Zôo 7:20 - Yálá laawoo hɛɓɛ (dc)

²⁰ Akɛ ŋą́ą́ nɛ̨ŋɛ̨n ɉəɠə, lə kpɔ ɓə ŋį́ gɛ yɛ́, nuą mąąkpɛ mun? Ə́ mą́ą́ mɛ̨nį həɠə a ə́ yee hveelɛ lə mɛ̨nį ɓa? A kɛ ti ŋį́ mɔ̨ɔ̨ kɛ a ə́ nwuɔ̨ tiɛ̨?

Yálá laawoo hɛɓɛ

²⁰ Akɛ ŋą́ą́ nɛ̨ŋɛ̨n ɉəɠə, lə kpɔ ɓə ŋį́ gɛ yɛ́, nuą mąąkpɛ mun? Ə́ mą́ą́ mɛ̨nį həɠə a ə́ yee hveelɛ lə mɛ̨nį ɓa? A kɛ ti ŋį́ mɔ̨ɔ̨ kɛ a ə́ nwuɔ̨ tiɛ̨?

Bible

²⁰ À kɛ̀ ŋa sɔnyɔ̂ŋ kɛ̀, lé ƃé a pâi gɛ̂i a yá? Yái ya núu maa kpɛ̂ɛ a ŋánaai, lé mɛni ƃé ya monîi nɔ́ la gîe mɛi a tãi kéleei? Lé mɛni ƃé ŋaâ kɛ́ la yɛ̂ɛ kpîri wiyɛɛ à kɛ̀ íŋûai?

Zôo 7:20 Referans Kwoze

Woolaa 3:12

Aa nwɔ kilɛn ɲala ɉu, aa ɲɛ̨i hee mą́ą́.

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Zôo 3:24

Gɔ́nɔn mąą mɔ̨nɔ̨, nwɔ́ woo laa wooɠaa diɛ tɛɛ yɛ ya lee.

Mąątɛ̨nɛ̨ 80:4

Ee Yálá! 'Pənə ə́ ku hee ku kpanɲą, 'ə́ ə́ ɲɛ̨i lɛlɛɛ hee kuɔ, ku kaa pai ɓalo.

Mąątɛ̨nɛ̨ 21:12

Da mɛ̨nį ɲɔ̨nwɔ̨ɔ̨ mąą kili tee di kwəi, yɛ hvilɛn na yɛ́, ɛlɛɛ, di mąn nɔgilii kɛ, di yee hva lɔ yɛ́.

Zôo 35:6

Yá nɛ̨ŋɛ̨n ɉəɠə, yá mɔ̨ɔ̨ pɛli Yálá líi kulɔi mą, yá ə́ wɔ túwɔ́ pələ ɲɔ̨n ɉu kɛnɛ̨, lə ɓə a gɛ mą?

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Zôo 33:9

«Hɔn və mą́ą́, nɛ̨ŋɛ̨n və mą́ą́, nwɔ́ mɛ̨nį haŋąąi, hɔn və mą́ą́.

Zôo 31:33

Ŋą́ą́ ta ɉɔ́n now yɛ bələi yɛnɛ̨ɛ̨ nuą da gɛ la? Gɛ́ nwɔ́ túwɔ́ pələ ɲɔ̨n now gwə́i?

Zôo 22:5

A tɛ̨ą, ə́ wɔ mɛ̨nį ɲɔ̨n hu kɛnɛ̨ɛ ɓə. Ə́ wɔ túwɔ́ pələ ɲɔ̨n gbəlai hvo mą.

Zôo 14:16

Kɛlaa, ya ka yiihu, ya kɛ ɉíɛ pələ tɛitɛi kəlee lonoi. Mąą hvo kɛ nɛ̨ɛ̨li, hvo nwɔ́ túwɔ́ pələ ɲɔ̨n ɉee ə́ kwəi.

Zôo 13:26

Mąąhɔlɔɓo, ə́ kaa mɛ̨nį walawala ɓoi náá mɛ̨i, Yɛ́ nwɔ hulɔnon dúwɔ́ pələ ɲɔ̨nŋaa laa nwúɔ.

Zôo 6:4

Mąąhɔlɔɓo, Huwalawala Kəlee Nąmu Yálá aa ɓɔ ɉú a nwɔ mɛ̨ɛ̨ kɔ́w, nɔ̨́ɔ̨ pələ tɛitɛi, yɛ nwąną lɔ ɉú. Yálá nwɔ ɲɔw mąą laa a muhəɠə mɛ̨́i.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Zôo 10:14

ə gɛ ŋį́ mɛ̨nį ɲɔ̨n da wolo kɛ kpɔlɔ, ə́ ɉón na, ə lɛɛ, hvo ə́ kili kulɔ li ɉɔ́n lɔpee ta hu.

Zôo 35:3

Mąąhɔlɔɓo, ə́ kwəi kaa kɛi diɛ ə́ mą́ą́kpaan və ɉu. Ŋą́ nɛ̨ŋɛ̨n ɉəɠə kpɔ, yili kaa a lə?»

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Zôo 10:6

Ə́ kaa ɉɔ́n gwɛlii mą́ą́ lə mɛ̨nį ɓa? Yɛ́ nɛ̨ŋɛ̨n gwɛli mą́ą́.