Zooɛ 2:11 - Yálá laawoo hɛɓɛ (dc)

¹¹ Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Yálá laawoo hɛɓɛ

¹¹ Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Bible

¹¹ Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:11 Referans Kwoze

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»

M̀ɛni-lɛɛi 6:17

Hvo gaai, ɲələ aa ɉəli, yai a ŋą liiŋąnwąną hvóló kɛnɛ̨i, ɛlɛɛ, gbɛɛ ɓə pai kulɔi ɉu?»

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Amɔsə 5:20

Volói tii, hvo pai kɛi a kɛɛ pɔ̨nɔ̨ hvóló, gaa pai kɛi a kpinį hvóló. Gaa pai kɛi a hvóló yii ɉu kpinɛ̨ɛ̨, kɛɛ pɔ̨nɔ̨ hva kɛ ɉu.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Ɉeremi 50:34

Kɛlaa, Israɛlə mąąkɔ̨nwɔ̨ mun vaŋa kɛnɛ̨i; di mąąkɔ̨nwɔ̨ mun tii laa ɓaa: Yai-Laa Mɛ̨nį Kəlee ŋą Hééɓomun. Ya ɓə a di mąą mɛ̨nį ɲɛ̨i kulɔ, yɛ liilaa hee nɔi tin-tin; ɛlɛɛ, yɛ Babilonə nuą hu kpɛlin.

Azaya 42:13

Yai-Laa kulɔ hiɛ ka tii, yɛ kɔ́kuláa, gaa yɛ kɔ́ kɔ́ mun, gaa nwɔ lii kələn gwəi ɲąątɛi, yɛ gɔ́ huu pili, yɛ tómą, yɛ li ɲowoɠaa pɔ pələ yɛ kpakolo.

Azaya 13:4

'Ka di hu tín mɛ̨n ɲeeɠaa hu, gaa yɛ nu kpulu kɛnɛ̨, 'ka nɔiɠaa hu tín mɛ̨n, lɔiɠaa ɲąąkpɔn ŋąąi, Yai-Laa Mɛ̨nį Kəlee ŋą Hééɓomun, kaa nwɔ kɔlaɠaɠaai mɛ̨i kaai, di kaa lii kɔ́ ɓa.

Lonon mo 24:23

Balaamə ə nwoo laa kulɔ, yɛ diɛ: «Kpalo ka! Gbɛɛ ɓə pai kulɔi Yálá yee ŋą?

Ɉeremi 25:30

Ɛlɛɛ, yɛ́, mɛ̨nįɠaai ŋɛ̨i kəlee hukulɔ diɛ, yɛ diɛ: Yai-Laa aa lɛɛ yələkɔlɔn ɉu yɛ tomą Aa lɛɛ nwɔ pɛlɛ́ mąąhəɠɛɛ mu, nwoo yɛ tɔɔ, gaa tomąi nwɔ lɔi pɔ yɛ tomą yɛ viɲə yá kulɔ nuą hvúluun nwoo, yɛnɛ̨ɛ̨ nuą kəlee pɔ.

Amɔsə 5:18

Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Amɔsə 1:2

Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Izikiɛ 22:14

Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Azaya 7:18

Mąą yələ, niiliɠaa kpɔ di kaa Eziptə ya pulu pələ, da Asiri lɔi hu kwɛ̨iŋąą, Yai-Laa a di təli a kwəlee woo,

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Zooɛ 1:6

Hvo gaai, peeləɠaa di wɔ kɔlaɠa aa muhəɠə, yɛ pa pɛlɛi nwɔ́ lɔi ɓa, vaŋą kɛnɛ̨, lonon vo mą. Ɲin gaa na yɛ yala hilɛ, naa kwɛlɛ ɲin yɛ ɓo yɛ yala haa.

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Mąątɛ̨nɛ̨ 18:14

Yai-Laa ə lɛɛ yələkɔlɔn ɉu, ə yələgbąnąą ɓɛla, Hɛn Gəlee Nąmu ə hvaa.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.