Biblia Todo Logo
Bib sou entènèt

- Piblisite -




Ɛstɛrə 1:12 - Yálá laawoo hɛɓɛ

12 Kɛlaa, nwɛlɛɛ ŋɛ̨i tɔɔmun ə dɔɔ, a gbɛtɛkpuwuluɠaai, Vasti hvo gɛ hvo li. Yili ə tɔɔmun níikələn gwəi kpɔ kɛnɛ̨.

Gade chapit la Kopi

Bible

12 Kɛ́lɛ tãi ǹûai ŋí dí lì la dí m̀ó Vasiti mai, vé gɛ́ ní é pá. Nya ƃe gâloŋ è ǹíi ŋwàna a ŋ̀ánaa.

Gade chapit la Kopi




Ɛstɛrə 1:12
19 Referans Kwoze  

Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.


Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,


Bələi lɔ Yálá ŋą kpɔn kaa la Kristə woo mu, nɛ̨ąą diɛ kpɛli, di mąąnɛ̨ɛ̨ di kɛ tii di hilɛni woo mu mɛ̨nį kəlee hu.


Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.


Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.


Tɔɔmun Nabukodonosorə lii ə kələn gwəi kpɔ kɛnɛ̨, ə mo, yɛ di pa a: Sadrakə, Mesakə da Abɛdə-Nego ni, nííla. Di nɛɛmą di pa a diɛ.


Nwoo tii mɛ̨n tɔɔmun ə mo, ə níiɲąnwąną kpɔ kɛnɛ̨. Ə mo, yɛ diɛ: «Gilimaa nuą ŋɛ̨i di kaa ɓɛ Babilonə daai, ka di hon, ka di paa.»


Tɔɔmun nwɔ liikələn gwəi kaa yɛ yala a kɛi kpəɠi. Nui a tɔɔmu níiholi, a kɔ́ pɛlɛ gbɔwɔ nwɔ yɛnɛ̨ɛ̨ ɓa.


Yai-Laa, niiholii tii kaa pai lɛɛi ɉu lə yələ ə həli, a doloi tii a nu líikələn gwəi yɛ nwɔ̨n?


Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?


Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.


Aarɔn yɛ Moisə ɓa: «Nwɔ́ mɛ̨nį nąmu, hvó ə́ líiholi! Yɛ́ kpinįi gbaɠala kaa yɛ́, nuą ŋɛ̨i di wɔ kiliŋąhiɛ a li lɔ mɛ̨nį ɲɔ̨n bɔ pələ.


Di kɛɛ lɛɠɛi muwu la, di nįŋɛ̨ lon gaa, nuą daa wələ yɛli tinɛ̨n mą. Moisə lii ə holi kpɔ kɛnɛ̨, gwɛni ɓɛlaɠaa ti kɛ ɲəi, ə bili, gəlee hu ə yali ɲee kɔ́wɔ la.


Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»


Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»


Yɛ diɛ: «'Ka li, ka mo Vasti ɓa, ə pa, mąąyiliɛ, nwɔ tɔɔ ɓɔlɔi yɛ ɓo nwuɔ̨.» Tɔɔmun ə kɛ bɔ, bələi kɛ nɛ̨ą lɛlɛɛ la, ə nɛ nwɔ tɔɔɓɛlaa diɛ, da nɔi nuą kəlee. Yaan, nɛ̨ɛ̨nui tii lɛlɛɛ kpɔ kɛ a neelee.


Tɔɔmun ə nwun dɔɔ a nwɔ kilimąą nuą. Mąąhɔlɔɓo, pələ ɓə di kɛi dɔɔ kwəlii mɛ̨nį ɓo la. Da ɉu lɛ kɛ kilimąą nuą da mɛ̨nį kɔ́lɔn nuą diɛ, da nuąi kɛ di mąą lɛɠɛɛ tɔɔmun ma. Nuą tii ɓa:


Tɔɔmun níi ə kələn gwəi, ə muhəɠə, ə kulɔ dɔɔ kwəli hąąi. Haman kili ə pu ɉu yɛ tɔɔmun aa baa mɛ̨nį kili tee gwəi, ə lɛɛ laa yɛ nwun mąąkɔ̨nwɔ̨ mɛ̨nį hu hvɛli tɔɔmun nɛ̨ą Ɛstɛrə ɓa.


Swiv nou:

Piblisite


Piblisite