Piɛrə dɔlɔɔ 1:24 - Yálá laawoo hɛɓɛ

²⁴ Hvo gaai: «Nu kan gaa lɔ yɛ kala-tíliin, nwɔ mąąwiɛlaa ə ɓo yɛ wulu powa; kala-tíliin a kpala lɔ, bow ə kulɔ ɲəi;

Yálá laawoo hɛɓɛ (dc)

²⁴ Hvo gaai: «Nu kan gaa lɔ yɛ kala-tíliin, nwɔ mąąwiɛlaa ə ɓo yɛ wulu powa; kala-tíliin a kpala lɔ, bow ə kulɔ ɲəi;

Bible

²⁴ Kpɛ́ni fêi, “Núu-kpune kélee káa nɔ́ yɛ̂ɛ kala, núu-kpune kélee ŋɔfólo-laai kɛ́ ƃò yɛ̂ɛ wúru-pôa. Galai a kpâla, boa kɛ́ pù.

Piɛrə dɔlɔɔ 1:24 Referans Kwoze

Mąątɛ̨nɛ̨ 103:15

Nu kan nwɔ yɛnɛ̨ɛ̨ kaa yɛ kala tiliin, yɛ powa yɛ kpomói wulu;

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Mąątɛ̨nɛ̨ 37:2

Mąąhɔlɔɓo, di kaa pai kpalai lɔ ɉa yɛ kala tiliin, diɛ yohva yɛ kpomói laakpala.

Tɔɔɓɛlaa veelɛ 19:26

Daaɠaa tii hu nuą yee kpuai, di hu aa pu diɛ, diɛ gɛ ɉuwu ɉuwu. Di kaa yɛ looɛi kalaɠaa, di ɓo yɛ gbənə wulu muhəɠɛɛ nįnɛ̨, di ɓo yɛ kalai a ɓɔn pɛlɛ kɔ́ma, di ɓo yɛ mɔ̨nun a hvelee.

Zɔ̂ŋ Maa-ŋuŋ 2:17

Yaan, yɛnɛ̨ɛ̨ da ɉu mɛ̨nįɠaa kəlee di kaa pai tɛɛi, kɛlaa, Yálá liiɓa kɛmun nwɛi, gaa laa a yələ kəlee.

Mąątɛ̨nɛ̨ 129:6

Di kɛ yɛ pɛlɛ́ kɔ́nmą kala tiliin, yai hva kɛnɛ̨, yɛ kpala.

Mąątɛ̨nɛ̨ 92:7

Kilikpɛɛɲəimun hva gbaɠala kaa, nui gili hva mɛ̨nį hukpɛ, hva pɛli ɲąą kaa.

Mąątɛ̨nɛ̨ 102:4

Hvó gaai, nwɔ́ hvólóɠaa kaa lɔ kpɛɛi, yɛ nwɔ̨n nulu, gɔ́wɠaa diɛ kələn yɛ kpáɠa nwɔ̨n.

Mąątɛ̨nɛ̨ 90:5

Yá di kələ, di tɛɛ lɔ yɛ hįi kaai tɔ̨nɔ̨, yai a kpɛɛ yələɓɔi lɔwai, yɛ kala tiliin a ɓɔn;

Zôo 14:2

Gaa lɔ yɛ wulu powai a kulɔ, yɛ yohva; gaa lɔ yɛ nįnįn, a kulɔ, ɛlɛɛ hva lamun.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Maafîu 6:30

Éé kə! Kaai ka wɔ laa na laa hvo kɛnɛ̨ li! Gáá moi kaa, akɛ, Yálá a lɔwɛi wuluɠaa mąąyili tii, diɛi di hva lamu yɛnɛ̨ɛ̨, diɛ di kələn, kaa mun ka hviɛlaɓoɔ, hva ka mąąyili həɠə kɛ ə tɛɛ nwuluɠaai tii diɛ?