Zôo 8:6 - Yálá laawoo hɛɓɛ (dc)

⁶ akɛ ə́ wɔ mɛ̨nį haŋąąi bɛliɛ ɉu, a kɛ ti, gaa pai gili lɛɛi ə́ hu, yɛ pənə yɛ ə́ hee ə́ wɔ tələnmolaai hu.

Yálá laawoo hɛɓɛ

⁶ akɛ ə́ wɔ mɛ̨nį haŋąąi bɛliɛ ɉu, a kɛ ti, gaa pai gili lɛɛi ə́ hu, yɛ pənə yɛ ə́ hee ə́ wɔ tələnmolaai hu.

Bible

⁶ À kɛ̀ íkaa a teniŋ ƃô nuu maa waa, gɛ̀ ní a pâi ímɛi kâai, é ísãâi da pɔɔ tôo tɛɛ.

Zôo 8:6 Referans Kwoze

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Zôo 5:24

Ə́ kaa pai liilaa hɔlɔɓoi ə́ yəi bɛlɛ́n, yá kɛi ə́ kɔ́wɔ hu hiɛ ə́ wɔ Nįŋɛ̨ galaɠaai hu, yá gəlee kaa a ɲąą pɛliɛ.

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Zôo 16:17

Ya pa yaan, və́ ta mɛ̨nį nwąnąą laa li nu ta ɓa, nwɔ́ Yálá hvɛli woo kəlee haŋąą.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Mąątɛ̨nɛ̨ 44:23

Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.

Zôo 1:8

Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Zôo 34:28

Ə lɛɛ kpɔ ɉu, mąąwɛli mun nwɔlɔ woo ə həli mą, ɛlɛɛ, təli lon domɔ̨ woo ə həli mą.

Hanwon 3:33

Yai-Laa a nwąnąlɔ nuą di wɔ pɛ́lɛ́i nɛ̨ŋɛ̨n naa, Kɛlaa, a lúwɔ́ too nu haŋąąɠaa di wɔ pɛ́lɛ́ɠaai diɛ.

Zôo 11:14

mɛ̨nį ɲɔ̨n a kɛ ə́ yee ŋą, bili kwɛa la. Ɛlɛɛ mɛ̨nį ɲɔ̨n və kɛa kɛ ə́ yəi bɛlɛ́n.

Mąątɛ̨nɛ̨ 18:25

Ya ɓə gɛ, Yai-Laa yɛ və́la kulɔ, yɛ bələi nwɔ́ tələnmolaa kaa la; yɛ bələi ɲéé mąąhəɠɛɛ kɛ la ɲɛ̨i ɓa.