Zooɛ 2:23 - Yálá laawoo hɛɓɛ (dc)

²³ Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Yálá laawoo hɛɓɛ

²³ Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Bible

²³ “Óo Zãiyɔŋ-ƃela, ka lii-nɛ̃ɛ kúla Káɣâlai Yâwɛɛ mɛni ma kpɛ́ni fêi, a dunai maa-ŋuŋ tɛ́ɛ kákpɔŋ maa mɛni ma. A tuna támaa tɛ́ɛ kámɛni ma. A dunai maa-ŋuŋ da gbɛɛ-ŋai tɛ́ɛ yɛ̂ɛ berei a kâa gɛ̀ lai.

Zooɛ 2:23 Referans Kwoze

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Levetekɔ 26:4

gáá pai kɛi tulɔ pui ka mɛ̨i a bui lɔwai; lɔi yɛ lɛlɛ, hihɛnŋąą diɛ ɓá.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Dutɛrɔnome 11:14

tulɔi mąąnɛ̨ɛ̨ ə pu ka wɔ lɔi ɓa, ŋą́ bu a bui lɔwai. Ka káá pai kɛi ka wɔ mɔ̨nun ɉɔlɔɓoi, da nɔɔ nįnɛ̨, ə mą kɛ, ka wɔ wulɔi.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Filipə 3:1

Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Zakari 10:1

'Ka haaɓɛlaapɔɔlɛɛ nwɔ tulɔ hvɛli, Yai-Laa ɓa, Yai a tulɔ kpɛlamąą. Yai-Laa lɔ ɓə a gɛ, tulɔ yɛ pu. Gaa pai tulɔ pui a gboloon gɛ̨nɛ̨, yɛ nu tɛi tɛi nwɔ tíi ma tɛɛ bɔ.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Dutɛrɔnome 28:12

Yai-Laa kaa pai pələ laa ɓoi nwɔ yələkɔlɔn ɉu hɛn gɔw neelee tɔwɔ, yɛ tulɔ pu a bui lɔwai ka wɔ lɔi ɓa, yɛ lúwɔ́ too ka kɛ mɛ̨nįɠaa kəlee diɛ. Ka káá pai kwələ tɔɔi hį́i tamąą ɓa, kɛlaa, ka hvo pai kpaan ɉii, ka hvo kwələ həɠə.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Ɉeremi 5:24

Di hva kɛ di kpɔɔ ɓa: «Maa nɛɛ ka gu Yai-Laa gu wɔ Yálái mąąwiɛ. A yaa tii a tulɔ tɛɛ gu pɔ a bui lɔwai, yɛ pu a weewaa da tɛlin; yɛ mɔ̨nun dee ɲąnįnŋaa tɛɛ gu pɔ, di ɓo laa di mąą hva hvalin.»

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Hanwon 16:15

Tɔɔmun a yɛlɛ, yɛnɛ̨ɛ̨ nɛ̨ɛ̨ li, a ɲɛ̨i lɛlɛɛ hee nu ɓa, a kɛ yɛ weewaa tulɔ.

Mąątɛ̨nɛ̨ 32:11

'Ka kwəinɛ̨ɛ̨ kulɔ Yai-Laa mąą mɛ̨nį hu, kaai a tələnmo nuąi, 'ka kɛ kwəinɛ̨ɛ̨ hu; ɛlɛɛ, kaai kpɔ a kwəi kwələ nuą, 'ka pili yələi a kwəinɛ̨ɛ̨.

Zôo 33:23

Kɛlaa, ya lɔ ɓaa malaka ta ə lɛɠɛ mą, yii a kɛ a Yálá, da nu kanŋąą di lɔwai pɔn naa kulɔmun, tanɔ̨n di ɉəɠə waa lɔwai, yili a pɛli ə nu hiɛ pələ lɛ mą.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Amɔsə 4:7

Ną́mu Yai-Laa yɛ nwɔ̨nɔ̨ diɛ: Ɲą́ą́n, ɓɛlɔwai ɛlɛɛ kɛa la a ɲąnin ɉaaɓa, ka wɔ hihɛnŋąąi ma kulɔi lɔwai yɛ ɉəli, və́ gɛ, və́ tulɔ pu mą. Ŋą́ tulɔ pu daa taɠaa hu, ŋį́ daɠaa lɛɛ, tulɔ ə pu yɛɛkɔwɔ taɠaa hu, daɠaa di lɛɛ, diɛ kpala.

Woolaa 4:2

Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Zakari 9:13

Ɉuda ɓə gáá gɛi, a nwɔ́ kɔ-kɔ kilɛn, Ɛfraimə ɓaa a mɛ̨ɛ̨kɔw, gɛ́ dɔɔ ɲą. Siɔn, gáá ə́ lonnii ɲąątɔɔi, yɛ́i a Yavan, ə́ lonnii diɛ, gɛ́ ə́ kɛ yɛ kuláá kɛnɛ̨ nwɔ kɔ-kɔ-ɓɔwa.

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Mąątɛ̨nɛ̨ 84:6

Nwun nanɛ̨ɛ̨mun maa, nui a nwɔ huwalawala hɔlɔɓo ə́ yəi bɛlɛ́n, a hvilɛn pələ ɓa, a níi nɛ̨ɛ̨ gwəi.

Tɔɔɓɛlaa dɔlɔɔ 8:36

Ną́mu, yɛ́i ə́ kaa yələkɔlɔn ɉu, ə́ wəli tɔɔ, ə́ ə́ wɔɔ tímun Israɛlə ŋą nɛ̨ŋɛ̨n mąąhvaalɛɛ. Bələ haŋąąi mąą nɛ̨ɛ̨ di hiɛ la, ə́ nɛ diɛ, ə́ tulɔ tɛɛ ə́ wɔ lɔi pɔ, nɔi ŋɛ̨i ə́ dɛɛ ə́ wɔ nuąi pɔ a di kwɛlin.

Zôo 37:13

Akɛ bɔ ə lɔi laahvɛɛ, a wala kɛ ti ə ɲɔwɔ lɔ, ə lúwɔ́ too mą, diɛ ɓə a di tɔɔ.

Mąątɛ̨nɛ̨ 147:8

Ya ɓə a yələ kɔ́lɔn mąą yili a tulɔ kpinįn, yɛ tulɔ pɛli lɔi mąą mɛ̨nį ɓa, yɛ kalaɠaa ɓɔn yeeɠaa diɛ.

Izikiɛ 34:26

Gáá pai lúwɔ kɛi nɔi ŋɛ̨i ɓa, da gwɛlɛ lɔiɠaa kəlee. Gɛ́ tulɔ pu di mɛ̨i a bui lɔwai, yili yɛ kɛ diɛ a lúwɔ.