Ɛstɛrə 1:19 - Yálá laawoo hɛɓɛ

¹⁹ Yili ɓa, nwɔ́ mɛ̨nį nąmu, hvo kɛli yá hɛɓɛ́ kɛ, yii a tɔ́n dɔɔ Vasti ɓa, mąąhɔlɔɓo, aa lənə ə́ wɔ təli ɓa. Hvo kɛa kɛ a tɔɔmun nɛ̨ą. Ə́ nɛ̨ɛ̨nu takpɛli kwɛli, yii viɛlaɓoɔi Vasti ɓa. Mɛ̨nįi ə́ kaa pai bɛ̨ɛ̨i, gaa tooi Medi nuą da Pɛrsə nuą di wɔ tɔ́n ɉɛɓɛ́i hu, yii hva həɠə mą.

Bible

¹⁹ Mɛni ma, yà fàa kúwoo ma, tɔ̂ŋ kpɛtɛ kú bú Pɛsia da Midia tɔŋ-ŋai dîa a gɛɛ Vasiti fé wɔ́lɔ pa íŋɛi-tuɛ, ǹyaŋ é kɛ́ a tɔ̂ŋ nyii maa fé pâi wɔ́lɔ fálenîi. Ŋɔkâloŋ-nɛni laai tɛ́ɛ nɛnî da kpɛ́ni pɔ́.

Ɛstɛrə 1:19 Referans Kwoze

Ɛstɛrə 8:8

Kɛlaa, yii ɓaa ɉɛɓɛ́i ŋɛ̨i di bɛ̨ɛ̨, di ɲéé pɔɔ too ɉu, vá pɛli yili həɠəi mą. Yáá mun, hɛɓɛ́ kɛ, yɛ bələi gaa la ə́ kwəi, ə́ nwɔ́ gbonoi pɔɔ kɛ ɉu, Ɉuifəɠaa mąą kɔ́nwɔ̨ mɛ̨nį ɓa.»

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Ɛstɛrə 8:5

Yɛ tɔɔmun ma: «Nwɔ́ mɛ̨nį námu, akɛ yaa ɲɛ̨́i mąąwɛli kaa, nwɛ́li aa too yɛ́! Agagə nu huwui ŋɛ̨i a Hamedata lon Haman, nwɔ hɛɓɛ́ ɲɔ̨nwɔ̨ɔ̨ ŋɛ̨i ə bɛ̨ɛ̨, ə daɠa taɠa ə́ wɔ lɔi nąą kəlee, Ɉuifəɠaa mąą mɛ̨nį ɓa, ə́ ɉəɠə mą, a hɛɓɛ́ ta yii ya bɛ̨ɛ̨.

Danîa 6:17

Nąąlɔwai, tɔɔmun ə mo, yɛ diɛ di pa a Daniɛlə, ə gə, di bili ɲala kwənąn ɉu. Kɛlaa, tɔɔmun ə mo Daniɛlə ɓa, yɛ mą: «Ə́ wɔ Yálái ɲɛ̨i ya kwɛli hvilɛn mą a hvaŋąlɔi, gɛ́ ə ə́ nwun mąąɓo!»

Ɛstɛrə 3:9

Akɛ yá hvaa mą, 'mo, ə́ bɛ̨ɛ̨ a hɛɓɛ́, di di kəlee di paa. Yá yili kɛ tii, ŋį́, wali kwələ waa pow tɛɛ ɲɛ̨itɔwɔ nuą pɔ di bu tɔɔmun nwɔ hɛn gɔw kəhii hu.»

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Ɛstɛrə 1:21

Nwoo tii ə nɛ̨ɛ̨ tɔɔmun ma da ɲeemu nuą kəlee. Tɔɔmun ə hvilɛn Memukan nwɔ liɛwoo tii pulu.

Ɛstɛrə 1:18

Háákələi ŋɛ̨i, Medi da Pɛrsə ɲɛ̨itɔwɔ nuąi di kaa ɓɛ, di nɛ̨ąni kaa pai bələ mɛ̨n ɉii, diɛ di hilɛni woo tee ŋą. Yili yaan, gaa pai lii kələn gwəi hvəi ɉinąą diɛ.

Ɛstɛrə 2:1

Mɛ̨nįɠaa tii tɛɛ pulu, ɓɛlɔwai tɔɔmun Asuerusə lii ə laa la, mɛ̨nįi tii Vasti ə gɛ la, ɛlɛɛ da ɉɛɓɛ́i ŋɛ̨i ə bɛ̨ɛ̨, yɛ hvilɛn na Vasti ɓa, ə hee, yɛ giliŋąhiɛ mą.