Zôo 7:7 - Yálá laawoo hɛɓɛ (dc)

⁷ Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Yálá laawoo hɛɓɛ

⁷ Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Bible

⁷ “Óo Ɣâla, é lɛ́ɛ íkili-ŋa a gɛɛ ŋáfulu-laai káa nɔ́ yɛ̂ɛ fãa. Ḿve ŋɔ́nɔ pâi koi-nɛ̃ɛ kulâi a dɔnɔ kpîŋ.

Zôo 7:7 Referans Kwoze

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Mąątɛ̨nɛ̨ 78:39

gili ə ɓo ɉu yɛ kɛ, di kaa lɔ a nu kanŋaa, a pɔ́lɔ, a hvaŋąi lɔ a tɛɛ ə li, ə kɛ a niɛ kəlee.

Ɉeremi 15:15

Yai-Laa! Gbaɠala kaa yɛ́, yɛ́ kpinįi ə́ kili lɛɛ ɉú, mą́ą́ mɛ̨nį ɲɛ̨i kulɔ, nuąi di kaa mɔ̨nɔ̨ɓoi, 'nwą́ną kulɔ diɛ. Hvó ə́ liilaa kpɔ tii, hvo gɛ, və́ lɛɛ mɛ̨nįi. Ə́ kili kaa ɉu, yɛ́ diɛ, ə́ mąą mɛ̨nį ɓə, gáá níí kpələi la lalan ɲəi.

Mąątɛ̨nɛ̨ 89:47

Yai-Laa, ə́ kaa pai lɛɛi ə́ loo pələi ə lɛɛ ɉu mįnɛ̨ lɔwai? Ə́ lii kaa pai lɛɛi a ɉoliɛ ku pɔ, ə lɛɛ ɉu mįnɛ̨ lɔwai?

Mąątɛ̨nɛ̨ 89:50

Nwɔ́ mɛ̨nį Nąmu, ə́ wɔ wɛlikɛmąąlaa pɔlɔɠaai kaa mį? Ə́ ə́ kwɛla Davidə ɓa, a ə́ tələnmolaa!

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 74:22

Yálá! 'Ə́ muhəɠə, ə́ kpɔwɔ mɛ̨nį mąąkɔ̨nwɔ̨, ə́ kiliŋąhiɛ mowo nuąi ŋɛ̨i di wɔ lalan da kɛ bilii mą.

Zôo 10:9

Gbaɠala kaa yɛ́, yɛ́ ɓə bɛ́li a ləɠi pɔlɔ. Ya ka ə́ kaa bɔ ə́ pənə ə́ nɔ́ pɔlɔ hu.

Zôo 9:25

Ɲíí hvólóɠaa kaa tɛɛi, ə tɛɛ gilɛ həɠə mun nwəlɛɛ ɓa. Daa tɛɛ, di hvo mɛ̨nį ɲąąnɛ̨ɛ̨ kaa li.

Nehemi 1:8

Ə́ kiliŋąhiɛ mɛ̨nį ə́ mo yɛ tímun Moisə ɓa, yaai ə́ kɛ mą: ‹Akɛ ka ka woo lɛɛi, ɲą́ą́ ŋį́ ka taɠa taɠa hį́i takpɛliɠaa lɔwai.

Zɛnɛse 42:36

Ɉakɔbə yɛ nonnii diɛ: «Nonnii hveelɛ ka tii kaa gulɔ ɲə́i, diɛ ɓaa: Ɉosɛfə da Simeɔn. Ka káá nwɔ̨nɔ̨ bɔ ka Bɛnɉamɛn həɠə? Ɲą́ą́ lɔ ka tii mɛ̨nįɠaai tii kəlee kaa laai mą́ą́.»

Zôo 7:16

Nwɛ́i aa pɛli, və́ pai lɛɛi yɛnɛ̨ɛ̨ a yələ kəlee. Nɛ́ɛ́ kɛa laa, mąąhɔlɔɓo, nwɔ́ yɛnɛ̨ɛ̨ kaa kpɛɛi.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Zôo 10:20

Akɛ nwɔ́ yɛnɛ̨ɛ̨ hu kwɛai, ə kpɛɛ kɛa, tee kɛa mą́ą́ ŋį́ pɛli pə́lə́ tawolo kɛi tiikpə.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.