Zôo 9:8 - Yálá laawoo hɛɓɛ (dc)

⁸ Yaa tɔ́nɔ̨ ɓə yələkɔlɔn bɛli, yɛ hiɛ gboloyá mɛ̨i.

Yálá laawoo hɛɓɛ

⁸ Yaa tɔ́nɔ̨ ɓə yələkɔlɔn bɛli, yɛ hiɛ gboloyá mɛ̨i.

Bible

⁸ Ɣâla ǹya tɔ̂nɔ ƃé ŋ̀ele-kɔlɔŋ kpɛ̂tɛ é ǹáa ǹâai, é ƃɔ́rɔŋ ǹyúo-zele kalii ma a gɔ́ɔ.

Zôo 9:8 Referans Kwoze

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Zôo 37:18

Yá pɛli ə́ yee haŋąi yɛ́ tulɔ kpinįn ɉiɛ voló ɲɛ̨i nąąlɔwai, yɛ da kɛi kwɛli ɓɛla hiɛ ɲɛ̨i?

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Ɉaan 6:19

Galan nɛa mąą kwɛa kɛa kɛ gbukpu ɓa a kələn dɔ̨nɔ̨ ɲɔ̨nwɔ̨mą. Ɓɛlɔwai di Jesus kaa la yɛ hiɛ ɲa ŋą, yɛ lɛɠɛ diɛ, di ɲɔ̨w kpɔ kɛnɛ̨.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Zôo 38:16

Yá ta həli gboloyá nwun gulɔi, yá ta yɛɛ gboloyá balə kpon ɉu?

Zôo 38:11

Gɛ́ mą: «Yá pa, ə́ kpɛlai ka, 'hvo nąą mąą tɛɛ, ə́ wɔ kpɔwɔ ŋąą kɛnɛ̨ laa kpɛlai ka.»

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Zôo 26:7

Ya ɓə yələkɔlɔn ɉɛlɛn, ə lɔi kpalan naa ɓɛi hɛn da hvo kɛ laa.

Zôo 26:13

Naa hvaŋą a yələ kwəi pɔ̨nɔ̨, Ɲįnɛ̨n gaa pɔ ə tɛɛ a gilɛ, ɲee yɛ ɓɔ ɉu.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Ɉeremi 51:15

Ya ɓə lɔi pɛli a nwɔ huwalawala, ə yɛnɛ̨ɛ̨ hee kpəlin na kɛ a kilikɛɲəi, ə yələkɔ́lɔn ɉu lɛan a nwɔ mɛ̨nį kɔ́lɔnŋąą,

Kɔlɔnikɔ Maa-ŋuŋ 16:26

Hɛn kpɔ nu kanŋaa da kwɛlihvilɛn mą, gəlee kaa a kpɛli-kpɛli. Yai-Laa ɓə yələkɔlɔn bɛli.