Zooɛ 2:3 - Yálá laawoo hɛɓɛ (dc)

³ Di kaa yɛ tíi kələn nwɔ̨n, diɛ kɛɛ kələn di tɔwɔ, di pulu yɛ lɛɛ a gbalan. Gɛɛ di hvo pa, nɔi ə kɛ yɛ Yálá-taa lon ma. Lɔi kpoloon mə da nɛɛ di pulu. Hɛn nɔpee ta hva kulɔ a di yee wolo.

Yálá laawoo hɛɓɛ

³ Di kaa yɛ tíi kələn nwɔ̨n, diɛ kɛɛ kələn di tɔwɔ, di pulu yɛ lɛɛ a gbalan. Gɛɛ di hvo pa, nɔi ə kɛ yɛ Yálá-taa lon ma. Lɔi kpoloon mə da nɛɛ di pulu. Hɛn nɔpee ta hva kulɔ a di yee wolo.

Bible

³ Gotó-ŋa díkɛ̀ ŋ̀úru-ŋai miî yɛ̂ɛ ŋɔŋ-lêŋ. Dítuɛ-pere lɔii káa yɛ̂ɛ Idɛŋ suai, kɛ́lɛ dí pôlu-pere káa yɛ̂ɛ fɛ̃ɛ-kpâlaŋ. Sɛŋ da kélee fa pɔ̂ri pûi díyêei.

Zooɛ 2:3 Referans Kwoze

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Zɛnɛse 2:8

Yili pulu, Yai-Laa ə yɛa ta pɛli Edɛn, voló həɠəi pələ. Nui ŋɛ̨i ə bɛli, ə vilɛn nąą ɲɛa.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Lɛɛ gbɔwɔ ɓa 10:15

Beeləɠaai ti di pɛlɛ nɔi ɓa nąą kəlee, di nɔi ɓa kpinį. Di galaɠaa kəlee mį́i, di nwuluɠaa kəlee ɓá mį́i, hɛn kpɔ ɉanwon ə nɛɛ, di gəlee mįi. Wulu lɔpee ta laa hvo lɛɛ mą, ə mą kɛ ɲɛɛ kɔ́wɔɠaa hu.

Lɛɛ gbɔwɔ ɓa 10:5

Di kaa pai pɛlɛi nɔi mɛ̨i nąą kəlee, nu hva kpɛli nɔi ɓa kaa. Ɉihɛn yiiɠaai ɉanwon dulɔ ə nɛɛ, di kaa pai gəlee mįi, wulu ta laa hva lɛɛ mą, hɛn da hva lɛɛ ɲɛɛ kɔ́wɔɠaa hu.

Amɔsə 7:4

Mɛ̨nįi Yai-Laa ə nɛ mą́ą́ hįį pələ nwɔ̨nɔ̨, ya ka: Nwɔ̨n mə ə ɉəɠə, ə gɛ a nwɔ kitii tee hɛn, nwɔ̨n tii nwəleen ə kɛi yaɠaa kpala lɔi mu, yɛ Israɛlə lɔi kələn.

Ɉeremi 5:17

Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Mąątɛ̨nɛ̨ 97:3

Nwɔ̨n gaa hiɛi dɔwɔ, yɛ ɲowoɠaa kələn gwɛlɛ nąą kəlee.

Azaya 9:18

Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Azaya 14:17

Yɛ lɔi mąąpənə a lɔi pun, yɛ taaɠaa wolo, a kɔluwɔ hon, hvo kɛi pənə hvo dɛɛ gaa lɔi hu.»

Azaya 15:6

Nimrimə ya aa lɛɛ a kɛɛnąą mąą wɛliɛ, galatiliinŋąą daa kpala, di hva kɛa pənə di hvo tɛ; wulu ta laa hvo ŋą.

Izikiɛ 36:35

Di kaa pai kɛi diɛ; nɔi ŋɛ̨i ta di gala, aa kɛ yɛ Yálá-taa nɔw yɛa. Daaɠaai kɛ a taa kpoloonŋaa, daa kɛ di pu, daa kɛ di wolo, daa di mąąkpɛ hįįɠaa too, nu ə ɓo di hu.

Azaya 33:4

diɛ ka wɔ kɔ́ hon bu gee mɛ̨i, yɛ peeləɠaa, diɛ pu mɛ̨i yɛ ɉaiɠaa da kɛi pu hɛn mɛ̨i.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.