Zôo 5:9 - Yálá laawoo hɛɓɛ (dc)

⁹ Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Yálá laawoo hɛɓɛ

⁹ Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Bible

⁹ Kúfa târe gili-ŋa tɛ̂i mɛni kpaya-kpaya-ŋai su Ɣâla a gɛ̀i, ǹyaŋ ŋɔzugbɛrɛ-gbɛrɛ mɛni-ŋai kóyaŋ fé ma.

Zôo 5:9 Referans Kwoze

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Zôo 9:10

Ya ɓə hɛn gbɛa-gbɛaɠaa pɛli, yii nu kili hva gbaɠala kaa, nwɔ kpalo mɛ̨nįɠaai a gɛ, nu hva pɛli gəlee kwɛdɛn ɉii.

Mąątɛ̨nɛ̨ 72:18

Mąąwiɛ ə kɛ Yai-Laa Israɛlə nwɔ Yálái ɓa; yaa tɔ̨nɔ̨ lɔ ɓə a kpalo mɛ̨nį kɛ.

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Zôo 37:5

Yálá kaa tomąi, naa woo yɛ kpalo kulɔ, yɛ mɛ̨nį kpɛ-kpɛa kɛ a kwəi pili mąą.

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Mąątɛ̨nɛ̨ 139:18

Ŋą́ kɛ kpɔ bɔ, ŋį́ di lonon, damąąi dɛɛ ɲɛ̨ąkow ɓa. Ŋą́ nwún gbɔlɔɔ, ŋį́ gbɔ́wɔ́ kaa ə́ yee ŋą.

Zôo 42:3

Ə́ kɛ mą́ą́: «Gbɛɛ ɓaa yɛ́, yɛ́ pɛli gɛ́ mɛ̨nįɠaa hu pui a ɓowoɠaa ɓoɔ?.» Kɛlaa, ŋį́ kɛ dɛ́ɠii, və́ kɛ gbaɠala kɔ́lɔn. A tɛ̨ą, mɛ̨nįɠaai kɛi gwə́i pili mą́ą́, ŋį́ tunwɔ̨n diɛ dɛ́ɠii.

Zôo 10:16

Ŋą́ múhəɠə, yá hvilɛn búlu yɛ yala, yɛ́ ɉón bələ kwɛli a pələ tamąą.

Zôo 37:14

Ə́ wəli tɔɔ nwooi ti ɓa Ɉobə! Tɔɔ tai, ə́ Yálá nwɔ kpalo mɛ̨nįɠaa kaa,

Zôo 37:16

Ə́ tulɔ kpinįn ɉee pələ kɔ́lɔn? Ə́ mɛ̨nį kɔ́lɔn gili kpɔɔ kpɔɔ kɔ́lɔn?

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Zôo 13:1

A tɛ̨ą, ɲɛ̨́i aa tɔɔ mɛ̨nįɠaai ti kəlee hu, nwə́li aa di mɛ̨n, ɛlɛɛ, aa di kpaɠala kaa.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.