Zooɛ 1:13 - Yálá laawoo hɛɓɛ (dc)

¹³ haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Yálá laawoo hɛɓɛ

¹³ haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Bible

¹³ Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:13 Referans Kwoze

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Izikiɛ 7:18

Di kaa pai ɓíiɠaa kɛi diɛ, diɛ kpɛlin, nwumɛ̨ yɛ di kəlee di ɲɛ̨i paa, Da di nwun gəlee kalaan.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Tɔɔɓɛlaa dɔlɔɔ 21:27

Ɓɛlɔwai Akabə ə bələi tii mɛ̨n na, ə mąą həɠə huɓɛla, ə ɓíi haɠa too gwaną, ə hįn nɔ, yɛ yíi ɓíi haɠaɠaa mɛ̨i, yɛ mąąwɛli hiɛ ɓo.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Korɛntə dɔlɔɔ 9:13

Ka hvo gɔlɔn kaa nuąi da tiɓo kɛ Yálá hee pɛlɛ́ mu, naa lɔ ɓə da di kɔ̨nɔ̨n ɉɔlɔɓo laa? Nuąi da kɛ haláá kulɔi Yálá nwɔ haláá kulɔ kəhi mɛ̨i, nąą ɓə da di kɔ̨nɔ̨n ɉɔlɔɓo laa?

Korɛntə dɔlɔɔ 4:1

Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Samia Veerɛi 12:16

Davidə ə Yálá mąąnɛ̨ɛ̨ nokoloi tii mąą mɛ̨nį ɓa. Ə hin nɔ, ə lɔ ɲəi bɛlɛ́n, a kpįnį hvo laa ɲai gbin ɲa, ə laa nɔi ɓa.

Lonon mo 29:6

Haláái da gəlee kələn ka gulɔ Yálá ɓa a ɲąnin dɔɔ pələ tɛitɛi kəlee, yili a kɛ laa a dee, da Yálá kɔ́ hɛn. Haláái da gəlee kələn ka káá pai kɛi gulɔi hvóló tɛitɛi yee mu, da ɉɛnŋąąi ka káá pai kɛi gɔ́i la, da nɔɔ, yili yaa kpɛli gulaai ɉu. Ka káá pai kɛi ɉalááɠaa tii kulɔi yɛ bələi di di kulɔ pələ mąą tɔ́nŋąą laa la. Kɔ̨nɔ̨n mąą kun nɛ̨ɛ̨li yɛ Yai-Laa liilaa.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Izikiɛ 21:12

Da kɛ yɛ́: ‹Ə́ kaa ɲiŋɛ́i lə mɛ̨nį ɓa?› 'Kɛ́ diɛ: ‹Wɛlɛɛ ɓə aa pa; nu kəlee hvii kaa pai kpɛɛi; nu kəlee yee hu kaa pai haai; nu kəlee hu kaa pai pui mą, nu kəlee kɔ́wɔ yɛ kpɛlin mu. Ya ka ŋɛ̨i pai! Gaa kɛa kɛi. Yai-Laa, gu wɔ Yálái woo li.›»

Osia 9:5

Ləɓə ka káá pai gɛi a ɉɛli pu yələ? A Yai-Laa nwɔ hɛli yələi?

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Lonon mo 28:4

Da dɔ̨nɔ̨ kulɔ a haláá yələwala pɔ, di veelɛnąą kulɔ hvitili ɓa.

Lonon mo 28:7

Mɛlaa lon dɔ̨nɔ̨ paai lɔwai, ka pa a lɔɔ litɛlɛ tɔ̨nɔ̨ da gbulɔ, ka naa həli Yai-Laa ɓa bɛlɛ́ mąąhəɠɛɛ mu.

Lonon mo 28:14

Nɔɔi mąąnɛ̨ɛ̨ di paa la, ya ka: Nįŋɛ̨ hilɛ tɔ̨nɔ̨ lɔɔ ɓala tɔ̨nɔ̨; mɛlaa hilɛ nwɛi, lɔɔ golo tɔ̨nɔ̨, mɛlaa lon dɔ̨nɔ̨ da lɔɔ litɛtɛ tɔ̨nɔ̨. Ɲąnin dɔɔ nįnɛ̨ haláái da gələn ya ka tii. Yai mąąnɛ̨ɛ̨ kaa gulɔ ɲąnin nįnɛ̨ tɛi tɛi yee mu kwɛlan ɉu.

Izikiɛ 27:31

Diɛ di nwun galaan ə́ ma mɛ̨nį ɓa, diɛ mąąwɛli həɠəɠaa too di kwąną, diɛ wɔlɔ ə́ mɛ̨i a di lii kələnŋaa di kwəi, diɛ di woola a nąą mąąwɛliɛ.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.