa ka tii mɛ̨nį ɓo mą hįi pələ. Ə li Ɉerusalɛmə, ə gbɔwɔ lɛ Yai-Laa ɓa nwɔ mįnɛ̨ kəhii lííla, haláái da gəlee kələn, da pɔnaa kulɔ haláá, ə yiliɠaa kulɔ Yai-Laa ɓa, yili pulu, ə nwɔ ɲɛ̨itɔwɔ nuą ɓɛlɛ hee.

Ɉeremi 51:11

'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Zɛnɛse 40:20

Hvóló haaɓa tɛɛ pulu, Eziptə tɔɔmun ə kɛi gbɔwɔ kaa kwɛlan mąą kwəinɛ̨ɛ̨ kulɔ, ə kɔ̨nɔ̨n gɛnɛ̨ pɛli nwɔ ɲɛ̨i tɔwɔ nuą diɛ, nuąi tii kəlee ɲɛ̨i ɓa, ə nɔɔ pɛli nuą nwun nąmu kulɔ gaho ŋą, da nui ŋɛ̨i kɛ gɔ̨nɔ̨n mɛ̨nį nwun nai.

Danîa 8:20

Mɛlaa hilɛi tii kɛ ə́ gaa nįnɛ̨ yɛ ɓo nwuɔ̨ hveelɛi, mįnɛ̨ hveelɛi tii kaa a tɔɔɓɛlaa hveelɛ, dɔ̨nɔ̨ kaa a Medi tɔɔlaa, dɔ̨nɔ̨ yɛ ɓo a Pɛrsə tɔɔlaa.

Danîa 6:1

Medi mun ŋɛ̨i da kɛ mą Dariusə, di gɛ a tɔɔmun, ɓɛlɔwai gaa kwɛlan ə kɛ la pow mɛ̨ida kɔ́w hveelɛ.

Danîa 5:28

‹Parsin› mukulaa ɓaa: Di kaa pai ə́ wɔ tɔɔlaai ɲąąkwɛlɛi Medi nuą, da Pɛrsə nuą di lɔwai.»

Ɛstɛrə 1:14

Karsena, Setarə, Admata, Tarsisə, Mɛrɛsə, Marsena, da Memukan. Diɛ ɓə kɛ a Medi da Pɛrsə ɲɛ̨itɔwɔ nuą mɛ̨ihveelɛ, diɛi kɛ di mąą lɛɠɛɛ tɔɔmun ma.

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Ɛstɛrə 1:4

Ə nɛ̨ɛ̨ mą, ə nwɔ tɔɔlaai hu hɛn gɔw da ɉɛn nɛlɛɛɠaai gaa laa, ə nɛ diɛ, nwɔ kɛnɛ̨ laa mąąwiɛ lɛ mɛ̨nį ɓa. Di gwəinɛ̨ɛ̨i tii kulɔ hvóló nwundɔ̨nɔ̨, hvóló pow mɛ̨ihaaɓa yee mu.

Ɛstɛrə 3:7

Ɲąnįn dɔlɔɔ ŋɛ̨i da kɛ mą Hebreu woo hu Nisan, tɔɔmun Asuerusə nwɔ tɔɔlaa gwɛlan bow kɔ́w hveelɛ lɔwai, Haman ə nwoo tɛɛ kɛɛnąą kəlee, ə gɛ, di hvolo tɛi tɛi kəlee mąą tɔlu kpɛ ɲąnįn dɛi tɛi kəlee yee mu, dɔli ə too ɲąnįn ŋɛ̨i da kɛ mą Hebreu woo hu Adarə mɛ̨i. Ə gɛ, voló yii bɛliɛi nwɔ mɛ̨nįi tii kɛ hvolo ɓa, di nɛ mą.